སྤྱི་བསྒྲགས།
སྒྲིག་འཇུག...
ལི་ཐོ།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
པར་མཛོད།
ནང་འཇུག
སྒྲིག་འཇུག...
དྲ་གྲོགས།
སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
སྒྲིག་འཇུག...
ཚད་མའི་རིག་སྒྲ་མཇུག་གྲོལ་བའི་གནས་བསྡུས། | 2012/9/20 20:29:00
ཁྱུང་པོ་རི་བོ་རྩེ་དྲུག་དགོན་དུ་ཚད་མའི་རིག་སྒྲ་མཇུག་གྲོལ་བའི་གནས་བསྡུས།
དེ་ཡང་སྔོན་དུ་སོང་བའི་གསལ་བཤད་ལྟར་འདི་ག་ཞང་ཞུང་སྒོ་པའི་འདུས་སྡེ་ཁྱུང་པོ་རི་བོ་རྩེ་དྲུག་གླིང་དུ་སྐབས་དྲུག་པའི་ཚད་མའི་རིག་སྒྲ་ཆེན་མོ་བདུན་ཕྲག་གཉིས་ཀྱི་རིང་འཚོགས་པར་མཛད་དེ་མཐའ་མའི་ཉིན་གཉིས་ཀྱི་ཕྱི་དྲོའི་ཆུ་ཚོད་བཞི་དང་ཕྱེད་ཀ་ནས་འགོ་བཟུང་སྟེ་ཆུ་ཚོད་དྲུག་པའི་བར་ཆུ་ཚོད་གཅིག་དང་ཕྱེད་ཀའི་རིང་དུ་གླིང་ཁག་གཉིས་པོ་རེས་མོལ་གྱི་དམ་བཅའ་དང་རྩོད་པ་གནང་སྟེ། དེ་ཡང་གླིང་ཁག་གཉིས་པོས་རྒྱན་འཕང་པ་ལྟར་དམ་བཅའ་བཞུགས་མཁན་དང་པོ་འཇིགས་མེད་ཐོས་བསམ་གླིང་དང་། རྩོད་པ་གནང་མཁན་ཐོགས་མེད་ལུང་རིག་གླིང་། གཉིས་པ་དམ་བཅའ་བཞུགས་མཁན་ཐོགས་མེད་ལུང་རིག་གླིང་དང་རྩོད་པ་གནང་མཁན་འཇིགས་མེད་ཐོས་བསམ་གླིང་བབས་པ་ལྟར་གླིང་ཁག་གཉིས་པོས་རིག་ལམ་འགྲན་བསྡུར་གྱི་རྩོད་པ་གནང་ཞིང་།
འཇིགས་མེད་ཐོས་བསམ་གླིང་གི་དམ་བཅའ།
ཐོགས་མེད་ལུང་རིག་གླིང་གི་དམ་བཅའ།
དགེ་བཤེས་ཆེན་མོ་ཡོན་ཏན་ཕུན་ཚོགས་མཆོག་ནས་ཁྱབ་ལོག་གསལ་སྒྲག་གནང་བ།
དཔོན་གསས་བླ་མ་མཆོག་སྤྲུལ་བསྟན་འཛིན་འོད་ཟེར་ནས་བཀའ་སློབ་གནང་བ།
ཚོགས་རའི་ཟུར་ཞིག
བསྟན་རྒྱས་སྨོན་ལམ་གསུང་བཞིན་པ།
ཐེངས་དྲུག་པའི་ཚད་མའི་རིག་སྒྲའི་སྐབས་མཉམ་འཛོམ་བྱུང་བའི་དགེ་སློབ་ལྷན་རྒྱས།
མཇུག་ཏུ་དགེ་བའི་བཤེས་གཉེན་ཆེན་མོ་ཡོན་ཏན་ཕུན་ཚོགས་མཆོག་ནས་གླིང་ཁག་གཉིས་པོས་ཁྱབ་ལོག་མང་ཉུང་གསལ་སྒྲག་མཛད་མཐར་ད་ལན་ཚད་མའི་རིག་སྒྲ་འདི་ཉིད་གྲ་རྒྱས་ཕུན་སུམ་ཚོགས་པའི་ངང་འཚོགས་རྒྱུ་བྱུང་བ་དང་། སླད་ཕྱིན་ང་ཚོ་ཚང་མས་ཚད་མའི་འཛིན་གྲྭ་ནས་འགོ་བཟུང་རྫོགས་ཆེན་འཛིན་གྲྭ་བར་ཚང་མ་མཉམ་ཞུགས་ཐུབ་པའི་ཐུགས་སེམས་ཟབ་བཞེས་གནང་དགོས་ཚུལ་སོགས་བསྟན་ལ་ཕན་ཞིང་གནད་དུ་ཕིག་པའི་རེ་སྐུལ་དང་བཀའ་སློབ་གང་མང་གནང་། དེ་ནས་སྐྱབས་རྗེ་མཆོག་སྤྲུལ་བསྟན་འཛིན་འོད་ཟེར་རིན་པོ་ཆེ་མཆོག་ནས་གཡུང་དྲུང་བོན་བསྟན་སྤྱི་ལ་འཛིན་དགོས་པའི་ལྟ་བ་དང་གང་ཟག་སོ་སོའི་རྒྱུད་ལ་ཡོད་དགོས་པའི་ལྷག་བསམ། ཚད་མ་རིག་པར་འཆད་རྩོད་རིག་པར་སྦྱང་པའི་དགོས་ཕན་སོགས་བཀའ་སློབ་གང་ཟབ་གནང་བ་དང་འདི་ལྟ་བུའི་ཚད་མའི་རིག་སྒྲའི་དབུ་འཛིན་དགེ་བཤེས་རྣམ་པ་དང་འཚོགས་ཞུགས་གྲྭ་བཙུན་རྣམ་པའི་འབད་པ་མཉམ་བཞེས་ཀྱི་བྱ་བ་བཟང་པོར་དགའ་འགུ་ཡིད་རངས་བྱུང་ཚུལ་དང་གཡུང་དྲུང་བོན་གྱི་བསྟན་འཛིན་སྐྱེས་མཆོག་གང་ན་སུ་བཞུགས་རྣམས་ཀྱི་སྐུ་ཚེ་ཞབས་པད་བསྟན་ཞིང་མཛད་འཕྲིན་ལྷུན་གྱིས་འགྲུབ་པའི་ཐུགས་བསྐྱེད་དང་རྟེན་འབྲེལ་མཚོན་བྱེད་དུ་གཡུང་དྲུང་ཚེ་ལྷའི་སྐུ་བརྙན་རེ་ཕྱག་རྟགས་གནང་གྲུབ་མཐར་མཛད་སྒོར་ཞུགས་པའི་བླ་སློབ་འདུས་མང་དྲན་རྟེན་སྐུ་པར་སྐྱོན་པར་མཛད།ཕྱི་ཉིན་བོད་ཚེས་ཉེར་བརྒྱད་ཉིན་ཀྱི་སྔ་དྲོའི་རིང་དགེ་སློབ་ཡོངས་རྫོགས་འོ་རྒྱལ་དང་སྐུ་ངལ་ཚད་མེད་ཁྱད་དུ་བསད་དེ་ཞྭ་དཀར་གཡུང་དྲུང་བོན་གྱི་བསྟན་ལ་འཆད་རྩོད་ཀྱི་ལམ་ནས་སྲི་ཞུ་གང་འཚམ་ཞིག་སྒྲུབ་ཐུབ་པའི་དགའ་སྤྲོའི་གཏང་རག་དང་ཚང་མ་ཐུགས་ཚེག་ངལ་གསོའི་ཚུལ་དུ་འདི་ག་ནས་གང་འབྱོར་སྐམ་རློན་གྱི་མཆོད་སྤྲིན་མདོར་བསྡུས་ཤིག་གོ་སྒྲིག་ཞུས་པ་བཅས་ཐེངས་འདིའི་ཚད་མའི་རིག་སྒྲའི་སྔོན་དངོས་རྗེས་གསུམ་ཁ་དགེ་བག་དྲོའི་ངང་ལེགས་ལམ་དུ་བྱུང་བའི་རྣམ་དཀར་དགེ་བའི་ཚོགས་གང་མཆིས་པ་དེ་དག་ཞྭ་དཀར་གཡུང་དྲུང་བོན་གྱི་བསྟན་བདག་ཆེན་པོ་མཁན་སློབ་གཤེན་གསུམ་གཙོས་བསྟན་འཛིན་སྐྱེས་བུ་ས་ཕྱོགས་གང་ན་བཞུགས་པ་རྣམས་ཀྱི་སྐུ་ཚེ་ཞབས་པད་བསྐལ་པ་བརྒྱ་ཡི་བར་དུ་བརྟན་ཞིང་། དེའི་མཐུས་ཡངས་པའི་འཇིག་རྟེན་ཁམས་སུ་ནད་མུག་འཁྲུག་པའི་བསྐལ་ངན་མིང་མེད་དུ་ཞི་ནས་ཀུན་ཀྱང་དགའ་བདེའི་དཔལ་ལ་རྟག་ཏུ་རོལ་བའི་རྐྱེན་དུ་འགྱུར་བར་སྨོན། ། མུ་ཙུག་སྨར་རོ། །
- ཟིན་ཐོ་གོང་མ།སྤྲུལ་སྐུ་བློ་ལྡན་སྙིང་པོའི་རྣམ་ཐར་ཉུང་འདུས།
- ཟིན་ཐོ་འོག་མ།དྲན་གདུང་གི་སྨོན་ཚིག།
ངོ་མ་ཡག་པོ་འདུག་བཀའ་དྲིན་ཆེ།
ཡ་གྲོགས་མཆོག་ཁྱུང་ཡུལ་གྱི་རིག་སྨྲ་བ་ཚོ། ད་འདི་ནས་བཟུང་སྟེ་དེ་སྔོན་ང་ཚོས་ལག་ཏུ་ལེན་རྒྱུ་ལྟ་ཅི་ཡིད་ལའང་འཁོར་མ་མྱོང་བའི་ལས་འགན་མང་དག་ཅིག་གླེང་ཡོང་བ་འདི་ངས་བལྟས་ན་རང་རེའི་མིག་རྒྱང་ཅུང་ཟད་མ་རིང་བར་འདི་འདྲའི་ངང་དུ་འཕེན་པ་རྫོགས་ན་མཇུག་འབྲས་ཅི་འདྲ་ཞིག་ཡོང་རྒྱུ་ཡིན་པ་གསལ་བཤད་བྱེད་ཅིང་འདུག་ལགས། འུག་པའམ་འུག་ཕྲུག་ལྟ་བུར་བྱུང་ཡང་མི་རེ་གཉིས་ལས་རྒྱ་ཆེ་བའི་ནོར་སོ་ཅི་ཡོད། དེས་ན་ཆེན་པོའི་མིང་འཛིན་དག་གིས་མཛད་ཕྱོགས་གང་དག་བསྒྱུར་བཅོས་བྱེད་རན་པའི་དུས་སུ་སླེབས་པ་འདྲ། འུག་པ་ཕ་བུ་གཉིས་ནས།འུག་པ་ལ་མི་དགོས་ན་ཐང་། འུག་ཕྲུག་སོགས་གཞན་ལ་དགོས་ན་ཤིན་ཏུ་ལེགས་འདུག བོན་གྱི་རིགས་གནས་སམ་བོད་ཀྱི་སྐད་ཡིག་དེ་བཞིན་ཁོར་ཡུག་སྲུང་སྐྱོང་སོགས་ཀྱི་ཐད་དེར་བལྟ་ཤེས་དགོས་པ་ནི་དུས་རབས་འདིའི་ནང་དུ་མེད་དུ་མི་རུང་བའི་འགན་འཁྲི་ཉག་གཅིག་ཏུ་སོམས་ཤིགངས་ཀྱང་དཔྱད་མཆན་ཞིག་འབྲི་བསམ་ཡང་ད་བར་ཁོམ་པོ་མ་བྱུང་ཐལ། སྤྱིར་ན་ཚད་མའི་རིགས་སྒྲ་ཞེས་ཟེར་ཡོང་དུས་བོན་པོ་ཚང་མས་ནུས་པ་ཆེན་པོ་འདོན་གྱི་གདའ། དེ་དག་དཔེ་མི་སྲིད་པའི་ཡག་པོ་ཞིག་ཡིན་པར་སྨོས་ཅི་ལ་མི་དགོས། ཡིན་ཡང་ད་བར་དུ་ཁམས་ཕྱོགས་ཀྱི་བོན་པོ་དག་གིས་ལོ་རྒྱུས་དང་རྩོམ་རིགས་རིག་གནས་སམ། ཡང་ན་སློབ་གསོའི་གླེང་མོལ་སོགས་ཀྱི་ཆ་ནས་བཤད་ན་དགོན་སྡེ་མང་པོའི་གྲྭ་པ་དེ་འདྲ་མང་པོ་ཞིག་འདུས་ཏེ་རིགས་སྒྲ་ཉིན་ཞག་བདུན་གཉིས་ལ་བརྒལ་བར་འཚོགས་ཀྱང་དེའི་བར་གསེང་ནས་ཉིན་རེ་གཉིས་ཙམ་ཕར་ཞོག་སྔ་དྲོའི་ཐུན་ཚོ་ཙམ་ཞིག་ལ་ཡང་དེའི་སྐོར་གྱི་སྐད་ཆ་དང་། བགྲོ་གླེང་བྱེད་པའི་འཆར་གཞི་དགོན་སྡེའི་འགན་འཛིན་པ་དག་ལ་ཡོད་ས་མི་འདུག་ལ། སློབ་གཉེར་བ་རྣམས་ཀྱང་ཉུང་ཉུང་ཡིན་རྒྱུ་རེད། རྒྱུ་མཚན་འདི་དག་གཙོ་བོ་དེང་སྐབས་བོད་ལ་ཡོད་པའི་མཁས་དབང་གི་མིང་འཛིན་པའི་དགེ་བཤེས་དེ་དག་ལ་ཐུག་ཡོད་པས་གནད་དོན་འདི་དག་ནི་འཛམ་གླིང་གི་རྗེས་སུ་སྤྱོད་ཐུབ་མིན་གྱི་འགའ་རྩ་ངོ་མ་ཞིག་ཡིན་པར་གྱུར་འདུག་པས་ཁྱེད་ཚོས་དེ་ལུགས་མཛད་པའི་ཐུགས་དགོངས་ཡོད་པར་ཞུ། ཁ་སྔོན་ངའི་གྲོགས་པོ་ཨ་མདོའི་རྩོམ་པ་པོ་ཅུང་སྐད་གྲགས་ཡོད་པ་ཞིག་གིས་ཁམས་ཕྱོགས་ཀྱི་མི་རྣམས་ཀྱི་སྙན་ངག་དང་ལོ་རྒྱུས་རྩོམ་རིགས་འདི་དག་དང་ལེན་ཡོད་ས་མ་རེད་གང་ཞེ་ན་ཨ་རིའི་སློབ་ཆེན་ཞིག་ཏུ་འཚོ་བཞུགས་གནང་ཡོད་པའི་དགེ་རྒན་ཞིག་གིས་ཁོ་ལ་དེ་ལྟར་ཟེར་གྱི་གདའ་ཞེས་དེའི་སྐོར་ནས་ངོ་མ་གང་འདྲ་རེད་ཅེས་དྲི་བ་བྱེད་མྱོང་བས་སྐབས་དེ་དུས་ངོ་མ་ང་ངོ་ཚ་སོང་། ཁྱེད་ཚོ་མཁས་དབང་ཞིག་གིས་མིང་འཛིན་མཁན་ཞིག་ཡིན་དུས་དེ་ལྟར་གྱི་དྲི་བ་དང་གླེང་མོལ་བྱེད་མཁན་རེ་ཡོད་སྲིད་ཡོད་ཀྱི་རེད། དེ་དག་སྤས་མ་བསྡད་པར་མུ་མཐུད་དུ་ཤོད་རོགས་གྱིས་ཨ། གཤེན་སྨྱུག་པས།ངས་ཀྱང་དཔྱད་མཆན་ཞིག་འབྲི་བསམ་ཡང་ད་བར་ཁོམ་པོ་མ་བྱུང་ཐལ། སྤྱིར་ན་ཚད་མའི་རིགས་སྒྲ་ཞེས་ཟེར་ཡོང་དུས་བོན་པོ་ཚང་མས་ནུས་པ་ཆེན་པོ་འདོན་གྱི་གདའ། དེ་དག་དཔེ་མི་སྲིད་པའི་ཡག་པོ་ཞིག་ཡིན་པར་སྨོས་ཅི་ལ་མི་དགོས། ཡིན་ཡང་ད་བར་དུ་ཁམས་ཕྱོགས་ཀྱི་བོན་པོ་དག་གིས་ལོ་རྒྱུས་དང་རྩོམ་རིགས་རིག་གནས་སམ། ཡང་ན་སློབ་གསོའི་གླེང་མོལ་སོགས་ཀྱི་ཆ་ནས་བཤད་ན་དགོན་སྡེ་མང་པོའི་གྲྭ་པ་དེ་འདྲ་མང་པོ་ཞིག་འདུས་ཏེ་རིགས་སྒྲ་ཉིན་ཞག་བདུན་གཉིས་ལ་བརྒལ་བར་འཚོགས་ཀྱང་དེའི་བར་གསེང་ནས་ཉིན་རེ་གཉིས་ཙམ་ཕར་ཞོག་སྔ་དྲོའི་ཐུན་ཚོ་ཙམ་ཞིག་ལ་ཡང་དེའི་སྐོར་གྱི་སྐད་ཆ་དང་། བགྲོ་གླེང་བྱེད་པའི་འཆར་གཞི་དགོན་སྡེའི་འགན་འཛིན་པ་དག་ལ་ཡོད་ས་མི་འདུག་ལ། སློབ་གཉེར་བ་རྣམས་ཀྱང་ཉུང་ཉུང་ཡིན་རྒྱུ་རེད། རྒྱུ་མཚན་འདི་དག་གཙོ་བོ་དེང་སྐབས་བོད་ལ་ཡོད་པའི་མཁས་དབང་གི་མིང་འཛིན་པའི་དགེ་བཤེས་དེ་དག་ལ་ཐུག་ཡོད་པས་གནད་དོན་འདི་དག་ནི་འཛམ་གླིང་གི་རྗེས་སུ་སྤྱོད་ཐུབ་མིན་གྱི་འགའ་རྩ་ངོ་མ་ཞིག་ཡིན་པར་གྱུར་འདུག་པས་ཁྱེད་ཚོས་དེ་ལུགས་མཛད་པའི་ཐུགས་དགོངས་ཡོད་པར་ཞུ། ཁ་སྔོན་ངའི་གྲོགས་པོ་ཨ་མདོའི་རྩོམ་པ་པོ་ཅུང་སྐད་གྲགས་ཡོད་པ་ཞིག་གིས་ཁམས་ཕྱོགས་ཀྱི་མི་རྣམས་ཀྱི་སྙན་ངག་དང་ལོ་རྒྱུས་རྩོམ་རིགས་འདི་དག་དང་ལེན་ཡོད་ས་མ་རེད་གང་ཞེ་ན་ཨ་རིའི་སློབ་ཆེན་ཞིག་ཏུ་འཚོ་བཞུགས་གནང་ཡོད་པའི་དགེ་རྒན་ཞིག་གིས་ཁོ་ལ་དེ་ལྟར་ཟེར་གྱི་གདའ་ཞེས་དེའི་སྐོར་ནས་ངོ་མ་གང་འདྲ་རེད་ཅེས་དྲི་བ་བྱེད་མྱོང་བས་སྐབས་དེ་དུས་ངོ་མ་ང་ངོ་ཚ་སོང་། ཁྱེད་ཚོ་མཁས་དབང་ཞིག་གིས་མིང་འཛིན་མཁན་ཞིག་ཡིན་དུས་དེ་ལྟར་གྱི་དྲི་བ་དང་གླེང་མོལ་བྱེད་མཁན་རེ་ཡོད་སྲིད་ཡོད་ཀྱི་རེད། དེ་དག་སྤས་མ་བསྡད་པར་མུ་མཐུད་དུ་ཤོད་རོགས་གྱིས་ཨ།འདི་ལོའི་ཚད་མའི་རིག་སྒྲའི་དཔྱད་མཆན་ཁག་ལ་དོན་སྙིང་ཆེ་བའམ་ཆུང་བ་འགའ་ཞིག་མཆིས་པ་ལྟར། ཟུར་ཞིག་ཏུ་བོན་པོས་བོད་སྤྱི་ཡི་སྐད་ཡིག་ཡུལ་སྲོལ་རྣམས་ལ་དོ་སྣང་དེ་ཙམ་མ་བྱུང་བའི་ལྟ་ཚུལ་ཞིག་ཐོན་ཡོང་གི གཞན་དུ་བོན་དང་བོད་ཅེས་ལོགས་སུ་དབྱེ་བའི་གཏམ་མགོ་ཞིག་ཀྱང་འབུས་བཟོར་སྣང་། མདོ་དོན་དེ་བཞིན་ཡིན་མིན་དང་ཡིན་ཚེ་དེའི་སྐོར་ལ་བྱ་བ་གང་ཞིག་བསྒྲུབ་དགོས་པ་ནི་སེར་སྐྱ་རྒན་གཞོན་ཀུན་གྱིས་དོ་སྣང་མཛད་རྒྱུའི་ཤ་ཐོག་གི་མེ་བཙའ་ཞིག་ཏུ་གྱུར་རོ་སྙམ། ཉིད་ཀྱི་ཕྱོགས་སྔ་འུག་ཕྲུག་ནས།བཀྲ་ཤིས་བདེ་ལེགས་ཞུ།འུག་པ་འུག་པ་རང་རེད་ལ་བསམ་བློའི་མུན་པ་ཇེ་རུབ་རེད། ད་ཁྱེད་བོན་པོ་རྣམས་ལ་ལྟོས་ན་བོད་ཀྱི་སྐད་ཡིག་འཛིན་སྐྱོང་སྤེལ་མི་དགོས་པ་ཡིན་ནམ། དེ་འདྲའི་རང་བླ་མ་བཙོང་རོགས།རྩེ་དྲུག་ཚད་མའི་རིག་སྒྲ་ཆེན་མོ་འཚོགས་པ་ལ་། བཀྲ་ཤིས་བདེ་ལེགས་ཞུ་། ཐེག་མཆོག་རྒྱལ་མཚན་ནས་།
བཀྲ་ཤིས་བདེ་ལེགས་མ་འོངས་པར་རྡོག་རྩ་གཅིག་བསྒྲིལ་གྱི་སྒོ་ནས་ཡར་ཐོན་གོང་འཕེལ་ཡོངས་བའི་ཁ་གཡང་དང་བཅས།། སྐབས་དེར་འཚོགས་ཞུགས་མཁན་ཞིག་གིས།།ང་ཚོ་བོན་པོ་བ་རྣམས་ནས་འདི་དང་འདི་འདྲའི་བྱ་བ་བཟང་པོ་སྒྲུབ་རྒྱུ་འོས་ཤིང་འཚམས་པའི་མཛད་ཕྱོགས་ཉག་གཅིག་ལས་གཞན་གྱི་ཟེར་སྒྲོས་ལྟར་མི་རིགས་ཀྱི་སྐད་ཡིག་དང་བསྟན་སྲིད་རྒྱ་ཁྱབ་ཏུ་འཕེལ་ཐབས། ཡུལ་སྲོལ་སྙིགས་དོར་བཅུད་ལེན་སོགས་མ་ཤེས་ཀྱང་རུང་བ་ཡིན་པས་ཅིས་ཀྱང་བོན་རང་གླེང་ན་དགེ་མཚན་ཆེ་ཐོག་ཆེ་བཞག་ཡིན་པའི་ངོས་འཛིན་བྱེད་ཅིང་ཡོད། འུག་པ་ནས།དགེ་སློབ་ལྷན་རྒྱས་ལ་བཀྲ་ཤིས་བདེ་ལེགས་ཞུ། ང་ཚོ་བོན་པོ་དག་གིས་གནའ་བོའི་བོད་དམ་བོན་གྱི་ཆོས་དང་རིག་གཞུང་སོགས་གཙོར་བྱས་པའི་ཕྱོགས་ལ་སྨྲ་ཤེས་དོན་གོ་བ་ཞིག་དགོས་པ་ནི་ཁུར་དུ་ལེན་འོས་པའི་འགན་འཁྲི་ལྡོག་ཏུ་མེད་པ་དེ་ཡིན་པར་ང་ཚོས་བསམ་དགོས་པ་བཞིན་ཁྱེད་བླ་སློབ་རྣམ་པས་ཐོས་བསམ་གྱི་དཀའ་ཚེགས་དང་བོན་འབངས་ལྷ་སྡེ་མི་དམངས་ཀྱིས་རྒྱུ་འབྱོར་གྱི་མཐུན་འབྱོར་གནང་བ་ལ་བརྟེན་ནས་འདི་ལྟར་བསྟན་འགྲོའི་གསོས་སུ་ཆེ་བའི་མདུན་སྐྱོད་ཀྱི་མཛད་འཕྲིན་རླབས་པོ་ཆེ་གྲུབ་པ་ལ་ཡི་རང་ཞུ། ཀུ་ས་ལིས།
བཟང་འདུག་ཐུགས་རྗེ་ཆེ། །བྱ་བ་འདི་འདྲ་བའི་རིགས་ལ་ཡིད་རང་ཡོད། །འདི་ལྟ་བུའི་མཛད་པ་ལ་སྙིང་ནས་ཡིད་རངས་ཞུ། བསམ་ཡོད་ནས།བཀྲ་ཤིས་་བདེ་ལེགས་ མ་འོངས་པར་མུ་འཐུད་ནས་དར་ཞིང་རྒྱས་པར་ཤོག་ ཁ་ཡག་ནས་ངོ་མ་སེམས་པ་དགའ་སོང་། གཤེན་རབ་ཀྱི་བསྟན་པ་ལ་བྱི་དོར་བགྱི་བའི་བྱ་བ་འདི་འདྲ་མུ་མཐུད་ནས་ལོ་རེ་བཞིན་དུ་སྤེལ་ཐུབ་པའི་སྨོན་འདུན་ཞུ། དེ་ལྟར་རང་དོན་དུ་ཐོས་བསམ་སྒོམ་གསུམ་དང་། གཞན་དོན་དུ་འཆད་རྩོད་རྩོམ་གསུམ་བཅས་བྱ་བ་དྲུག་པོ་འདི་ནི་འཇིག་རྟེན་འདིའི་ཤེས་རིག་གི་ཡང་རྩེ་དང་། ཚན་རིག་གི་ཉིང་བཅུད། ཆོས་ལུགས་ཀྱི་སྙིང་དོན་ཡང་ཡིན་པ་རུ་རློམ་བཞིན་འདུག་ན། ང་ཚོས་ཀྱང་ནོར་བུ་རང་ལག་ཏུ་ཡོད་པ་དང་དུ་ལེན་ནས་མཁན་བརྒྱ་འགྲན་གླེང་དང་། དཔུང་པ་མཉམ་གཤིབ། ཕན་ཚུན་གུས་བརྩི་བཅས་ཀྱི་སྒོ་འཛམ་གླིང་འདིའི་སྒང་དུ་སྨྲ་ཤེས་དོན་གོ་ཞིག་བྱེད་དགོས་པ་ནི་ང་ཚོར་ཕྲག་ཏུ་བབས་པའི་འོས་འགན་ཞིག་ཅི་ལ་མིན།བཀྲ་ཤིས་བདེ་ལེགས། མ་འོངས་པར་མུ་མཐུད་ནས་འདི་དང་འདི་ལྟ་བུའི་བསྟན་ལ་སྨན་པའི་ལས་དོན་གང་མང་སྤེལ་ཐུབ་པའི་རེ་འདུན་བཅས། སྣང་ཤེས་ཀྱིས།ཡཱ་་་གྲོགས་ཆུང་ཚོ་ངོ་སྤྲོད་སྔོན་མའི་ནང་རྙོགས་ཟིང་གང་ཞིག་སློང་ཡོད། འདིར་ཡང་དཔྱད་མཆན་ཅི་འདྲ་འདོགས་རྒྱུ་ཡིན། འབྲེལ་མེད་པས།
འོ་བཀྲ་ཤིས་བདེ་ལེགས་ཞུ།མུ་མཐུད་དར་ཞིང་རྒྱས་པར་ཤོག །