ལས་དབང་གི་འབོད་སྒྲ།

        རིགས་རྒྱུད་གཅིག་པའི་གངས་ཅན་པ། །

   རྒྱལ་ཁམས་ནང་ཁྲུག་མ་བྱེད་པར། །

  བྱམས་པས་ཕན་ཚུན་མཐུན་སྒྲིལ་ངང་། །

   རིག་པའི་གནས་ལ་བརྩོན་བཞིན་འགྲོ། །

  སྐལ་བཟང་ལྷ་སྲས་སློབ་ཕྲུག་ཚོ། །

  ལས་འབྲས་རང་བཞིན་མ་ཤོར་བ། །

  རིག་གནས་མར་ཁུའི་རྒྱ་མཚོ་དེ། །

  མཆོད་བཞིན་བདེ་སྐྱིད་ལམ་ནས་འགྲོ། །

  བཤད་སྒྲུབ་བོན་གྱི་མཆེད་གྲོགས་རྣམས། །

  རྣམ་གཡེང་ལེ་ལོ་མ་གཏོང་ནས། །

  ལྔ་རིག་མེ་ཏོག་བཞད་པོའི་ངགས། །

  དུག་གསུམ་རྩ་བ་གཅོད་བཞིན་འགྲོ། །

   གཤེན་བསྟན་པད་མོ་ཚེ་རྒྱས་རྩེར། །

   དགེ་ལེགས་བཅུད་ཀྱིས་ཕྱུག་པའི་ལྷ། །

   ཤེས་ཡོན་འོ་ཇ་སྟེར་མཁས་པའི། །

  བཅུད་ལྡན་དགེ་རྒན་བརྩལ་ནས་འགྲོ། །

    ཁ་བའི་དུས་རབས་གསར་པའི་ན་གཞོན་ཚོ། །

    རྒྱལ་གྲོང་ཀུན་ལ་མ་འགྲམ་ཨ་མའི་བུ། །

  མ་འོངས་མདུན་ལམ་བཟང་པོ་འཚོལ་བའི་ཆེ། །

ཚུལ་མཐུན་གཞུང་ལུགས་ཀུན་ལ་བརྩོན་བཞིན་འགྲོ། །