༼ཞང་བོད་མེས་པོའི་འོད་ཟེར༽རྩོམ་སྒྲིག་ཁང་གི་རྩོམ་བསྡུའི་གསལ་བརྡ།

 ༧ ཕ་བོན་གོང་མས་རྗེས་སྐྱེས་བུ་རབས་ཚ་རྒྱུད་ལ་ཕ་ཕོགས་སུ་བསྩལ་ཞིང་། གཞན་གྱིས་བསྒྲུན་དུ་མེད་པའི་

ཐུན་མིན་ཞང་བོད་གཉིས་ཀྱི་ཆོས་རིག་གོམས་སྲོལ་འདི་དག་ཉམས་མེད་བཙའ་སྐྱོང་བྱེད་དེ། ཇི་ལྟར་ཡིན་ལུགས་

ཀྱི་དེ་ཉིད་ལོག་ཕྱོགས་ངན་རྟོག་གིས་སྒྲིབ་བཅོས་བྱེད་དུ་མི་བཅུག་པར།  ཚད་གསུམ་གྱི་སྲང་ཁ་ནས་དོན་གྱི་ལྷ་

ཞལ་རྗེན་བུར་ཕྱུངས་ཏེ་ཀུན་གྱིས་མཐོང་བོན་དུ་བསྟན་པ་དང་། ཕྱི་རབས་ལྟོས་བཅས་ཚོར་རྨོངས་དད་དང་

ཡིད་ཆེས་ཁོ་ནས་གཞན་ཟེར་གྱིས་ཕྱོགས་སྟོན་གར་བསྒྱུར་མ་ཡིན་པར་དཔྱོད་ཤེས་སོར་རྟོགས་ཀྱི་རིག་པར་

བརྩོན་སེམས་དང་འཇུག་སྤོབས་བསྐྱེད་སླད་སོགས་རེ་འདེང་གིས་བསྐྲུན་པའི་གླེང་སྟེགས་ཤིག་སྟེ། ༼ཞང་བོད་

མེས་པོའི་འོད་ཟེར་༽ གྱིས་ཁྱེད་ལ་སྐྱ་སེར་དང་།　མཐོ་དམན། ཕོ་མོ། བཙན་གཉོམ། ཉེ་རིང་།　རང་གཞན་

རིས་མེད་ཀྱི་སྨྱུག་ཐོགས་པ་རྣམ་པ་སོ་སོའི་རྣམ་དཔྱོད་རང་རྩལ་ལས་ཐོན་པའི་རྩོམ་གྱི་སྡོང་ཟླའི་དཔུང་རོགས་

འབེལ་པོར་སྩོལ་བར་ངང་སྒུག་ཞུ་བཞིན་ཡོད།

འདིའི་རྒྱབ་ལྗོངས་སུ་ཞང་བོད་གཉིས་ཀྱི་ཆོས་རིག་གོམས་སྲོལ་དང་འབྲེལ་བའི་བདེ་དོན་སྙིང་ཉེའི་སློབ་གསོ་

དང་།  རིང་བའི་དངོས་བྱུང་ལོ་རྒྱུས།  གསར་ཞིབ་རིག་པའི་དཔྱད་གཏམ།ལྔ་རིག་ཤེས་བྱའི་ལམ་སྒྲོན།  སྙན་ཚིག་

ངག་གི་རོལ་རྩེད། དགོས་ངེས་གསལ་བསྒྲག་གི་གནས་ཚུལ་བཅས་གང་དགར་སྨྲ་བའི་འབབ་སྟེགས་གཡོ་ས་ཡོད་

པས་ཅི་ནས་ཀྱང་བསྙེལ་བ་མེད་པའི་ངོས་ལམ་སྡོང་དུ་སྦྲན་པའི་རྩོམ་རིགས་རྣམས་ལོ་ལྟར་སྤྱི་ཟླ་བཅུ་པའི་

མཇུག་ནས་བསྡུ་མཚམས་འཇོག་རྒྱུ་ཡིན་པས། དེ་ལུགས་ཀྱི་དགོངས་བཞེས་མཛད་དེ་དག་ཞུས་མ་འཛོལ་བར་ཧི་

མ་ལ་ཡའི་ཡིག་གཟུགས་ཐོག་དོ་བདག་རང་གི་མཚན་དང་། ས་གནས། ཐོབ་ཐང་། ལས་དོན་རྣམས་ཟུར་གསལ་

ཡོད་པ་གློག་རྡུལ་ཡིག་སྒམ་སོགས་གང་བདེར་བརྒྱུད་དེ་དངོས་འབྱོར་ཡོད་པར་ཞུ་ཞུ། །

ས་གནས། 　བོད་ཆབ་སྟེང་ཆེན་རྫོང་ས་སྒང་ཤང་༧རྩེ་དྲུག་དགོན།

གཙོ་གཉེར་སྡེ་ཁག 　ཞང་བོད་མེས་པོའི་འོད་ཟེར་རྩོམ་སྒྲིག་ཁང་།

གཙོ་སྒྲིག་པ། 　ལྗང་ཤེར་བསྟན།

ལག་ཁྱེར་ཁ་པར།    18989955388

གློག་རྡུལ་ཡིག་སྒམ།     zizhushan@yahoo.cn

སྒེའུ་ཁུང་ཁ་བྱང་།       2212650008

ཡིག་ཟམ་ཁ་བྱང་།    855700