དེ་རིང་གཟའ་མཇུག་གི་ལེའུ།།



སྤྲིན་པ་མཐུག་པོ་འཁྲིག་སྟེ་གྲང་བསིལ་ལྡན།།
ཆར་པ་ཟིམ་ཟིམ་བབས་ཏེ་ལུས་པོ་བརླན།།
སྐབས་སྐབས་འཁྱག་སྣང་སྐྱེས་ཏེ་སེམས་ཕམ་བྱས།།
ལན་རེ་དྲོད་སྣང་སྐྱེས་ཏེ་འཛུམ་མུལ་སྟོན།།

གཟའ་མཇུག་ངལ་གསོ་ཡིན་ཞེས་མིང་ཞིག་ཁུར།།
མི་ལ་རེམ་འདེགས་ཡིན་ཟེར་ཚོང་ལ་ཆོག །
རྩ་རྩིག་མང་པོ་ཞིག་ལ་མགོ་འཁོར་ཏེ།།
ཆ་རྒྱུས་ཅི་ཡང་མེད་སྟེ་ཉོ་མ་ཤེས།།

ཡར་རྒྱུག་མར་རྒྱུག་བྱས་ཏེ་རྐང་པ་གཟེར།།
ལ་རྒྱུག་ལང་རྒྱུག་བྱས་ཏེ་ལུས་པོ་གཟེར།།
སྐབས་སྐབས་དཀའ་སྡུག་མི་ཐེག་སུན་སྣང་སྐྱེ།།
ལན་རེ་གོ་བརྡ་མི་འཕྲོད་ངོ་རེ་ཚ།།

སེམས་ལ་དྲན་རྒྱུ་མང་བའི་རྒྱུ་རྐྱེན་གྱིས།།
དངོས་ཟོག་ཅི་ཞིག་རིག་ན་ཆགས་སེམས་སྐྱེ།།
སྐབས་སྐབས་ཉོ་སེམས་སྐྱེ་སྟེ་ཟ་འཁྲུག་ལོང་།།
སྒོར་ཁུག་སྲབ་སྲབ་ཡིན་པས་ཁུག་མ་ཐལ།།

མི་ལ་ཡིད་སེམས་ཚིམ་པའི་རོག་མ་ཐོན།།
རང་གི་ངལ་གསོའི་དུས་ཚོད་ག་ལེར་ཟད།།
རང་གཞན་གཉིས་ལ་མ་ཕན་ཉམས་རྩ་ཤོར།།
ལུས་སེམས་དཀའ་ངལ་ངང་ལ་གནས་བསྡད་ཡོད།།

ད་ནང་ཞོགས་ཇ་མ་ཐུང་གོང་རོལ་ནས།།
མི་འཇོན་ཚོང་ལ་ཆོག་སྟེ་ལེའུ་དེ།།
དོ་ནུབ་ཁེར་ཤག་ནང་ནས་བྲིས་པ་ཡིན།།
ད་དུང་མང་པོ་ཡོད་དེ་དེ་ཙམ་གྱིས།།