ལྷ་སར་ཉིན་ལྔ་ཡི་གོང་ནས་བཟུང་རིག་དངོས་བཤམས་སྟོན་ཁང་དུ་སྤྱི་ལོ་༢༠༡༡ལོའི་བོད་ཀྱི་ཐང་ཁ་འགྲེམ་སྟོན་གྱི་

བྱེད་སྒོ་སྤེལ་བ་འདུགདེའི་ནང་དུ་མིང་ཐོ་འཁོད་པའི་ལྷ་རིས་པ་118ཡོད་པ་དེ་ཚོས་རང་རང་གི་ཚབ་མཚོན་རང་

བཞིན་གྱི་ཐང་ཁ་འགྲེམ་སྟོན་བྱས་པས་རྒྱ་ཆེ་ཡུལ་སྐོར་བ་ལ་སོགས་ལྟད་མོ་བ་མང་པོའི་བློ་ཡིད་འཕྲོག་པ་དང་།

དེ་རིང་སྤྱི་ལོ་2011ལོའི་བོད་ཀྱི་ཐང་ཀ་འགྲེམ་སྟོན་གྱི་བྱེད་སྒོ་དེ་ཡོངས་སུ་ལེགས་གྲུབ་ངང་གྲོལ་བའི་མཛད་སྒོའི་

ཐོག་ཏུ་འབྲེལ་ཡོད་ལས་ཁུངས་ཀྱི་དབུ་ཁྲིད་དང་།དེ་བཞིན་ལྷ་རིས་མཁས་དབང་བསྟན་པ་རབ་བརྟན་དང་།

ནོར་བུ་སྲི་ཐར་སོགས་ལྷ་རིས་མཁས་དབང་ཁག་ཅིག་གིས་ད་ལོའི་འགྲེམ་སྟོན་ནང་དུ་ཞུགས་པའི་ལྷ་རིས་པའི་

ཁྲོད་ནས་རིམ་པ་ཁག་སོ་སོར་གཟེངས་བསྟོད་གནང་འདུག  དེ་ཡང་།  གཟེངས་བསྟོད་རིམ་པ་དང་པོ་ཐོབ་

མཁན་ལྷ་རིས་པ་ལྔ་དང་།  གཉིས་པ་ཐོབ་མཁན་མི་བཅུ།  གསུམ་པ་ཐོབ་མཁན་མི་བཅོ་ལྔ་བཅས་ཁྱོན་བསྡོམས་

མི་སུམ་ཅུར་གཟེངས་བསྟོད་ཐོབ་འདུག   གཟེངས་བསྟོད་རིམ་པ་དང་པོའི་ཐོབ་པའི་ལྷ་རིས་པ་ལྔ་ཡི་གྲས་སུ་

ཁྱུང་ཡུལ་གྱི་ལྷ་རིས་མཁས་པ་ནོར་བུ་གཡུལ་རྒྱལ་འདུག ཁོང་ནི་བོན་ལུགས་ཀྱི་ལྷ་རིས་པ་གྲགས་ཅན་འདས་པོ་

ལྡོང་མདོ་གཡང་འཕེལ་གྱི་ཚ་བོའམ་སློབ་བུ་རེད། 

གཟེངས་བསྟོད་རིམ་པ་དང་པོ་ཐོབ་མཁན་ལྷ་རིས་པ་ལྔ།

བོན་ལུགས་ཀྱི་ལྷ་རིས་མཁས་པ་ནོར་བུ་གཡུལ་རྒྱལ།

གུས་པ་དང་། ལྷ་རིས་མཁས་དབང་བསྟན་པ་རབ་བརྟན།  ནོར་བུ་གཡུལ་རྒྱལ།