ཁྱུང་པོའི་རལ་པ།།

གསེར་གྱི་གཤང་ཆུང་ཁྲོལ་ལོ་ལོ།།

གཡུ་ཡི་་རྔ་མོ་ཏིང་སེ་ཏིང་།།

རལ་པ་དང་རལ་མ་ཤ་ར་ར།།

 དེ་རིང་གར་སྟེགས་སྟེང་ན་འཁྲབ་སོང་ངོ།།

 སྟག་ཤར་ལ་ཕོ་རྩལ་འཛོམ།།

སྨན་ཤར་ལ་མཛེས་ཉམས་ལྡན།།

ཡིད་འོང་གི་གཞོན་ནུ་ཚོས།།

དེ་རིང་འཁྲབ་སོང་།།

སྒྱུ་ རྩལ་གྱི་དུས་ཆེན་འདིར།།

ཉམས་རྒྱ་ཡི་གཟི་དཔལ་གྱིས།།

མི་ཡུལ་ལ་མཛེས་སྡུག་བསྐྲུན།།

དེ་རིང་འཁྲབ་སོང་།།

གཡུང་དྲུང་གི་རིས་མཛེས་པའི།།

རྔ་སྒྲ་འདི་ཆེམས་སེ་ཆེམ།།

སྔོན་དུས་སུ་དབལ་བོན་གྱིས།།

རི་རབ་གྱི་རྩེ་ནས་བརྡུང་།།

སྲིད་གསུམ་ན་འུར་རུ་རུ།།

དེ་རིང་གི་གར་སྟེགས་ན།།

ན་གཞོན་གྱི་མཛེས་མ་ཚོས།།

སྒེག་ཉམས་ཀྱི་གཡས་སྐོར་བཅས།།

ཡང་ཡང་དུ་བརྡུང་བ་ན།།

གཉིས་རྡུང་གི་དབྱངས་རྟ་ལས།།

ཕོ་རྒོད་ཀྱི་ཤ་སྐོར་ཡོད།།

སུམ་རྡུང་གི་རང་སྒྲ་ལས།།

སྨན་མོ་ཚོའི་མཛེས་སྐོར་ཡོད།།

ཕོ་རྒོད་ཀྱི་ཤ་སྐོར་ལས།།

གཤང་རོལ་གྱི་སིལ་སྒྲ་སྙན།།

རྔ་ལྗགས་ནི་ཡུགས་སེ་ཡུག།

མོ་སྨན་གྱི་མཛེས་སྐོར་ལས།།

དར་ཤམ་གྱི་གདུགས་དཀར་འཁོར།།

སྐད་སྐབས་ནས་འགྱུར་བག་ལྡན།།

གསེར་གཤང་གི་རོལ་མོ་འདི་།།

སྔོན་དུས་སུ་གཤེན་རབ་ཀྱིས།།

འཛམ་གླིང་གི་དབུས་ནས་དཀྲོལ།།

དེ་རིང་གི་གར་སྟེགས་ནས།།

དབྱངས་འགྲོས་ལ་སྙན་དགུས་ཕྱུག།

འཇིག་རྟེན་གྱི་མི་སེམས་ན།།

བཙན་འཛུལ་གྱི་ལས་གཉེར་མཁན།།

 གར་སྟེགས་ཆུང་ཆུང་ཐོག་གི།

རས་པ་རས་མ་དེ་དག།

                  ཟླ་༨ཚེས༡༥ཉིན་