སེམས་པ་ཆུང་བའི་མི་ལ་དགའ་སྡུག་མང།

རྣམ་རྟོག་རག་པའི་མི་ལ་ལྷ་འདྲེ་མང།

ཆགས་པས་གདུང་བའི་མིག་ལམ་མཛེས་མ་མང།

གཏད་མེད་གཡོ་ཅན་གྲོགས་ལ་བློ་སྣ་མང།

ཅོལ་ཆུང་སྡར་མའི་སྟེང་ལ་དཔའ་བོ་མང།

ཡ་མེད་བཙན་པོའི་བུ་ལ་བསྟོད་བསྔགས་མང།

ཚད་ལྡན་ཉམས་ཆུང་མི་ལ་ཁ་ངན་མང།

འབྱོར་ལྡན་ཕྱུག་པོའི་ཕྱོགས་ལ་ཉེ་ཡ་མང།

ཐོབ་ཐང་རང་ལ་ཡོད་ཚེ་ཕན་མཁན་མང།

དབང་མེད་གྲལ་དུ་ལྷག་ཚེ་གནོད་མཁན་མང།

ཕུན་ཚོགས་ནོར་གྱིས་འབྱོར་ཚེ་འགྲོགས་མཁན་མང།

སྔོན་བསགས་ལས་གྱིས་རྒུད་ཚེ་བཟུར་མཁན་མང།

མ་དཔྱད་ཐད་ལ་བལྟས་ཚེ་མཁས་པ་མང།

བརྟགས་ཅིང་ལག་ཏུ་བླང་ཚེ་བླུན་པོ་མང།

བཅོས་མའི་འཛུམ་གྱིས་བསླུས་ཚེ་གྲོལ་མཁན་མང།

ལྷད་མེད་བདེན་པར་སྨྲ་ཚེ་དོག་མཁན་མང།

                                                     གངས་རིའི་གསེར་སྨྱུག།