ཨུན་ཞིའི་ཨུན་ཏིང་།
སྤྱི་བསྒྲགས།
རང་དབང་གི་ཆེད་དུ།
དགའ་སྐྱོ་འདྲེས་མས་བཞེངས་པའི་འཇིག་རྟེན་འདི་ན། འཁྱམས་པོ་ང་རང་ཆེས་མོས་ས་ནི་ལྷིང་འཇགས་ཀྱི་གནས་མཆོག་ཞིག་ན་བདེ་སྐྱིད་དང་དགོད་སྒྲའི་ཁེངས་ཞིང་ཞིམ་མངར་ལྡན་པའི་རང་དབང་རང་འཐད་ཀྱི་འཚོ་བ་ཞིག་རོལ་བགྱི་དེ་ཡིན་མོད། འོན་ཀྱང་། འཚོ་བ་དེའི་ཆེད་དུ་ས་མཐའ་གང་ལ་མྱུལ་ཡང་ད་དུང་མ་རྙེད། ཡིན་ནའང་། ད་དུང་ང་རང་གིས་འཚོ་བ་དེའི་ཕྱོགས་ལ་སང་ཉིན་ཡང་རྡོག་ཁྲིས་དེ་འཁུར་ནས་ལམ་ལ་ཆས་འགྲོ།
ལི་ཐོ།
ཆེད་སྒྲིག་རྣམ་དབྱེ།
པར་མཛོད།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
ནང་འཇུག
དྲ་གྲོགས།
སྦྲེལ་མཐུད།
ཟིན་བྲིས་ཆ་འཕྲིན།
སྦྲ་ནག | 2015/9/17 12:02:00
0
སྦྲ་ནག
མེས་པོའི་ཕ་ཁྱིམ།
ཁ་བ་བོད་པའི་གནས་མཆོག་མཐོ་སྒང་ན།
སྟོང་ལོ་དུ་མའི་ལོ་རྒྱུས་ལྡན་པ།
མཛེས་པའི་གཞིས་ཁྱིམ།
མེས་པོ་དག་གིས་གནང་བའི་ཕ་ཁྱིམ།
མཐོ་སྒང་ཡུལ་གྱི་ནོར་བུ་འོད་ཆེན།
ཨོ་་་་་ཨ། སྦྲ་ནག
སྐྱེས་དུས་ལྟེ་ཁྲག་འཐོར་སའི་སྦྲ་ནག
ཞིམ་མངར་འཚོ་བ་རོལ་སའི་སྦྲ་ནག
ཨོ་་་་་་ཨ། ཕ་ཁྱིམ། སྦྲ་ནག
སྟག་ཤར་གཞོན་ནུའི་དཔའ་རྩལ་རྒྱས་ས།
སྨན་ཆུང་བུ་མོའི་ལང་ཚོ་སྨིན་ས།
སྦྲ་ནག་དྲན་པའི་མིག་ཆུའི་མཚོ་མོ།
ཨོ་་་ཨ། ས་མཐའི་ཡུལ་ན་འཁྱིལ་ཡོད།
སྦྲང་དཀར་རྩམ་པ།
སྒང་པ་བོད་ཀྱི་གཞིས་ཁྱིམ་དྲོན་མོ་རུ།
ལོ་རྒྱུས་ཅན་གྱི་ཟས་མཆོག་བཅུད་ལྡན།
ཕ་ཟས་རྣལ་མ།
ནད་རིགས་སྟོང་གི་གཉེན་པོ་རྩམ་པ།
ལུས་ཟུངས་གསོ་བའི་བོད་ཟས་མཆོག་གྱུར།
ཨོ་་་་་ཨ། རྩམ་པ།
གདོང་དམར་བོད་པའི་འཚོ་རྟེན་རྩམ་པ།
ལུས་ལ་བདེ་ཐང་སྟེར་བའི་རྩམ་པ།
ཨོ་་་་་་་་་ཨ། ཕ་ཟས། རྩམ་པ།
རྒན་པ་རྣམས་ཀྱི་ལུས་ཟུངས་གསོ་བྱེད།
སྟག་ཤར་གཞོན་ནུའི་ལུས་སྟོབས་རྒྱས་བྱེད།
རྩམ་པ་དྲན་པའི་མིག་ཆུའི་མཚོ་མོ།
ཨོ་་་་ཨ། ས་མཐའི་ཡུལ་ན་འཁྱིལ་ཡོད།
རྩོམ་པ་པོ།:࿐མུ་ལ། | བལྟ་ཀློག(360) | ལན་སློག(0) |གནད་དོན་ཡར་ཞུ | འདྲེན་བཀོལ་སྤྱི་བསྒྲགས(0) | རྩོམ་སྒྲིག
- ཟིན་ཐོ་གོང་མ།ཨ་མ་དྲན་གླུ།
- ཟིན་ཐོ་འོག་མ།བསམ་གཞིག་མཛོད།
