༧ཀྱེ་མ་ཀྱེ་མ།  ཀུན་གྱིས་གཙུག་ཏུ་བཀུར་བར་འོས་པའི་༼དཀྱེལ་ཡངས་༽དང་༼དྲང་བདེན་༽གཉིས་པོ་གང་དུ་བཞུགས།   འོན་ཏེ་གནམ་འོག་ཀུན་ཏུ་ཉི་མ་ཇི་བཞིན་མངོན་དུ་གྱུར་པའི་དུས་ཤིག་ནམ་ཙམ་སྲིད།   དེ་ནི་ཀུན་ལ་ཉག་ཅིག་ཏུ་མཁོ་བའི་ནོར་བུ་བླ་ན་མེད་པ་དེ་ཡིན་པས་སོ།  རེ་བ་ནི་ཁྱོད་ལ་དུང་ཞིང་།   ཕུགས་འདུན་ཡང་ཁྱོད་ཁོ་ན་ཡིན།    ཨ་ཁ་ཁ།  གུད་དུ་ལུས་པའི་གསང་བ་དེ་ཡང་ངོ་མ་སུ་དང་གང་གིས་རྟོགས་ཨེ་སྲིད།  དྲག་ཏུ་འཚུབ་པའི་སྣང་མིན་རབ་རིབ་འོག་ཏུ་སུ་ཞིག་ཡོད།  ཁྱད་མཚར།  དུས་ཀྱི་གནས་སྟངས་འདི་གས་བསྡུས་པ་ཡིན་ཡང་སྲིད།  ཡང་ན་ཕལ་གྱི་ལྷན་སྐྱེས་གཤིས་སུ་གྲུབ་ཡོད་པ་འདྲ།    ངོ་མ་བྱས་ན།  ཅིས་ཀྱང་རྒྱུད་ཐག་ཆད་པའི་པི་ཝང་གི་བརྟུལ་ཞུགས་བཟུང་སྙིང་འདོད་དོ།  འོན་ཏེ་མདུན་བསྐྱོད་ཀྱི་གོམ་ཁ་དེ་གས་ཆོག་མིན་བརྟག་གོ།