སྙན་ཚིག་གཞོན་ནུའི་དགའ་སྟོན།།

མཁར་ནག་སྐལ་བཟང་རྒྱ་མཚོ།།

མཁས་གཞོན་སྨྱུག་རྩེ་ལས་འཁྲུངས་སྙན་ཚིག་ཕྲེང་།།

མཁས་རྒུའི་དང་བ་འདྲེན་པའི་སྙན་འཇེབས་ཅན།།

མཁས་རློམ་བྱིས་པའི་སྣང་ངོར་སྙན་མིན་ཡང་།།

མཁས་འདོད་བློ་གསལ་ཚོགས་ལ་སྙན་པའི་མཆོག།

མཁས་གྲུབ་བྱེ་བའི་ལེགས་བཤད་སྙན་རྩོམ་དང་།།

མཁས་པས་དཀའ་གནད་བཀྲོལ་པའི་སྙན་འགྲེལ་གཞུང་།།

མཁས་པར་འདོད་པས་རྟག་ཏུ་སྙན་མངགས་ལ།།

མཁས་ཚུལ་གསུམ་གྱིས་བརྩོན་ན་སྙན་གྲགས་རྒྱས།།

མཁས་བརྒྱས་ལེགས་བཤད་གྱེར་བའི་སྙན་དབྱངས་དང་།།

མཁས་པ་གཞོན་ནུས་བརྩམས་པའི་སྙན་ཚིག་བཞིན།།

མཁས་མཛངས་རྣམ་དཔྱོད་རྒྱས་པའི་སྙན་ལམ་དུ།།

མཁས་འདོད་བདག་གིས་བགྱིས་འདི་སྙན་མིན་ནམ།།