ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/29 20:44:00 | By: ཁྱུང་པོ་དཔལ་རྒྱལ། ]
 

                             དགེ་བཤེས་ཉི་མ་ཕུན་ཚོགས་ཀྱི་ཆ་ལན།

ཚང་མས་མཁྱེན་གསལ་ལྟར་ཉེ་ཆར་དགེ་བཤེས་ཉི་མ་ཕུན་ཚོགས་ཀྱིས་འཇང་དགུན་ཆོས་ཚོགས་

ཆེན་མོའི་སྐབས་སུ་གནང་བའི་ཆོས་བཤད་ནང་དུ། བོན་པོ་ནང་པ་མ་རེད། དེ་ཚང་མས་ཤེས་ཀྱི་

རེད། ཅེས་ནན་བཤད་བྱས་པའི་འོད་སྡེར་དེ་ས་ཕྱོགས་གང་སར་ཁྱབ་འདུག དེར་བརྟེན་བོན་གྱི་

དད་ལྡན་ཚོས་གཙོས་པའི་རྒྱ་ཆེའི་མང་ཚོགས་སེམས་ཕམ་པའི་སྣང་ཚུལ་བྱུང་བ་མ་ཟད།      དེ་

འབྲེལ་གྱི་འཁང་ར་བྱེད་མཁན་ཤིན་ཏུ་མང་པོ་འདུག        དེར་བརྟེན་གུས་པའི་སེམས་སུ་དགེ་

བཤེས་ཆེན་མོ་དེ་ཡིས་གསུངས་སྟངས་ལ་ལྟ་དུས།      ནང་དོན་རིག་པའི་རྩ་བའི་རྒྱུན་ཤེས་ཤིག་

ལའང་རྨོངས་མེད་དམ་སྙམ་པའི་ཚོར་བ་ཐེ་ཚོམ་ཅན་ཞིག་བྱུང་བའི་མཚམས་དེར།   ཁོང་གི་ཁ་

པར་ཨང་གྲངས་ཤིག་ཀྱང་རྙེད་བྱུང་བས་གུས་པས་ཁོང་ལ་དེ་རིང་ཁ་པར་ཞིག་བཏང་བ་སྟེ། ཨོ་

རྒྱན་པད་མ་དང་།   དེ་བཞིན་རྗེ་ཙོང་ཁ་པ་ཆེན་པོ་སོགས་སྔོན་བྱོན་གྱི་སྐྱེས་ཆེན་རྣམ་པས་ཀྱང་

དབྱེ་བ་འབྱེད་མེད་པ་ཞིག་ཁྱེད་ཀྱིས་འབྱེད་ཤེས་འདུག་པ་དེ་ངོ་མཚར་ཆེ་ལ།ཡང་གཅིག་བཤད་

ན།  ད་ལྟར་བཞུགས་པའི་མཁས་དབང་ནམ་མཁའི་ནོར་བུ་སོགས་ཀྱིས་གསུངས་པ་བཞིན་རྣ་བ་

བཀོག་ནས་རྐུབ་ལ་ལྷན་པ་བརྒྱབ་པའི་མཛད་འཕྲིན་ཞིག་ཁྱེད་ཀྱིས་བསྐྱངས་བ་དེ་ཆེས་ཐབས་

རྡུགས་ཤིག་ཡིན་པ་མ་ཟད།        ཆོས་དད་རང་མོས་ཀྱི་བཅའ་ཁྲིམས་ཀྱི་རྩ་དོན་དང་འགལ་ལ། 

མི་རིགས་ཀྱི་མཐུན་སྒྲིལ་ལ་གནོད་པའི་བྱ་ངན་ཞིག་ཏུ་སྣང་ན་ཡང་།      ཁྱེད་ཀྱི་གསུང་དེའི་རྒྱབ་

དཔུང་དུ་ཁུངས་བརྟན་ཞིང་ལུང་དང་རིགས་པས་ཕྱུག་པའི་ལྟ་ཚུལ་དང་གནས་ལུགས་ཁྱད་པར་

ཅན་མངའ་བའི་སྒྲུབ་བྱེད་གསེར་འོད་འཕྲོ་བ་རེ་ཡོད་ན་སྔ་ཙམ་མཇལ་ཁ་གནང་རོགས་ཞེས་ཞུ་

རྒྱུ་ནི་བདག་དང་བདག་འདྲ་བ་ཚོའི་རེ་བ་ཉག་ཅིག་ཡིན།  ཞེས་སོགས་སེམས་གཏིང་ལས་བརྡོལ་

བའི་སྐད་ཆ་མང་པོ་ཞིག་ཞུས་པ་ན། ཁོང་གིས་དེ་ལྟར་མིན་ལུགས་དང་ཉིན་དེར་ངག་ནས་བཤད་

ནོར་ཤོར་བ་ཙམ་ལས།    དོན་དུ་ཁོང་ལ་བན་བོན་གྱི་ཆགས་སྡང་ཅི་ཡང་མེད་པ་ནི་བླ་མ་དཀོན་

མཆོག་གསུམ་ཚད་དུ་བཙུགས་ཆོག  དེའི་སྐོར་ལ་གསལ་བཤད་དམ་འགྱོད་བཤགས་ཀྱི་དོན་ལྡན་

པའི་འོད་སྡེར་ཞིག་གང་མགྱོགས་ཁྲོམ་རའི་ཐོག་ཏུ་འགྲེམ་རྒྱུ་མ་ཟད། བོན་གྱི་དད་ལྡན་ཚོས་གཙོས་

པའི་ད་ཐེངས་ཕོག་ཐུག་སོང་བའི་བོད་རིགས་སྤུན་ཟླ་ཡོངས་ལ་དགོངས་པ་མ་ཚོམས་ཞེས་ཞུ་བ་

དང་། དེ་བཞིན་རྗེས་སུ་བོན་གྱི་དགོན་སྡེ་ཆེན་མོ་གང་རུང་ཞིག་ནང་དགོངས་སེལ་ཞུ་བར་བཅར་

ཡང་ཆོག    ཅེས་ཡང་ཡང་ཤོད་ཀྱི་འདུག་ཚུལ་ཁྱེད་ཀྱིས་གཞན་དག་ལ་གསུངས་རོགས་ཞེས་ནན་

གྱིས་བདག་ལ་སྐུལ་བར་བརྟེན་གུས་པས་དེ་མ་ཐག་ཏུ་དོན་དེ་འདིར་བཀོད་པ་ཡིན་ནོ།། 

           མཚམས་འདིར་ཕྲན་གྱིས་རྒྱ་ཆེ་བའི་དྲ་གྲོགས་རྣམ་པར་ཞུ་རྒྱུར་མི་སུ་འདྲ་ཞིག་ཡིན་རུང་།

ནོར་འཁྲུལ་ཤོར་མ་མྱོང་བ་མེད། འོན་ཀྱང་ནོར་འཁྲུལ་ལ་ནོར་འཁྲུལ་དུ་ངོས་ཟིན་ན་དེ་གས་འགྲིག་

པར་སྙམ་ལ།       ད་ལན་དགེ་བཤེས་ཉི་མ་ཕུན་ཚོགས་ཁོང་ནས་ཀྱང་ནོར་འཁྲུལ་ཤོར་བར་འགྱོད་

བཤགས་གནང་བཞིན་འདུག་པ་མ་ཟད།     བོན་ལ་བསམ་གཟས་ནས་དམའ་འབེབས་བྱས་པ་ཞིག་

མིན་ཞིང་།    སྐད་ཆ་བཤད་ནོར་བྱུང་བ་ཙམ་ལས། སེམས་ཀྱི་གཏིང་ལ་ལྟ་ཚུལ་ངན་པ་དེ་འདྲ་ཞིག་

མེད་ཅེས་ཡ་རབས་ཀྱི་གཏམ་ཐོག་ནས་ཤོད་ཀྱི་འདུག་ལ།  སྟོན་པས་ཀྱང་། གང་ཞིག་བདག་ལ་དད་

གྱུར་ཏམ།། སྨོད་དང་ཚིག་རྩུབ་སྨྲས་ཀྱང་རུང་།། བཟང་ངན་ལས་ཀྱི་འབྲེལ་བ་རྣམས།།    བདག་གིས་

ཐར་པར་དྲངས་པར་ཤོག།   ཅེས་གསུངས་ཡོད་པས་དེ་ལུགས་བཟོད་ཡངས་གནང་བའི་རེ་བ་དང་།

འགལ་ཟླ་ཇེ་ཆུང་དུ་འགྲོ་བའི་སྨོན་འདུན་ཡང་ཞུའོ།། 

 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2014/4/2 19:37:07 | By: སྐུ་མགྲོན་Hlc5FS(སྐུ་མགྲོན) ]
 
སྐུ་མགྲོན་Hlc5FS(སྐུ་མགྲོན)ཆོས་པ་ཆོས་ལ་ཞེན་པ་ཆེ་དྲགས་པས།ཆོས་ལུགས་དོན་དུ་གཞན་སྲོག་གཅོད།པར་ངེེས། ཆོས་དོན་གཞན་སྲོག་གཅོད་ལ་ འཛེམས་མིན་ན། ཆོས་ཀྱི་སྙིང་པོ་གཞན་ཕན་སེམས་བསྐྱེད་འགལ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2012/1/20 21:56:21 | By: སྐུ་མགྲོན་0fv3Am(སྐུ་མགྲོན) ]
 
སྐུ་མགྲོན་0fv3Am(སྐུ་མགྲོན)གྲོགས་པོ་ཚོ། ད་དུང་ཡིན་ན་ཡང་བོད་མི་རིགས་ཀྱི་རིགས་གཞུང་རྙིངས་པ་འཛིན་སྐྱོང་བྱེད་རྒྱུར་འབད་རྩོན་རྒྱ་ཆེན་པོ་གནང་འོས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2012/1/17 23:18:12 | By: སྐུ་མགྲོན་rVMy5D(སྐུ་མགྲོན) ]
 
སྐུ་མགྲོན་rVMy5D(སྐུ་མགྲོན)བོན་ཚོ་གཅིག་རྒྱབ་གཅིག་ལངས་བྱས་ནས་བསྟན་པ་འཛིན་ཁུལ་རེད་དེ། བསྟན་པ་ཉམས་སུ་ལེན་དགོས་པ་ལས། བསྟན་པ་ཁོང་ཁྲོ་དང་ང་རྒྱལ་གྱིས་འཛིན་སྐྱོང་གང་ནས་བྱེད་ཐུབ། རྗེས་སུ་ཁ་ཆེ་འཇིགས་བསྐུལ་བ་ལྟ་བུར་གྱུར་ཡོང་།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/25 22:15:37 | By: སྐུ་མགྲོན་p73Wnb(སྐུ་མགྲོན) ]
 
སྐུ་མགྲོན་p73Wnb(སྐུ་མགྲོན)དགེ་བཤེས་ཉི་མ་ཕུན་ཚོགས་ནས་འགྱོད་བཤགས་བྱས་པའི་འོད་སྡེར་ལྷ་སའི་གྲོང་ཁྱེར་དུ་འགྲེམ་སྤེལ་བྱས་འདུག. ཁོང་གི་དངོས་གནས་ཁ་ཙམ་མ་ཡིན་པའི་འགྱོད་བཤགས་ཡག་པོ་བྱས་འདུག་ལ་དེར་མ་ཟད་ཁོང་གི་ཁར་སོང་གིི་སྨད་པ་དེ་རིང་རྐྱེན་ངན་གྲོགས་ཤར་དུ་གྱུར་འདུག. གང་ལག་ཞེ་ན་ཁོང་གི་སྐད་ཆ་གོ་བདེ་བའི་སྒོ་ནས་ཡང་ན་ཡང་དུ་སྔར་བྱས་འགྱོད་པ་དྲག་པོའི་སྟོབས་དཔེར་ན་དུག་ཁོག་དུ་སོང་བ་ལྟ་བུ་དང་།བཤགས་ཡུལ་ཁྱད་པར་ཅན་དཔོན་པོ་སྐྱབས་གནས་རྟེན་པའི་སྟོབས་དཔེར་ན་སྟོན་པ་གཤེན་རབ་ཀྱི་དྲུང་དུ་དངོས་སུ་བཤགས་པ་འབུལ་བཞིན་པ་ལྟ་བུ།བཤགས་པའི་གཉེན་པོ་བྱང་ཆུབ་སེམས་ཀྱི་རྩིས་ཟིན་པའི་སྟོབས་དཔེར་ན་རྣམ་དཀར་དགེ་བ་ཕྱོགས་མེད་དུ་སྤྱོད་པ་ལྟ་བུ།ཕྱིན་མི་བྱེད་དམ་བཅའི་སྟོབས་ནི་དཔེར་ན་དུག་ལས་ཐར་བའི་མིས་སླད་ཕྱིན་དུག་མི་ཟ་བ་ལྟ་བུ་སྟོབས་བཞི་ཚང་བའི་བཤགས་པ་སྙིང་ཁོང་རུས་པའི་གཏིང་ནས་བྱེད་བཞིན་འདུག་ལ་གཞན་ལ་དེ་ལྟར་མི་རུང་བའི་བསླབ་བྱ་ཟབ་མོའང་གནང་བཞིན་འདུག དེར་བརྟེན་བོན་འབངས་ཡོང་ནས་བསམ་ཤེས་ཁོག་ལྷོད་གནང་རོགས་ཞུ།མི་སུ་ཡིན་ནའང་ནོར་བ་ཡོང་སྲིད་འོན་ཀྱང་ནོར་འཁྲུལ་ཡོ་བསྲང་བྱས་ན་དེ་གས་ལོས་ཆོག ཁོ་བོས་ཀྱང་ཁ་ཉིན་ཁ་རྡུང་དྲག་པོ་བཏང་བ་ཡིན་པས་དེ་རིང་དགེ་འདུན་བྱང་ཆུབ་སེམས་དཔའི་ཐུག་དཀྲུག་སོང་བ་ཁོང་ལ་དགོང་དག་ཞུ་རྒྱུ་དང་མ་བརྩད་བར་དུ་མི་མཐུན་ཞེས་པའི་དཔེ་ལྟར་སླད་མར་བོན་དང་ཁྱེད་ང་དང་ཁོང་གི་བར་དུ་གྲོགས་པོ་འགྱུར་སྲིད་ལ་ཁོང་ནས་བོད་ཀྱི་གནའ་བོའི་རིག་གཞུང་ལ་ཞིབ་འཇུག་བྱེད་འདོད་ཡོད་ན་གཟིགས་དཔེ་སོགས་ཀྱི་མཐུན་སྦྱོར་བྱེད་རྒྱུ་ཡིན།བསམ་གཏན་འགྱུར་མེད་ནས༢༠༡༡-༡༠-༢༥ཉིན་ཕུལ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/19 21:26:10 | By: སྐུ་མགྲོན་K51Ri7(སྐུ་མགྲོན) ]
 
སྐུ་མགྲོན་K51Ri7(སྐུ་མགྲོན)ཟླ་གསས་ལགས་ཀྱི་ཐད་ཀར་གསུང་བ་བཀའ་དྲིན་ཆེ།མིང་དངོས་གནས་ནོར་བ་རེད་་་་དགེ་བཤེས་ཉི་མ་ཕུན་ཚོགས་འཇལ་བྱུང་ན་གཟབ་གཟབ་བྱས་སྟེ་མ་ནོར་བ་བྱེད་ཆོག.ཁོང་གི་ཁ་པར་ཨང་གྲངས་ནོར་མེད་་་་འཕང་བ་ཞིག་ལ་གནས་སྐབས་འཕྲད་མ་བྱུང་ལ་ཁ་པར་ཡང་སྒོ་བརྒྱབ་འདུག བསམ་གཏན་འགྱུར་མེད་ནས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/18 23:30:17 | By: ཟླ་གསས་ཀྱིས།(སྐུ་མགྲོན) ]
 
ཟླ་གསས་ཀྱིས།(སྐུ་མགྲོན)ད་ཡང་ཁ་ཤས་ཀྱིས་དགེ་བཤེས་ཉི་མ་ཕུན་ཚོགས་དང་ཉི་མ་དོན་འགྲུབ་ནོར་བ་མ་ཡིན་ནམ། ཟབ་ཟབ་གནང་རོགས་ཞུ། ཟླ་གསས་ཀྱིས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/18 20:48:05 | By: སྐུ་མགྲོན་128Jb4(སྐུ་མགྲོན) ]
 
སྐུ་མགྲོན་128Jb4(སྐུ་མགྲོན)ནང་བསྟན་ངོ་སྤྲོད་སྤུན་ཟླའི་བརྩེ་སེམས་དཀྲུག
སེར་བྱིས་དགེ་བཤེས་བདག་འཛིན་དབལ་སོ་རྒྱས།
ཆོས་བཤད་དོན་ཐོག་ནང་འཁྲུགས་བརྩོད་པ་འགྱུར།
ཁ་བའི་འགལ་ཟླ་ནམ་ཡང་འགྲིག་ཐབས་བྲལ།

ཨ་མདོའི་ཡུལ་ནས་ཚུལ་ཁྲིམས་བློ་གྲོས་དང་།
དཀར་མཛེས་ཡུལ་ནས་ཚུལ་ཁྲིམས་བསྟན་འཛིན་གཉིས།
དབུས་གི་ཡུལ་ནས་ཉི་མ་ཕུན་ཚོགས་གསུམ།
ཆོལ་ཁའི་བརྩེ་སེམས་ཞོ་དང་ཁྲག་བཞིན་དཀྲུག

དེ་ལྟར་ནང་ཆོས་བདག་འཛིན་མི་ཡོང་བ།
སྐྱབས་གནས་དཀོན་མཆོག་གསུམ་ལ་གསོལ་བ་འདེབས།
གངས་ཅན་ཁ་བའི་ཕ་ཆོས་གཡུང་དྲུང་བོན།
བསྟན་པ་ཡུམ་རིང་གནས་པའི་བཀྲ་ཤིས་ཤོག

སྤེན་པ་རྒྱལ་མཚན་ཀྱིས་ལྷ་ལྡན་ཉི་མའི་གྲོང་ནས་བྲིས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/17 0:58:13 | By: སྐུ་མགྲོན་8DTg8K(སྐུ་མགྲོན) ]
 
སྐུ་མགྲོན་8DTg8K(སྐུ་མགྲོན)རྒན་དཔལ་རྒྱལ་ལག་ཁྱེད་ནི་ང་ཚོའི་བོན་པོ་ཚོང་གིས་ནོར་བུ་ཡིན་བུ་ང་ཡིས་ཁྱེད་ལ་གླུ་གཡུང་མང་པོ་ཞིག་ལེན་ཡོང་།ང་ནི་བོད་ཀྱི་གླུ་ཆུང་ཆུང་ཚེ་དབང་མཐར་ཕྱིན་ཡིན༄
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/13 17:24:41 | By: yongzhou ]
 
yongzhouའོ་ལགས་སོ། དགེ་བཤེས་ཉི་མའི་ཆ་འཕྲིན་གོ་སོང་། ཁྱུང་པོ་དཔལ་གྱི་རྩོམ་ཆོས་རིག་སོང་། བོད་པའི་བོན་པོའི་གཤེ་ཚིག་མཐོང་སོང་། ཡིན་ནའང་། སེམས་བསམ་པའི་སྐད་ཆ་ཞིག་བཤད་ན། འདི་དག་ཐད་ཀྱི་བསམ་འཆར་སྐོར་ཞིག་མི་འགྱང་བར་ཀུན་གྱི་སྤྱན་ལམ་དུ་བསྟར་ཡོང་།
ཡ་བྲང་གཡུ་འབྲུག་གིས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/5 1:52:18 | By: སྐུ་མགྲོན་LQHs3W(སྐུ་མགྲོན) ]
 
སྐུ་མགྲོན་LQHs3W(སྐུ་མགྲོན)སེམས་བསམ་པའི་ནང་གི་སྐད་ཆ་ཞིག་བཤད་ན། བོན་པོ་ཚང་ལ་མཁས་པ་དང་དགེ་བཤེས། བླ་མ་དང་དཔོན་པོ་སོགས་ཇི་སྙེད་ཅིག་མདོ་དབུས་ཁམས་གསུམ་དུ་བཞུགས་ཡོད་ཀྱང་། འདི་ལྟར་ཁ་ཅིག་གིས་མངོན་གསལ་དོད་པོས་བོན་པོར་སྨོད་པ་མ་ཟད། མང་ཚོགས་ལའང་སྐུལ་དེད་གཏོང་བ་འདི་དག་བྱུང་སྐབས་གོང་གི་མིང་ཆེན་གྱི་བདག་ཉིད་དེ་ཚོ་མཁའ་དབུགས་ཙམ་ཡང་མི་འབྱིན་པ་ནི་ཡིད་རེ་སྐྱོ། འོན་ཀྱང་ཕོ་རྒོད་ཁྱེད་ཀྱིས་རྒོལ་རྩོད་ཀྱི་འགན་གཙང་བླངས་པ་དེ་ནི་དངོས་གནས་བདག་ཚོ་སྟེ་ཕྱི་ཡུལ་ན་གནས་པའི་བོན་པོ་རྣམས་ཀྱི་སེམས་ལ་དྲོད་ཁོལ་ཞིག་ཀྱང་བྱིན་སོང་། ས་མཐའ་འདི་ནས་བཀའ་དྲིན་ཆེ་ཞུ། སྨན་རིའི་གླིང་གི་དགེ་མིང་འཛིན་པ་ཁི་ཁར་མིང་ཅན་གྱིས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/2 20:14:16 | By: zhongsong ]
 
zhongsongམཁས་གཞོན་ཁྱུང་པོ་དཔལ་རྒྱལ་ལགས། ངས་ཁྱེད་ལ་བཀྲ་ཤིས་བདེ་ལེགས་ཞུ་བ་དང་ཆབ་གཅིག ཁར་སང་ཁྱེད་ནས་དགེ་བཤེས་ཉི་མ་ཕུན་ཚོགས་ཀྱིས་བདེན་པའི་བོན་ལ་སྒྲོ་བཀུར་བཏབ་པའི་རྫུན་གཏམ་ཁུག་མའི་ཞབས་མཐིལ་བརྟོལ་མཛད་པར་དགའ་བསུ་ཞུ། མ་འོང་པར་ཁྱེད་ཀྱི་མཛད་བཟང་ཡར་ངོའི་ཟླ་ལྟར་རྒྱས་པའི་སྨོན་འདུན་ཞུ།
མནའ་རྫུན་གཉིས་ཀྱི་གཡོ་འོག་ཏུ། །
ཧམ་པ་སུ་ཆེའི་རྒྱལ་ཁ་དེ། །
དྲང་བདེན་བུ་ཡི་རླབས་འོག་ཏུ། །
ནམ་ཞིག་ཚུད་པའི་བཀྲ་ཤིས་ཤོག ། ཀིའི། བོན་རྒྱལ་ལོ།། ཁྱུང་པོ་སྟེང་ཆེན་དགོན་ནས་བོན་སྨྱུག་མིང་གིས་སྤེལ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/2 20:11:58 | By: སྐུ་མགྲོན་1ja4Dp(སྐུ་མགྲོན) ]
 
སྐུ་མགྲོན་1ja4Dp(སྐུ་མགྲོན)བསྭོ
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/2 20:08:45 | By: སྐུ་མགྲོན་1ja4Dp(སྐུ་མགྲོན) ]
 
སྐུ་མགྲོན་1ja4Dp(སྐུ་མགྲོན)ཀི་་་ཕོ་ལྷ་བསྭོ་།
དཔ༵འ་བོས་རྒྱལ༵་ཁ་ཐོབ།
གཏམ་བཟང་གཡུ་འབྲུག་གྲགས།
དགའ་འབོད་སྦྲང་ཆར་ཕབས།
ལུང་རིགས་ཐོག་དམར་འཕངས་།
ལོག་སྨྲའི་བྲག་རི་བཏོར་།
ཁྱུང་གི་གྱེར་ཕྲུག་ངའི།
སེམས་ལ་དྲོད་ཁོལ་འཁྱིལ་ གངས་རིའི་གསེར་སྨྱུག་པས།།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/2 19:51:36 | By: སྐུ་མགྲོན་1IYk0O(སྐུ་མགྲོན) ]
 
སྐུ་མགྲོན་1IYk0O(སྐུ་མགྲོན)མཁས་གཞོན་ཁྱུང་པོ་དཔལ་རྒྱལ་ལགས་ངས་ཁྱེད་ལ་བཀྲ་ཤིས་བདེ་ལེགས་ཞུ་བ་དང་ཆབ་གཅིག ཁར་སང་ཁྱེད་ནས། དགེ་བཤེས་ཉི་མ་ཕུན་ཚོགས་ཀྱིས། བདེན་པའི་བོན་ལ་སྒྲོ་བཀུར་བཏབ་པའི་རྫུན་གཏམ་ཁུག་མའི་ཞབས་མཐིལ་བརྟོལ་མཛད་པར་དགའ་བསུ་ཞུ། མ་འོང་པར་ཁྱེད་ཀྱི་མཛད་བཟང་ཡར་ངོའི་ཟླ་བཞིན་རྒྱས་པའི་སྨོན་འདུན་ཞུ།
མནའ་རྫུན་གཉིས་ཀྱི་གཡོ་འོག་ཏུ། །
ཧམ་པ་སུ་ཆེའི་རྒྱལ་ཁ་དེ། །
དྲང་བདེན་བུ་ཡི་རླབ་འོག་ཏུ། །
ནམ་ཞིག་ཚུད་པའི་བཀྲ་ཤིས་ཤོག ། ཀིའི། བོན་རྒྱལ་ལོ།། ཁྱུང་པོ་སྟེང་ཆེན་དགོན་ནས་བོན་སྨྱུག་མིང་གིས་སྤེལ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/1 23:52:00 | By: སྐུ་མགྲོན་wcs1VI(སྐུ་མགྲོན) ]
 
སྐུ་མགྲོན་wcs1VI(སྐུ་མགྲོན)ཁྱུང་པོ་དཔལ་རྒྱལ་ལགས། ཤིན་ཏུ་ལེགས་འདུག ཁྱེད་ཀྱིས་ང་ལ་ཁོའི་ཁ་པར་ཨང་གྲངས་དེ་གཅིག་གཏོང་རོགས། ལྷ་ས་ནས་གཡུང་བསྟན་པས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/10/1 10:27:20 | By: སྐུ་མགྲོན་1JAm15(སྐུ་མགྲོན) ]
 
སྐུ་མགྲོན་1JAm15(སྐུ་མགྲོན)དཔལ་རྒྱལ་ལགས་བཀྲ་ཤིས་བདེ་ལེགས་།ཁྱེད་ཀྱི་སེར་གྲྭ་ཉི་དོན་ལ་འབྲེལ་བ་བྱས་པ་ཐུགས་རྗེཆེ།མ་གཞི་ང་གཉིས་ངོ་ཡག་པོ་མི་ཤེས་ཀྱང་རྒྱུན་སྡོད་ལྷ་ས་ཡིན་པའི་ཆ་ནས་དེ་རིང་འུ་གཉིས་ཕྲག་ཐོག་བབས་པའི་འོས་འགན་ནི།སེར་གྲྭ་ཉི་དོན་གྱི་གཡོ་གཏམ་དམར་རྗེན་ནམ་གཟི་གཏམ་ངོ་ལེན་འཛམ་གླིང་བོན་འབངས་ཡིད་ཚིམ་པ་བྱེད་རྒྱུ་དེ་ཡིན་སྟབས་ང་བོད་དུ་འབྱོར་རྗེས་ཁྱེད་དང་ང་ཞི་བ་དང་དྲག་པོའི་ཐབས་ཤེས་ཟུང་འབྲེལ་གྱི་དུན་ཙེ་འདུལ་བའི་ཕྲིན་ལས་ལ་འབད་པར་བྱའོ།དམ་བཅའ་དང་བཅས་ལེའོ་ཉིང་ཧྥུ་ཤིས་གྲོང་ཁྱེརནས་གཙང་ཚྭ་བསམ་གཏན་འགྱུར་མེད་ནས་ཕུལ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 21:21:27 | By: སྐུ་མགྲོན་oSj7NA(སྐུ་མགྲོན) ]
 
སྐུ་མགྲོན་oSj7NA(སྐུ་མགྲོན)དཔལ་རྒྱལ་ལགས།ང་ད་ལྟ་བྱང་ཤར་ལེའོ་ཉིང་དུ་ཡོད་ཡར་སླེབ་ཚར་རྗེས་ངོ་མ་དགེ་བཤེས་ཉི་མ་དངོས་གནས་རྩལ་རྒྱུ་ཡིན་ཁོས་ཧ་ལམ་ཁྱེད་ལ་གཡོ་གཏམ་འཇམ་པོ་བཤད་ཡོད་ངེས་རེད་་་་མ་ཟད་གཤེན་སྤྲུལ་ཐུགས་རྗེ་ཉི་མའི་ལུང་བསྟན་ལས་༼སེ་ར་ཉི་མའི་འཁོར་ལོ་བསྐོར་༽ཞེས་པ་སེར་དགོན་དགེ་བཤེས་ཉི་མ་དོན་གྲུབ་ནས་ཆོས་ལུགས་གཏོར་བཤིག་གི་རྫུན་གཏམ་ལོག་བཤད་སྤེལ་བ་ལ་ཧ་ལམ་གོ་བ་ལེན་ཆོག གལ་སྲིད་ལུང་ལས་ཐེབས་་པའི་དུན་ཙེ་ཡིན་ན་བཀའ་བསྒོ་དམ་རྟགས་ཡག་པོ་ཞིག་མ་བྱས་ན་ག་ལ་འགྲིག.
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 18:57:29 | By: སྐུ་མགྲོན་HMd5GS(སྐུ་མགྲོན) ]
 
སྐུ་མགྲོན་HMd5GS(སྐུ་མགྲོན)གྲོགས་ཁྱུང་པོ་དཔལ་རྒྱལ་ལགས་ཐུགས་རྗེ་ཆེ་ཞུ། ཉིན་གཉིས་ཀྱི་གོང་ཁྱེད་ནས་ཕྲན་ལ་ཁ་པར་ཨང་གྲངས་གནང་བ་ལྟར་ཕྲན་ནས་ལམ་སེང་དེའི་ཐད་དགེ་བཤེས་དེ་ལ་དུས་ཆུང་ཕྱེད་ཙམ་རིང་ཕྱོགས་མང་པོ་ཞིག་ནས་གནས་ལུགས་དང་རྒྱུ་མཚན་གྱི་ཁ་བརྡ་ཞུས་པས་དགེ་བཤེས་དེས་འགྱོད་པ་སྟོང་དང་བཤགས་པ་ཁྲི་ཡོད་ཟེར་ནས་གུས་གུས་ཞུམ་ཞུམ་མང་པོ་བྱེད་པའི་ཚུལ་བཅས་ཁྱེད་ནས་སྙན་དུ་གསན་པའི་དོན་དེ་དག་རང་རེད། ངན་པ་ལང་ཤོར་ལ་བརྒྱ་ལྕག་གཞུ་དགོས་པའི་དོན་ལྟར་ཁ་རྡུང་གཏོང་མཁན་མང་ཙམ་འབྱུང་དགོས་པར་བསམ་ནས་ཁ་པར་ཨང་གྲངས་དེ་རིན་སྤུངས་ཚུར་བསྟན་མཆོག་གི་དྲ་བའི་གཏམ་བཤད་བྱེད་ཡུལ་དུ་སྤེལ་བ་ཡིན། རེ་བར་ཁ་ངན་འདི་འདྲ་ལབ་མཁན་ཡོད་དུས་རང་རེའི་སྟོབས་ཤུགས་ངེས་པར་གཅིག་ཏུ་སྤུངས་དགོས་པ་འདུག དེ་ལྟར་གནང་ཐུབ་ན་བདེན་པའི་རྒྱལ་ཁ་ངེས་པར་དུ་འཐོབ་ཐུབ་པར་ཡིད་ཆེས་གཏིང་ནས་ཡོད།
ཁྱུང་འཚོ་བྱེད་ཟླ་འོད་འབོད་པས།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 17:00:36 | By: ygrbwj ]
 
ygrbwjབཀྲ་ཤིས་བདེ་ལེགས། རྒན་དཔལ་རྒྱལ་ལགས་གནས་ཚུལ་ཡག་པོ་འདི་འདྲ་གསལ་འགོད་གནང་བར་བཀའ་དྲིན་ཆེ་ཞུ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 16:39:48 | By: liam ]
 
liamགནས་ཚུལ་གསལ་འགོད་གནང་བར་ཐུགས་རྗེ་ཆེ་ཞུ་ལགས། ཁོ་བོས་ཀྱང་རེབ་གོང་བོན་མང་དྲ་ཚིགས་སུ་འདྲེན་བཀོལ་བྱ་རྒྱུ་ཡིན་པས་དགོངས་འཁྲོལ་ཞུ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 10:51:51 | By: triyungblog ]
 
triyungblogཟིན་གྲོགས་ལགས།
བཀྲ་ཤིས་བདེ་ལེགས་ཞུ། གནས་ཚུལ་ཡག་པོ་ཞྀག་འདུག་ཁོ་བོས་གཡུང་དྲུང་བོན་གྱི་དྲ་ཚིགས་སུ་འདྲེན་རྒྱུ་ཡིན་པས་དགོངས་འཁྲོལ་ཡོད་པ་ཞུ།
ཐུགས་རྗེ་ཆེ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 8:24:34 | By: tibetmonk ]
 
tibetmonkདང་ཐོག་གྲོགས་དཔལ་རྒྱལ་ལགས་ལ་བཀའ་དྲིན་ཆེ་ཞུ་བ་ལགས།
གཞན་དགེ་བཤེས་ཁོང་གིས་འོད་སྡེ་གསར་བ་བཟོ་ཡོང་ཟེར་བ་དེ་གང་མགྱོགས་ལ་སྤྱི་ཚོགས་སྟེང་བཀྲམ་པའི་རེ་བ་ཡོད།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 4:03:10 | By: woser ]
 
woserདཔྱོད་ལྡན་ཁྱུང་པོ་དཔལ་རྒྱལ་ལགས་སུ་བཀྲིས་བདེ་ལེགས་ཞུ་བ་དང་ཆབས་ཅིག ཁྱེད་ཀྱིས་སྒང་པ་བོད་ཀྱི་ཕ་ནོར་ལ་གཙིགས་སུ་གནང་སྟེ་ལོག་སྨྲ་བ་དེ་དག་ཚར་གཅོད་གནང་བ་ནི་སྤྱིར་རང་ཉིད་བོད་མི་ཞིག་ཡིན་པའི་འགན་ཁུར་དང་། སྒོས་སུ་རང་རེ་རྒྱལ་བ་གཤེན་གྱི་བསྟན་པའི་ཞབས་འདེགས་དང་མཛེས་རྒྱན་ལགས་པས་བཀའ་དྲིན་ཆེ་ཞུ། ད་དུང་དགེ་བཤེས་ཀྱི་མིང་ཁུར་བའི་སེར་གཟུགས་དེ་ཚོས་ཁ་སྙན་པོ་འདྲ་བཤད་ནས་ལྷོད་གཡེང་གཏོང་སྲིད་པས་ཁྱེད་ཀྱིས་ནན་བསྐུལ་ཡང་ཡང་གནང་རོགས་ཞུ།
ནུབ་ཕྱོགས་འབྲས་ལྡན་གྲོང་ནས་ཁྱུང་འོད་རྒྱལ་པས་ཕུལ།།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/30 0:18:20 | By: སྐུ་མགྲོན་128Kc5(སྐུ་མགྲོན) ]
 
སྐུ་མགྲོན་128Kc5(སྐུ་མགྲོན)དེ་ལ་མུ་མཐུད་དེ་བརྡ་ལན་ཡང་དག་ཞིག་མ་སྤྲད་ན་ཁ་སྙ་པོ་དེ་འདྲ་མང་པོ་གོ་མྱོང་། ཁོ་པས་བྱེད་ཕྱོགས་འོད་སྡེར་ནང་ནས་བཀྲམས་པ་དེ་རེད། དེ་འདྲི་ཡིན་དུས་སྙིང་ནས་འགྱོད་བཤགས་ཡིན་ན་འོད་སྡེར་གང་མགྱོགས་འདོན་དགོས། དེ་མིན་ཁ་མཁས་ལྕེ་བདེས་ཕན་ཐབས་བྲལ།
 
 
Re:དགེ་བཤེས་ཉི་མ་ཕུན་ཚོགས་ཀྱི་ཆ་ལན།
[ 2011/9/29 21:19:30 | By: སྐུ་མགྲོན་027Iam(སྐུ་མགྲོན) ]
 
སྐུ་མགྲོན་027Iam(སྐུ་མགྲོན)འོ་་་་དངོས་སུ་བཤགས་འགྱོད་མ་བྱས་བར་དུ་ཡིད་ཆེས་མ་མཛད་རོགས། ཕོ་རྒོད་དཔལ་རྒྱལ་ཁྱོད་ཀྱིས་འཇོན་འདུག་པར་དགའ་བསུ་ཞུ། འོན་ཀྱང་ད་ལྟ་ཁོས་ཁྱོད་ལས་གཏམ་སྙན་པོ་བཤད་པ་ཙམ་ལས་ཁོས་དགོས་པའི་ལག་ལེན་ད་དུང་བསྟར་མེད་པས། དེ་བར་དུ་སྒུག་རོགས། འདི་ཚོ་རྒྱ་ཡན་དུ་འཇོག་མི་རུང་སྤྱི་ཚོགས་རྙིང་པ་ཡིན་ན་ཁ་ཁ་རེད། སྡེ་བ་གཞུང་ལ་དབང་ཆ་ཡོད་པས་ཅི་ཡང་ལབ་ས་མེད། དུས་དེང་སང་འདྲ་ལེ་མ་རེད། སྨན་རིའི་གླིང་གི་དགེ་བཤེས་ཤིག་གིས།
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.