ཁྱུང་པོ་སྟེང་ཆེན་དགོན་གྱི་དབུ་བླ་རྒྱ་མཚོ་ནོར་བུ་དབུས་པའི་སྟོན་འཁོར་ཡོངས་ནས་མཁའ་ཁྱབ་

འགྲོ་ཀུན་སྒྲིབ་སྦྱོང་ཚོགས་གཉིས་རྫོགས་པ་དང་།  མི་མཐུན་འགལ་རྐྱེན་དང་དུག་ལྔའི་ནད་ཡམས

འཇོམས་ཤིང་དགའ་བདེ་ཕུན་ཚོགས་ཀྱི་གནས་ལ་འགོད་པའི་ཕྱིར་དུ་ད་བར།     བདུད་རྩི་སྨན་གྱི་

སྒྲུབ་ཆེན་འཚོགས་ཐེངས་བཀྲ་ཤིས་རྟགས་ཀྱི་གྲངས་དང་མཉམ་ཡོད་ལ།        ཡང་སྒོས་སུ་ཉེ་ཆར་

དགོན་འདིའི་འཚོགས་ཁང་ཆེན་མོ་ཕུན་ཚོགས་འབྱོར་རྒྱས་ཁང་གི་ཕྱི་ཁྱམས་ནང་རྟེན་དང་བཅས་

པ་ལེགས་གྲུབ་བྱུང་བའི་བྱིན་འབེབས་དགའ་སྟོན་དང་ཆབས་གཅིག   བླ་གྲྭ་ལྔ་བརྒྱ་ལྷག་ཙམ་གྱིས་

ལྔ་བརྒྱ་དུས་སྙིགས་ཀྱི་གཉེན་པོ་རུ་རྟེན་འབྲེལ་མ་བསྒྲིག་རང་འགྲིག་གི་སྒོ་ནས་ཉིན་ཞག་ཞེ་གཉིས་

ཀྱི་རིང་ལ་མི་གཙང་ཤ་ཁྲག་སྤངས་བའི་སྒོ་ནས་སྐབས་བརྒྱད་པའི་ཡི་དམ་ཁྲོ་ཕུར་གཉིས་ཀྱི་དཀྱིལ་

འཁོར་ཞལ་ཕྱེས་ཏེ་སྤྱི་སྤུངས་རིན་པོ་ཆེ་བསྒྲགས་པ་སྐོར་གསུམ་གྱི་ལས་ཚོགས་བདུད་རྩི་འོད་ཟེར་

ཆེན་མོའི་ཆོ་གའི་ཕྱག་ལེན་དཔལ་རྒྱལ་བ་སྨན་རི་བའི་ལུགས་འཁྲུལ་མེད་དུ་བསྐྱངས་བས་ལྷ་མི་

ཀུན་ལ་ཟད་པ་མེད་པའི་དགའ་བདེ་འཕེལ་བར་གདའ་འོ།།

བདུད་རྩི་སྨན་སྦྱོར་གནང་བཞིན་པའི་གཤེན་གྱི་རྒྱུད་འཛིན་རྣམ་པ།

ཞལ་གདམས་གསེར་གྱི་ཞུན་མ་ཅི་དགར་འཇོ་སའི་བོན་གྱི་སེར་སྐྱའི་འདུ་ར།