ཞལ་འཛུམ་ངོ་གཉིས།

ཚབ་བྲིས་རྩོམ་ཡིག

སེམས་ཀྱི་བརྩེ་བ་ནང་གི་དྲོད།།

དུངས་བ་བསླུ་བྲིད་ཕྱི་ཡི་རླུང་།།

དགའ་སྡུག་བར་མའི་སོ་མཚམས་ནས།།

སྣང་བའི་གཞི་ལ་གར་གྱིས་བྲན།།

ལས་ཀྱི་ཆང་ཁང་འདུ་བའི་གྲོང་།།

མཛའ་བ་བསླུ་བྲིད་ནས་ཀྱི་ཆང་།།

མི་ཚོགས་བརྒྱ་དང་བརྒྱད་ཅུའི་ཁྲོད།།

བཅོས་མའི་ཞལ་འཛུམ་གསང་བས་བཀྱཊ།།

ལས་སྣང་འཁོར་བའི་འཁོར་ཕྱོགས་ཤིག།

སེམས་ཀྱི་ཉི་ཟླ་ལྷན་འཛོམས་བྱུང་།།

དེ་དུས་ཉིད་ཀྱི་མངོན་སྣང་ལ།།

ཚོར་བའི་མངོན་དགའ་ཡོད་ཨེ་མྱོང་།།

རྒྱ་ཁང་གྲུ་བཞིའི་ནང་རོལ་ཀྱི།།

རྒྱ་ཟས་མང་པོའི་སྡེར་ཁ་ནས།།

འདས་དོན་དྲན་ཤེས་ཐུར་མ་ཡིས།།

མྱངས་བའི་ལོངས་སྤྱོད་སེམས་ཀྱིས་ཟ།།

གསང་མིག་འཁྱུག་པའི་སྣེ་རྩེ་ན།།

གདུང་བའི་འོད་དག་ཐོད་དུ་གཏུག།

ཕན་ཚུན་བཟུར་མའི་གྲལ་དབུས་སུ།།

ནང་གི་རོ་དག་ལོངས་སུ་སྤྱོད།།

སྤྲོ་འཛུམ་གདོང་བ་ཟོལ་གྱིས་ཤན།།

བརྩེ་དགོད་མིག་མདོག་སྐྱོ་བས་འཐུང་།།

མདོར་ན་ཐམས་ཅད་གཡོ་མའི་འཕྲུལ།།

ད་ནི་ངར་མེད་ཡིད་ཆེས་སོ།།

༡༠༡༣་༡་༣༠འི་ཕྱི་དྲོར་བྲིས།