རེ་ཞུས་ཀྱི་སྨོན་ལམ། །

    དྲིན་འཁོར་མེད་རྩ་བའི་བླ་མ་དང་། །

  རྐྱེན་སེལ་བའི་ཡེ་ཤེས་དབལ་མོ་དང་། །

  བཀའ་བཞག་པའི་རྒྱལ་བ་སྲས་བཅས་སོགས། །

  བུ་རང་ངོ་འཕྲོད་པར་བྱིན་གྱིས་རློབས། །

      སེམས་ཡེ་ནས་ཀུན་ཏུ་བཟང་པོ་ལ། །

    དྲིི་མ་བགོས་ཤེལ་དཀར་བུམ་པ་བཞིན། །

  དེ་མ་རྟོགས་ཁམས་གསུམ་སེམས་ཅན་རྣམས། །

  ང་བདག་ཏུ་འཛིན་ནས་འཁོར་བར་འཁྱམ། །

     དུས་ཉི་མ་དེ་རིང་ཕན་ཆད་ནས། །

   ངའི་སྨོན་ལམ་བཙན་པོ་འགྲུབ་པར་ཤོག།

   དྲིན་ཕ་མ་ཁམས་གསུམ་སེམས་ཅན་རྣམས། །

   མྱུར་སངས་རྒྱས་ཐོབ་པའི་སྨོན་ལམ་ཡིན། །

    སྐུ་མི་འགྱུར་གཡུང་དྲུང་ཐོབ་པར་ཤོག།

    གསུང་མི་འགྱུར་བོན་སྒྲ་སྒྲོགས་པར་ཤོག།

   ཐུགས་མི་འགྱུར་བོན་སྐུ་རྟོགས་པར་ཤོག།

   ངའི་མི་འགྱུར་སྨོན་ལམ་འགྲུབ་པར་ཤོག།