ཨུན་ཞིའི་ཨུན་ཏིང་།
སྤྱི་བསྒྲགས།
རང་དབང་གི་ཆེད་དུ།
དགའ་སྐྱོ་འདྲེས་མས་བཞེངས་པའི་འཇིག་རྟེན་འདི་ན། འཁྱམས་པོ་ང་རང་ཆེས་མོས་ས་ནི་ལྷིང་འཇགས་ཀྱི་གནས་མཆོག་ཞིག་ན་བདེ་སྐྱིད་དང་དགོད་སྒྲའི་ཁེངས་ཞིང་ཞིམ་མངར་ལྡན་པའི་རང་དབང་རང་འཐད་ཀྱི་འཚོ་བ་ཞིག་རོལ་བགྱི་དེ་ཡིན་མོད། འོན་ཀྱང་། འཚོ་བ་དེའི་ཆེད་དུ་ས་མཐའ་གང་ལ་མྱུལ་ཡང་ད་དུང་མ་རྙེད། ཡིན་ནའང་། ད་དུང་ང་རང་གིས་འཚོ་བ་དེའི་ཕྱོགས་ལ་སང་ཉིན་ཡང་རྡོག་ཁྲིས་དེ་འཁུར་ནས་ལམ་ལ་ཆས་འགྲོ།
ལི་ཐོ།
ཆེད་སྒྲིག་རྣམ་དབྱེ།
པར་མཛོད།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
ནང་འཇུག
དྲ་གྲོགས།
སྦྲེལ་མཐུད།
ཟིན་བྲིས་ཆ་འཕྲིན།
ལས་དབང་ལྷ་མོ། | 2016/4/2 2:13:00
0
ལས་དབང་ལྷ་མོ།
ཚེ་སྔོན་ལས་དབང་ཞིག་གིས། །
སྐུད་མེད་སྐད་འཕྲིན་རྒྱུད་ནས། །
མཛེས་སྡུག་ལང་ཚོ་དར་བའི། །
ལས་དབང་ལྷ་མོར་འཕྲད་སོང་། །
ཕར་ལ་བརྩེ་བ་བསྟན་ན། །
ཚུར་ལ་འཛུམ་གྱིས་བསུས་བྱུང་། །
སྙིང་གཏམ་ཚིག་གསུམ་བཤད་ནས། །
གཅིག་སེམས་གཅིག་ལ་མཐུན་སོང་། །
བུ་མོ་ལས་དབང་ལྷ་མོའི། །
ཞལ་རས་དུང་གི་ཟླ་བ། །
སྤྱན་ཟུང་ཐོ་རངས་སྐར་ཆེན། །
མིག་གཉིས་བཙུམ་ཀྱང་འཆར་ཀི །
གཟུགས་དབྱིབས་ཁ་དོག་མེད་པའི། །
སེམས་ཀྱི་བརྩེ་དུང་ཟབ་མོ། །
ང་དང་བྱམས་པ་གཉིས་ལས། །
སུ་དང་གང་གིས་མི་ཤེས། །
འཇིག་རྟེན་འཁོར་བའི་གནས་འདིར། །
ལས་དབང་ལྷ་མོ་མ་གཏོགས། །
བཅོས་མིན་བརྩེ་བ་ལྡན་མཁན། །
བཙལ་ཡང་རྙེད་པ་མི་སྲིད། །
རྩོམ་པ་པོ།:࿐མུ་ལ། | བལྟ་ཀློག(263) | ལན་སློག(0) |གནད་དོན་ཡར་ཞུ | འདྲེན་བཀོལ་སྤྱི་བསྒྲགས(0) | རྩོམ་སྒྲིག
- ཟིན་ཐོ་གོང་མ།རིན་ཐང་བྲལ་བའི་རིན་ཆེན།
- ཟིན་ཐོ་འོག་མ།ཁ་བཤད་དོན་ལ་མི་འདུག