ངའི་སེམས་ཀྱི་དཔའ་རྒོད

གཞན་སྲོག་སྐྱོབ་ཕྱིར་རང་སྲོག་བློས་བཏང་བའི་ཁྱུང་སྲསk.x.c.rལགས་ལ།

ཁྱེད་རང་འཇིག་རྟེན་འདིར་ཡོང་དུས

ངོ་མཚར་བའི་གཏམ་རྒྱུད་གང་ཡང་བརྗོད་རྒྱུ་མེད་ལ

གཞན་དང་མི་མཚུངས་པའི་ཁྱད་ཆོས་ཡང་བརྗོད་རྒྱུ་མེད

སྤྱིར་བཏང་གི་ངུ་ངག་ཙམ་གྱིས་འཇིག་རྟེན་གྱི་སྒོ་གླེགས་བརྡུངས་ཏེ

དྲིན་ཆེན་ཕ་མའི་སེམས་རྟེན་དུ་གྱུར

 

ཆེས་སྤྱིར་བཏང་བའི་ཞིང་དབུལ་ཅིག་གི་ཁྱིམ་ནས

ཀུན་དང་མི་མཐུན་པའི་ཉམ་ཐག་གི་འཚོ་བ་རོལ་བཞིན

མི་ལོ་ཉེར་བརྒྱད་ཀྱི་ཁ་ལོ་རིམ་གྱིས་བསྐོར།

ཁྱིམ་ཚང་འདིའི་ཁ་རྒྱབ་ཀྱི་ཆེད་དུ        ཁྱེད་རང    

ལྷ་རིས་སྒྱུ་རྩལ་གྱི་ཞིང་ཁམས་ལ་འགྲིམས་མགོ་བརྩམས་ཏེ

ཕུལ་བྱུང་གི་འབྲས་བུ་ལོན་ལ་ཉེ་སྐབས་འདིར

འཆི་བདག་གི་ཕོ་ཉས་འདི་ལྟར་བདས་ཡོང་བ  སུ་ཞིག་གིས་ཚོད་དཔག་ཐུབ་བམ

 

ཉི་འོད་ཚ་ཚ་དུ་འཕྲོ་བའི་ཉིན་དེར

ཆུ་ཀླུང་གིས་ཤེད་ཀྱིས་འཁྱེར་བའི་གྲོགས་པོ་ཞིག་གི་ཚེ་སྲོག་སྐྱོབ་ཕྱིར

བྱང་ཆུབ་སེམས་དཔའ་ཅིག་གི་མཛད་སྤྱོད་འཁུར་དུ་བཞེས་ཏེ

ཡིད་གཉིས་ཀྱི་ཐེ་ཚོམ་གང་ཡང་མེད་པར  

མེར་མེར་དུ་བཞུར་བའི    ཆུ་མོའི་ཀློང་ལ་མཆོངས

བྱང་ཆ་དོད་པོའི་རྐྱལ་རྩལ་ལ་བརྟེན་ནས   གྲོགས་པོ་དེའི་སྐྲ་གསེབ་ལ་འཐམས་ཏེ     

དཔའ་སྟོབས་ཀྱིས་ཆུ་ངོགས་སུ་སླེབས་ལ་ཉེ་སྐབས

སྟབས་ཉེས་ཤོར་ཏེ   རང་ཉིད་ཀྱི་ཚེ་སྲོག་ཀྱང

ཆུ་ལྷ་རྒྱལ་མོའི་ཟས་སྐལ་དུ་མཆོད་སོང་བས

ངོ་མ    ཞེ་སྐྱོ་ཞིང་ཡིད་ཕངས་པ་ལ་ཨང

 

སོང་མ་ཚར་བའི་མི་ཚེའི་འགྲུལ་བཞུད་ཅིག་འདི་ལྟར་མཇུག་རྫོགས་ཏེ

ཤུལ་ན་ལུས་པའི་ཕ་མ་ལོ་ལོན་གཉིས་ཀྱི་རེ་ལྟོས་འདི་ལྟར་ཆད་ནའང

སྡུག་ངོ་མ       དྲིན་ཆེན་གྱི་ཕ་མ་རེད་ལ  

སྐལ་ཆད་པ    ཁྱོད་མ་གཏོགས་སུ་ཞིག་ཡོད་ཨང

 

གྲོགས་པོ་ལགས  ཁྱེད་ཀྱི་བཞུད་སྟངས་དེར

གཟི་བརྗིད་ཀྱི་ཚན་ཁ་འབར་ཞིང     རླབས་ཆེན་གྱི་འོད་སྣང་འཚེར་བས

བར་དོ་འཕྲང་རིང་ནས

ཞེ་མ་ཆགས   ངའི་སེམས་ཀྱི་རྒྱལ་སྲས

དངངས་མ་འགྲོ  ངའི་སེམས་ཀྱི་དཔའ་རྒོད

ང་ཚོས     ཁྱེད་ཀྱི་སྤྱོད་ལམ་ལ་སྨོན་པ་གཏོང་བཞིན

བོན་ཀུན་གྱི་སྙིང་བོ་རྣམ་གསུམ་ངག་ལ་གྱེར་བཞིན

ཁྱེད་ཉིད་ལ་སྐྱབས་འཇུག་དང་སྨོན་ལམ་དྲག་ཏུ་བཏབས་ན

བར་དོའི་འཇིགས་པ་ཡོད་ཚད་རྨང་ནས་སེལ་ཡོང

 

བདེ་བར་བཞུད་དང     གྲོགས་པོ་ལགས

ཁྱེད་རང་འཇིག་རྟེན་འདིར་གྱེས་དུས

ངོ་མཚར་བའི་གཏམ་རྒྱུད་ཅིག     ང་ཚོར་བསྐྱུར་སོང་ལ

ཁྱད་དུ་འཕགས་པའི་སེམས་བསྐྱེད་ཅིག     ང་ཚོར་རྟེན་དུ་བསྐྱུར་ཡོད་ཨང

༢༠༡༡ ་ ༩ ་ ༡ལ།