བསམ་དོན་འགྲུབ་གླུ།

ཁྱུང་དཀར་ཟླ་བ།

དགུང་ཨ་སྔོན་ཡག་གི་དཀྱིལ་འཁོར་ནས།།

ཁྱུང་དཀར་ནག་སེར་གསུམ་གར་ལ་རོལ།།

ལྷ་མཁའ་འགྲོ་སྟོང་གི་ཆ་ལུགས་རེད།།

ཚེ་འདི་ཕྱིའི་བསམ་དོན་འགྲུབ་པར་ཤོག །

གངས་དཀར་པོ་ཡག་གི་དབུ་རྩེ་ནས།།

སེང་དཀར་མོས་གཡུ་རལ་ཐེངས་གསུམ་དཀྲུགས།།

བོན་གྲུབ་ཆེན་བརྒྱད་ཅུའི་ཆ་ལུགས་རེད།།

ཚེ་འདི་ཕྱིའི་བསམ་དོན་འགྲུབ་པར་ཤོག །

མགོ་གསེར་ཏོག་ཡག་གི་གསས་ཁང་ནས།།

ཕ་བླ་མས་དབང་ལུང་ཁྲིད་གསུམ་གནང༌།།

མ་སེམས་ཅན་ཐར་བ་ཐོབ་ལུགས་རེད།།

ཚེ་འདི་ཕྱིའི་བསམ་དོན་འགྲུབ་པར་ཤོག །