རིག་པ་ཚད་མ་ལ་མངོན་རྗེས་གཉིས་སུ་གྲངས་ངེས་སམ།
གྲོགས་པོ་རྣམས་ལ་གྲོས་འདེབས་ཀྱི་ཚུལ་ཕུལ་འདོད་པ་ནི་རིག་པ་ཚད་མ་ལ་ཚད་གཞུང་མང་པོ་ཞིག་ནས་དབྱེ་ན་རྗེས་དཔག་ཚད་མ་དང་མངོན་སུམ་ཚད་མ་གཉིས་སུ་གྲངས་ངེས་འཇོག་པ་ནི་མཁས་པ་རྣམ་པའི་སྤྱི་སྲོལ་ཞིག་ཏུ་ཆགས་འདུགཡིན་ན་ཡང་དོན་གྱི་ཆ་ལ་བསམ་བློ་ཞིག་བཏང་ན་རྫས་སྤྱི་གཉིས་མགོ་ཆོད་པའི་སྒོ་ནས་རིག་པ་ཚད་མ་ལ་མངོན་རྗེས་གཉིས་ཀྱི་ཁ་ཚོན་གཅོད་དཀའ།གང་རེད་ཅེ་ན་བླ་མའི་གདམ་ངག་ཁོ་ན་སྒོམ་སྟོབས་ལ་བརྟེན་ནས་སྟོང་ཉིད་དང་བདག་མེད་གསར་དུ་རྟོགས་པའི་ཐེག་པ་ཆེན་པོའི་ཚོགས་ལམ་ཞིག་ཡོད་ལ་དེ་ནི་རྗེས་དཔག་ཚད་མ་མ་ཡིན་ཏེ་ཚུལ་གསུམ་ཚང་བའི་རྟགས་ལ་བརྟེན་ནས་བསྒྲུབ་བྱ་རྟོགས་པའི་བློ་གང་ཞིག་རང་གི་འཇུག་ཡུལ་ལ་གསར་དུ་མི་བསླུ་བ་མ་ཡིན་པའི་ཕྱིར་རོ།མངོན་སུམ་ཚད་མ་མ་ཡིན་ཏེ་རྟོག་བྲལ་མ་འཁྲུལ་བའི་བློ་གང་ཞིག་གཞལ་བྱ་ལ་གསར་དུ་མི་བསླུ་བ་མ་ཡིན་པའི་ཕྱིར་རོ་འདོད་པའི་སྣང་བ་ཞིག་བཅོས་མིན་དུ་སྐྱེས་པར་གདའ།གྲོགས་པོ་རྣམ་པས་བཅོས་མིན་གྱི་རིགས་ལམ་ལོག་རྟོག་གི་གྲོགས་སུ་འཇོ་བར་སྨོན།
