བླ་མའི་སྐུ་དྲིན་གླུ་ཡིས་བསྟོད།

རབ་འབྱམས་རྒྱལ་བའི་སྤྱི་གཟུགས་བོན་བརྒྱ་རྗེ། །

སངས་རྒྱས་གཡུང་དྲུང་བསྟན་པའི་སྲོག་ཤིང་ཡིན། །

རིགས་དྲུག་ཐར་ལམ་འདྲེན་པའི་དེད་དཔོན་ཡིན། །

ཨེ་མ་བླ་མའི་བྱིན་རླབས་གླུ་ཡིས་བསྟོད། །

མཁས་གྲུབ་བྱེ་བའི་གཙུག་རྒྱན་བོན་བརྒྱ་རྗེ། །

མདོ་སྔགས་ལུང་རྟོགས་བསྟན་པའི་སྲོག་ཤིང་ཡིན། །

མ་རིག་རྨོངས་པ་འཇོམས་པའི་ཉི་གཞོན་ཡིན། །

ཨེ་མ་བླ་མའི་ཡོན་ཏན་གླུ་ཡིས་བསྟོད། །

རིག་འཛིན་གོང་མའི་རྣམ་སྤྲུལ་བོན་བརྒྱ་རྗེ། །

མདོ་སྨད་བྱང་རྒྱུད་བསྟན་པའི་སྲོག་ཤིང་ཡིན། །

སྐལ་ལྡན་གདུལ་བྱ་འདྲེན་པའི་དེད་དཔོན་ཡིན། །

ཨེ་མ་བླ་མའི་སྐུ་དྲིན་གླུ་ཡིས་བསྟོད། །
༢༠༡༣.༡༢.༨ཉིན་ཁྱུང་དཀར་ཟླ་བས་བྲིས།

རྡུང་ལེན་གསན་གནས། http://www.rgbm123.com/bo/index.php/archives/4074