ང་དགའ་ས་ནི་དུས་ནམ་ཡང
་དྲང་བདེན་འདོད་མཁན་
དེ་ཡིན་ལ།
ང་རང་ཉིད་ཡང་མ་འོངས་པར་
བདེན་དོན་འཚོལ་ཐུབ་མཁན་
ཞིག་བྱེད་ངེས་ཡིན།
དེ་ནི་ངའི་ཕུག་བསམ་
གཙོ་བོ་དེ་ཡིན།
| 2015/3/15 21:11:00མཆོངས།།
ཁྱུང་བཙན་རྒོད།
སེམས་པ་འཚུབ་འཚུབ་སུ་ཡི་ཆེད་དུ་ཡིན།།
ལུས་པོ་འདར་འདར་སུ་ཡི་ཆེད་དུ་ཡིན།།
གཙང་པོ་ནང་དུ་མཆོང་ལ་ཁད་དུ་ཚུལ།།
དྲན་པ་གཟེར་གཟེར་དྲན་ནད་རྒྱག་ལ་ཁད།།
བྲག་རི་མཐོན་པོའི་ལ་ཁ་འདི་ནས་ཕར།།
སྟག་རྫོང་འདྲ་བའི་ནགས་ཚལ་མཐུག་པོའི་དཀྱིལ།།
མིག་ཟུང་བཙུམ་ནས་ཡིད་ལ་སུ་ཞིག་ཡོད།།
ཡིད་ཀྱི་ཀློང་ན་སྡུག་བསྔལ་ཅི་ཞིག་ཡོད།།
གཟུགས་ཕུང་འདི་ལ་གཅེས་སྤྲས་ཅི་ཞིག་ཡོད།།
ཚོར་བ་འདི་ལ་བདེ་སྡུག་ཅི་ཞིག་ཡོད།།
མི་ལུས་ཐོབ་པའི་དོན་གོ་ཅི་ཞིག་ཡོད།།
མི་ཡིན་ཞེས་པའི་མཚན་ཉིད་གང་ན་ཡོད།།
ཀླད་མེད་ཁྱོད་ཀྱི་ཅི་ཞིག་དྲན་ནས་ཡོད།།
མཇུག་འབྲས་མི་བསམ་གཡང་ནས་མཆོང་ལ་ཁད།།
མགོ་བོ་སྒུར་སྒུར་སུ་ཡི་དོན་དུ་ཡིན།།
གཉའ་ཧྲོ་ཧྲིང་ཧྲིང་གང་གི་ཚུལ་ཞིག་ཡིན།།
ལྕེ་དམར་ནུར་ནུར་ཁྱི་སྐད་རྒྱག་ལ་ཁད།།
པུས་མོ་བཙུག་ནས་ངུ་འབོད་བྱ་བའི་ཚུལ།།
བརྩེ་དུང་ཞིག་གི་རྨ་ཁ་ཡིན་ན་ཐང་།།
བསམ་གཞིགས་མ་བྱས་བླུན་རྟགས་སྟོན་དོན་དེ།།
མི་ཚེ་ཞིག་གི་ཕུགས་འདུན་བཀག་རྡོ་རེད།།
༢༠༡༤/༡༡/༥/ཉིན་བྲིས།
- ཟིན་ཐོ་གོང་མ།བརྩེ་དུང་།
- ཟིན་ཐོ་འོག་མ།དམིགས་ཡུལ་ཅི་ཞིག་ཡོད་དམ།།
བཀླགས་ཡོད།