གསོན་ཉམས་ཀྱི་སྒྱུ་རྩལ་དགོས་པས།

ད་ནས་བཟུང་འཆོལ་ལབ་མི་བྱེད། རང་ཉིད་གཤིས་ལུགས་ངོ་མ་དེ་ཟོལ་དང་གཡོ་ཡི་ཁོང་དུ་སྦས་ན། དོན་དམ་

པའི་ཤེས་བྱ་གཤིས་ཀྱི་གནས་ལུགས་དེ་ངང་གིས་ལྟ་བའི་རང་གསལ་ལས་རྒྱང་ཐག་རིང་དུ་འགྲོ་བཞིན་འདུག

ད་ནས་བཟུང་། བཅོས་མིན་གྱི་བྱིས་པའི་རང་གཤིས་ནས་ཐོན་པའི་རང་བྱུང་ངུ་དགོད་ཀྱི་ཚོར་འདུ་ཟབ་མོ་འམ།

སྒྱུ་རྩལ་གསོན་པོ་དེ་ཤི་ན། རྣམ་ཤེས་ཡོད་པའི་སྙན་ངག་དེ་ཡང་ཉམས་སྲིད། དྭངས་གསལ་སེམས་ཀྱི་གཤིས་ནས་

འཁྲུངས་པའི་དགའ་སྐྱོ་ཆགས་སྡང་གི་ཚོར་བ་བཙན་གྱིས་སྒྲིབ་ན། བདེན་པའི་གནས་ཚོད་དེའང་རུལ་ཉེ། རང་བྱུང་ས་ཡི་རླན་དྲོད་ལས་བྱུང་བའི་ལྡུམ་བུའི་མེ་ཏོག་དེ་བཅོམ་ན། འགྱིག་གིས་བཟོས་པའི་མེ་ཏོག་ལ་དྲི་ངད་ཅི་ལ་སྲིད། དགའ་ན་དགའ་འོས་པ་དང་། སྡུག་ན་སྡུག་འོས་པ་ལས། འདི་དགའ་དང་དེ་སྡུག་ཅེས་བཙན་གྱིས་སྦྱར་ན་

ཅི་ལ་འགྲིག །