གཤེན་གྱི་གར་འཆམ་ཆེན་མོ་ལས་མཐོང་བའི་དྲི་བ་རེ་གཉིས།

   དྲི་བ་འདི་རྒྱལ་བ་སྨན་རི་ཚང་གི་བླ་མ་དགེ་བཤེས་སོགས་གཙོ་བྱས་ནས་བོན་གྱི་རྒྱལ་བསྟན་སྐྱོང་བའི་དགོན་བདག་བླ་མ་དང་མཁས་དབང་དགེ་བཤེས་སོགས་ལ་བཏོན་པ་ཡིན།
   གཅིག ཞྭ་སེར་༼རྔོག་ཞྭ༽འདི་ང་ཚོ་བོན་ལུགས་ཀྱི་ཞྭ་ཞིག་མ་ཡིན་པ་ང་ཚོས་ཤེས་ཟིན་པ་རེད། ཤེས་བཞིན་དུག་འཐུང་གི་བྱ་བ་ཞིག་སྒྲུབ་དགོས་པ་ཅི་ཡིན། གར་འཆམ་ལས་གྲྭ་བ་ཚོས་ཞྭ་དཀར་རྩེ་རྒྱལ་གྱོན་ཡོད་ལ་ཞྭ་སེར་རྔོག་ཞྭ་ཡང་གྱོན་ཡོད། རྒྱལ་བ་སྨན་རི་དགོན་ལས་གཞན་རྔ་ཡུལ་སྣང་ཞིག་དགོན། རང་དགོན་བོན་བརྒྱ་དགོན། ཁྱུང་ཡུལ་ཀོ་རྒྱལ་དགོན་སོགས་ན་ཞྭ་དཀར་དང་ཞྭ་སེར་བསྲེས་ནས་གྱོན་བཞིན་ཡོད། འདི་ལྟར་སོང་ཚེ་འུ་ཚོའི་མགོ་བོ་ཡང་བྱ་པུ་ཤུད་ཀྱི་མགོ་བོ་དང་འདྲ་བར་ཁྲ་བོ་ཞིག་ཏུ་གྱུར་ངེས། ང་ལ་དབང་ཆ་ཞིག་ཡོད་ཚེ་རིང་ལུགས་ཀྱི་ཞྭ་དཀར་ཁོ་ན་གོན་ངེས།
    གཉིས། གར་འཆམ་ལས་ཨ་ཙ་ར༼རྔ་ཡུལ་ནས་དེ་འདྲ་འབོད། ༽ལྟ་བུའི་འཆམ་མང་པོ་ཞིག་མཐོང་། བོན་རིང་ལུགས་ལ་འཆམ་རིགས་དེ་འདྲ་བ་ཞིག་དགོས་གལ་ཆེའམ། དེ་བོན་གྱི་བླ་མ་སུས་དུས་ནམ་ཞིག་ལ་དགོས་པ་གང་གི་ཆེད་དུ་སྤེལ་བ་རེད་དམ།