བློས་མི་ཐོང་ས།

གངས་ལྗོངས། བོད་པ་ཡི་ཕ་ས། འཛམ་གླིང་གི་ཡང་རྩེ། ཞི་བདེ་ཡི་འཇིག་རྟེན།

འདི་སྙིང་རྗེ་དང་བྱམས་སེམས་ཀྱིས་བསྐུན་པའི་ཡུལ་གྲུ།

སྦྲ་ནག། བོད་པ་ཡི་ཕ་ཁྱིམ། འོ་ཞོའི་རྒྱ་མཚོ། ཕྱྭ་གཡང་གི་དམུ་ཞག་འཁྱིལ་ས།

འདི་ནི་ཕ་མའི་ལས་དབང་གི་ཐོབ་པའི་གནས་མལ།

རྩམ་པ། བོད་པའི་ཁ་ཟས། འཚོ་བའི་དང་རྩེ། རོ་བཅུད་ཀྱིས་ཕྱུག་པའི་ཟས་མཆོག 

འདིས་ང་ཚོ་ལོ་ངོ་ཁྲི་སྟོང་ལ་གསོས་ཡོད།

སྐད་ཡིག བོད་པ་ཡི་ཕ་སྐད། འཕྲུལ་ཡིག་བཞི་བཅུའི་རང་འོད།

མི་རིགས་ཤིག་གི་ངོ་བོ་མཚོན་བཞིན། མདུན་ལམ་ལ་འོད་ཟེར་སྤྲོ་བའི་སྒྲོན་མེ།