ཕ་ཡུལ་སྨན་ལྗོངས་ཕྱུག་མོ།།

ལྷུང་ལྷུང་དབྱངས་འགྲོས་སྙན་པའི།།

ཆུ་མོ་རྫ་ཆུའི་ཟེག་མ།།

ངང་གིས་འབབ་པའི་ཡུལ་གྲུ།།

ཕ་ཡུལ་སྨན་ལྗོངས་ཕྱུག་མོ།།

སྙིང་ནས་དྲན་པ་མ་ལྷོད།། 

འདབས་ཆགས་སྐད་གསང་སྙན་མོ།།

རི་ལུང་ཀུན་ནས་གྲགས་ཞིང་།།

ལྗོན་ཕྲན་མགོ་ལྕོག་ལྡེམ་པ།།

ཕ་ཡུལ་སྨན་ལྗོངས་ཕྱུག་མོ།།

སྙིང་ནས་དྲན་པ་མ་ལྷོད།།

ལྷ་འབྲི་ངུར་རྒྱང་ལྡིམ་མེ།།

སྣ་ཚོགས་ཆུ་སྐྱེས་བཞད་ཅིང་།།

འོ་མའི་བསུང་ཞིམ་འཐོར་བའི།།

ཕ་ཡུལ་སྨན་ལྗོངས་ཕྱུག་མོ།།

སྙིང་ནས་དྲན་པ་མལྷོད།།

ཟིམ་ཟིམ་ཆར་པའི་ཀློང་ནས།།

ཉི་གཞོན་འཛུམས་མདངས་ངོམ་བཞིན།།

སྣ་ཚོགས་འཇའ་རིས་བཀྲ་བའི།།

ཕ་ཡུལ་སྣམ་ལྗོངས་ཕྱུག་མོ།།

སྙིང་ནས་དྲན་པ་མ་ལྷོད།།

རྒན་པ་ཉམས་མྱོང་ཆེ་ཞིང་།།

གཞོན་ནུ་ལྷ་བསམ་དཀར་བ།།

རྒན་གཞོན་བརྩེ་དུང་ཟབ་ས།།

ཕ་ཡུལ་སྨན་ལྗོངས་ཕྱུག་མོ།།

སྙིང་ནས་དྲན་པ་མ་ལྷོད།།