ཨུན་ཞིའི་ཨུན་ཏིང་།
སྤྱི་བསྒྲགས།
རང་དབང་གི་ཆེད་དུ།
དགའ་སྐྱོ་འདྲེས་མས་བཞེངས་པའི་འཇིག་རྟེན་འདི་ན། འཁྱམས་པོ་ང་རང་ཆེས་མོས་ས་ནི་ལྷིང་འཇགས་ཀྱི་གནས་མཆོག་ཞིག་ན་བདེ་སྐྱིད་དང་དགོད་སྒྲའི་ཁེངས་ཞིང་ཞིམ་མངར་ལྡན་པའི་རང་དབང་རང་འཐད་ཀྱི་འཚོ་བ་ཞིག་རོལ་བགྱི་དེ་ཡིན་མོད། འོན་ཀྱང་། འཚོ་བ་དེའི་ཆེད་དུ་ས་མཐའ་གང་ལ་མྱུལ་ཡང་ད་དུང་མ་རྙེད། ཡིན་ནའང་། ད་དུང་ང་རང་གིས་འཚོ་བ་དེའི་ཕྱོགས་ལ་སང་ཉིན་ཡང་རྡོག་ཁྲིས་དེ་འཁུར་ནས་ལམ་ལ་ཆས་འགྲོ།
ལི་ཐོ།
ཆེད་སྒྲིག་རྣམ་དབྱེ།
པར་མཛོད།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
ནང་འཇུག
དྲ་གྲོགས།
སྦྲེལ་མཐུད།
ཟིན་བྲིས་ཆ་འཕྲིན།
ཨ་མ་དྲན་གླུ། | 2015/8/20 9:24:00
1
ཨ་མ་དྲན་གླུ།
-------------གྲོགས་ཅོ་ནེ་ལྷ་མོ་སྐྱབས་ཀྱི་ཚབ་དུ་བྲིས།
ཟླ་དགུ་ཞག་བཅུའི་རིང་ལ། །
མངལ་དུ་ཁུར་བའི་ཨ་མས། །
བཙས་པའི་བུ་ཆུང་ང་རང་། །
དགའ་བའི་འཛུམ་གྱིས་བསུས་སོང་།།
འཇིག་རྟེན་འདི་ན་ཡོད་དུས། །
བྱམས་སྐྱོང་ཉི་འོད་དྲོད་མོ། །
རང་ཁྱིམ་ནང་ལ་ཁྱབ་ཡོད། །
ཚེ་སྔོན་ལས་དབང་ཞིག་གིས། །
བརྩེ་ལྡན་དྲིན་ཆེན་ཨ་མའི། །
བྱམས་སྐྱོང་འོ་ཇ་མངར་མོ། །
བཏུང་བའི་སྐལ་བ་མ་བྱུང་། །
བུ་ངའི་དྲིན་ཆེན་ཨ་མ། །
ཕྱི་མའི་ཡུལ་ལ་གཤེགས་རྗེས། །
མགོན་མེད་དྭ་ཕྲུག་ང་རང་། །
སྐྱོ་བའི་མིག་ཆུ་ཤོར་སོང་། །
གཞིས་ཁྱིམ་གཞན་པའི་ནང་ན། །
མ་འཛོམ་བུ་འཛོམ་མཐོང་དུས། །
བུ་ངའི་ཡ་ཆུང་སེམས་ནས། །
དྲིན་ཆེན་ཨ་མ་དྲན་བྱུང་། །
བྱམས་ལྡན་དྲིན་ཆེན་ཨ་མ། །
སྙིང་ནས་ཅི་འདྲ་དྲན་རུང་། །
མཇལ་བའི་སྐལ་བ་མེད་པས། །
རང་སེམས་སྡུག་གིས་བཀང་སོང་། །
རྩོམ་པ་པོ།:࿐མུ་ལ། | བལྟ་ཀློག(525) | ལན་སློག(0) |གནད་དོན་ཡར་ཞུ | འདྲེན་བཀོལ་སྤྱི་བསྒྲགས(0) | རྩོམ་སྒྲིག
- ཟིན་ཐོ་གོང་མ།ཁ་བ་སྙིང་ལྕགས།
- ཟིན་ཐོ་འོག་མ།སྦྲ་ནག
