དགའ་བའི་རེ་འབོད།
(གངས་ལྗོངས་གླུ་པ་དཀོན་མཆོག་ལགས་ཀྱིས་བརྒྱད་གཅིག་དབྱར་གྱི་སྤྲོ་སྐྱིད་ཆེན་མོའི་ཉིན་གཏོང་རྒྱུའི་གཞས་ཚིག་ཞིག་འབྲི་སྐུལ་གནང་བ་ལྟར་བྲིས།)
སྐྱིད་དགའ་བའི་དབྱར་གྱི་དུས་སྟོན་འདིར།།
ལྷ་བླ་མ་ཕེབས་བྱུང་དགའ་བ་ལ།།
ལས་རྒྱུ་འབྲས་རྨོངས་པའི་མི་ནག་ལ།།
ཚེ་ཕྱི་མའི་ལམ་སྟོན་གནོངས་རོགས་གྱིས།།
བླ་མ་ལགས་རིན་པོ་ཆེ།
སྐྱིད་དགའ་བའི་དབྱར་གྱི་དུས་སྟོན་འདིར།།
གོང་དཔོན་པོ་ཕེབས་བྱུང་དགའ་བ་ལ།།
ཁྲིམས་སྒྲིག་ལམ་མེད་པའི་མང་ཚོགས་ལ།།
ཡུལ་འཆམ་མཐུན་གྱི་བསླབ་བྱ་གནོངས་རོགས་གྱིས།།
དཔོན་པོ་ལགས་གོ་གནས་ཅན།
སྐྱིད་དགའ་བའི་དབྱར་གྱི་དུས་སྟོན་འདིར།།
དཔལ་དགེ་རྒན་ཕེབས་བྱུང་དགའ་བ་ལ།།
ཡག་ཡོན་ཏན་མེད་པའི་སློབ་ཕྲུག་ཚོར།།
ཤེས་ལྔ་རིག་སྦྱོང་སྟངས་བསླབ་རོགས་གྱིས།།
དགེ་རྒན་ལགས་ཤེས་ཡོན་ཅན།
སྐྱིད་དགའ་བའི་དབྱར་གྱི་དུས་སྟོན་འདིར།།
རྒན་ཡ་རབས་ཕེབས་བྱུང་དགའ་བ་ལ།།
ཤ་རུས་པ་མེད་པའི་གསར་བུ་ཚོར།།
བོད་མི་རིགས་བཟང་སྤྱོད་བསླབ་རོགས་གྱིས།།
རྒན་རབས་ལགས་ཉམས་མྱོང་ཅན།
སྐྱིད་དགའ་བའི་དབྱར་གྱི་དུས་སྟོན་འདིར།།
ཕོ་ཚོང་བདག་ཕེབས་བྱུང་དགའ་བ་ལ།།
ལག་འབུ་སྒྲུག་ཟུང་བའི་ཨ་ཉོག་ཚོར།།
རྒྱུ་སྟངས་འཛིན་འཐེན་ལྷོད་བསླབ་རོགས་གྱིས།།
- ཟིན་ཐོ་གོང་མ།སུན་སྣང་སྐྱེས།
- ཟིན་ཐོ་འོག་མ།གསང་སྔགས་ལམ་གྱི་འཇུག་ཆོག
ཕ་ཡུལ་སྦྲ་ཆེན་ལ་བསྟོད་པ།
ཕྱི་ཡུལ་ལྗོངས་མེ་ཏོག་འཇའ་ཚོན་ཤར།གཡང་ར་བ་སྒོ་བཞིས་རི་ལུང་ཁེངས།ནོར་ལོངས་སྤྱོད་གནོད་སྦྱིན་མཛོད་འགྲན་ཞིང་།ངའི་ཕ་ཡུལ་སྦྲ་ཆེན་ཕྱུགས་མོ་རེད།
༧གནས་དགོན་ཆེན་བཤད་བསྒྲུབ་བསྒོམ་གསུམ་དར།མདོར་མཆོད་བརྟེན་རྡོ་འབུམ་དར་ལྕོག་རྒྱས།དུས་དལ་མེད་ཚོགས་གསོག་སྒྲིབ་སྦྱོང་ཞིང་།ངའི་ཕ་ཡུལ་སྦྲ་ཆེན་ཕྱུགས་མོ་རེད།
༧གཞན་གསར་དར་རིགས་ལ་ཨ་གསར་མེད།རང་རིག་གཞུང་སྲོལ་ལ་བཅོས་སླད་མེད།དོན་ཆོས་སྲིད་རང་ཚུགས་མ་ཤོར་ཞིང་།ངའི་ཕ་ཡུལ་སྦྲ་ཆེན་ཕྱུགས་མོ་རེད།
༧སྟག་ཤར་ལུར་དཔལ་བོའི་རྩལ་གསུམ་ཚང་།སྨན་བུ་མོར་མཛང་མའི་ཡོན་ཏན་ལྡན།ཡུལ་བདེ་སྐྱིད་ལྷ་གནས་མཉམ་པའི་ཞིང་།ངའི་ཕ་ཡུལ་སྦྲ་ཆེན་ཕྱུགས་མོ་རེད།
བསམ་གཏན་འགྱུར་མེད་ནས༢༠༡༢ལོའི་ཟླ་༧་ཚེས༡༧ཞོག་པར་བྲིས།
ཧེ་ཧེ་འདིའང་སྐབས་འདིའི་དུས་ཆེན་འགྲོ་མཁན་གླུ་བ་ཞིག་གི་རེ་བ་ལྟར་གུས་པས་བྲིས་པ་ཡིན།ཐེང་འདི་སྐབས་རྫོང་སྲིད་གཞུང་ནས་དུས་ཆེན་འགྲོ་མཁན་རྣམས་སྣེ་ལེན་གཟབ་རྒྱས་དང་གོང་རིམ་ནས་ཐོ་འགོད་བྱས་པ་རྣམས་སླེབ་ཐུབ་མིན་ལ་བྱ་དགའ་དང་ཆད་གཅོད་ཡོད་འདུག་སྟབས་མི་འབོར་མང་པོ་ཡོང་ས་རེད།བསམ་གཏན་མཆོག་གིས་ཕ་ཡུལ་སྦྲ་ཆེན་གྱི་བསྟོད་གླུ་སྙན་པོ་ཞིག་བྲིས་འདུག་ཐུགས་རྗེ་ཆེ། མཚམས་རེ་འདི་འདྲ་ཡང་གལ་ཆེན་པོ་རེད། ངས་བྲིས་པ་མང་ཆེ་བ་ཧོབ་ཏེ་བལྟས་ན་སྐྱོན་བརྗོད་འདྲ་པོ་ཆགས་སོང་། མ་གཞི་གཞས་པ་ཁོ་རང་ཚོས་བཤད་པ་བཞིན་བྲིས་པ་ཞིག་ཡིན། འོན་ཀྱང་དེང་སང་གསར་བུ་མང་ཆེ་བ་ཞིག་གི་འགྲོ་ལུགས་འདུག་སྟངས་དང་བྱེད་ལུགས་ལས་སྟངས་ཐོས་དུས་ཁ་འགུལ་བསྐྱོད་མི་འཆོར་རང་དབང་མི་འདུག་ལགས། ཡིན་ན་ཕན་ཐོགས་མིན་སྐད་ཆ་ཁ་ཁ་རེད། གྲོགས་པོ་ལགས་ད་དུང་ཉིན་བཞིན་(རྒྱལ་སྲས་སྤུ་ལྡེའི་བླ་མཁར་)ནང་ཕེབས་གཟིགས་གནང་བའི་རེ་བ་ཡོད།སྤུ་བླ་བས་རང་ཤག་ནས།
སེམས་དགའ་བའི་དུས་རབ་ཉེར་གཅིག་ནང།རྗེ་སྐྱབས་མགོན་ཕེབས་བྱུང་དགའ་བ་ལ།
རང་ང་རྒྱལ་ཆེ་བའི་ཐོས་ཆུང་འགའ།
སེམས་ཞི་བ་འདུལ་ཐབས་བསྟེན་རོག་ཞུ།
སྤྲོ་ལྷང་ངེར་སྐྱེས་པའི་དབྱར་གྱི་དུས།
ལྷ་བླ་མ་ཕེབས་བྱུང་དགའ་བ་ལ།
ཚིག་རྩུབ་མོ་སྨྲ་བའི་མགོ་ཆུང་འགའ།
ཚིག་བདེན་སྨྲ་བསླབ་རོག་བླ་མ་ལགས།
དགེ་བཤེས་མིང་ཙམ་འཛིན་པའི་དར་རྒྱས་ལྷ་
དགའ་ནས།
ནས།
ཁ་སོང་ཁྱི་སྤྱང་དམར་པོས།ལྷ་གཡག་རི་ན་བཅོམ་འདུག མདང་ནུབ་དོམ་དྲེད་གཏུམ་པོས།གཡང་དཀར་ལྷས་རུ་གཏོར་སོང་།༧སྒང་གསུམ་ལྕགས་དྲས་བསྐོར་ཞིང་།ཐང་གཞི་གྲོང་ཁྱེར་ཆགས་སྟེ།རི་ལུང་བརྔོག་འདོན་དགོས་འདུག ཨ་ཕོ་འབྲོག་རྒན་ད་རྒྱུག༧གནས་ཚང་གཡར་ཡུན་རིང་དུས།མགྲོན་པོ་ཁང་བདག་གྱུར་སོང་།མི་འཁྱམ་གཉེན་སྡེབ་བྱས་དུས།བདག་པོ་སྒོ་ལ་ཕུད་སོང་།༧སྒོམ་ཆེན་རི་ལ་འདུག་ན།ལག་འཁྱེར་གྲོང་ནས་ལེན་དགོས།ཕ་སར་བུ་མཁར་རྩིག་ན།བདག་དབང་ཕྱི་མིར་ཞུ་དགོས།གྲོགས་སྤུ་བླ་ལགས་ནས་འདི་ནི་ང་ཚོའི་དེང་སྐབས་གྱི་གནས་སྟང་ཙམ་གླིང་བ་ཡིན་གཙང་ཚ་ནས་མགྱོགས་བྲིས་བྱས།ལྷ་གཡག་རི་ནས་ཟ་བའི་ཁྱི་སྤྱང་དེ་དང་།།གཡང་དཀར་ལྷས་ནས་གཏོར་བའི་དོམ་དྲེད་དེ་དག །།
ཟ་ལས་རླུང་རྟ་དར་བའི་དུས་ལ་སླེབས་ཡོད།།
གོ་སྐབས་མ་ཤར་བར་དུ་སྒུག་རྒྱུ་རེད་བཞག །
སྒང་གསུམ་ལྕགས་དྲ་བསྐོར་ན་དལ་མདོག་ཁ་ཞིང་།།
ཐང་ཆེན་གྲོང་ཁྱེར་བཟོས་ན་སྐྱིད་མདོག་ཁ་ཡང་།།
རོང་འབྲོག་རིག་གཞུང་ཉམ་པའི་སྣང་ཚུལ་བསམ་ན།།
ཤ་དང་རུས་པའི་བར་ན་ཟུག་གཟེར་སླེབས་ཡོང་།།
རི་ལུང་གཏེར་ཁ་བསྔོག་ན་ཡོང་སྒོ་ཡོད་ཅིང་།།
ནགས་ཚལ་གཅོད་བྲེགས་བྱས་ན་བེད་སྤྱོད་ཆེ་ཡང་།།
ས་བཅུད་ཡུལ་བཅུད་ཉམ་པའི་གནས་སྟངས་བསམ་ན།།
གཞུང་དང་གོང་རིམ་ཟེར་ནས་སྒུར་ཐབས་དཀའ་ཡ།།
ངོས་སུ་མཐོང་བོང་བསྒྲེང་ནས་སློང་ཐབས་མཁས་ཤིང་།།
ལྐོག་ནས་འབྲོག་རྒན་ཟེར་ཏེ་སྨད་ནས་ཆོག་ཆོག །།
ཐུབ་ན་འཕྲོག་སྙིང་དོད་པའི་ཇག་རྐུན་དེ་དག །།
བློ་སྙིང་བྲང་གསུམ་གཏད་ན་སྨྱོན་པ་མིན་ནམ།།
དུས་ཚོད་ཀྱིས་རྐྱེན་དེ་ཙམ་མོ།
