སྒྲིག་འཇུག...
སྤྱི་བསྒྲགས།
སྒྲིག་འཇུག...
ལི་ཐོ།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
པར་མཛོད།
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
ནང་འཇུག
སྒྲིག་འཇུག...
དྲ་གྲོགས།
སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
སྒྲིག་འཇུག...
སྟོན་པའི་སྐུ་ཤུག་གམ་འཛམ་གླིང་གི་ཤུག་སྡོང་རྒྱལ་བོ། | 2011/11/15 19:22:00
སྟོན་པའི་སྐུ་ཤུག་ཆེན་པོའམ་འཛམ་གླིང་ཤུག་སྡོང་རྒྱལ་པོ།
བོད་ལྗོངས་ཀྱི་ཉིང་ཁྲི་རྫོང་དང་རྒྱང་ཐག་སྤྱི་ལེ༡༣གྱི་སར་གནས་པའི་སྟོན་པའི་སྐུ་ཤུག་ཆེན་པོའམ་འཛམ་གླིང་ཤུག་སྡོང་རྒྱལ་པོའི་སྐྱེད་ཚལ་ནི། རྒྱ་མཚོའི་ངོས་ལས་མཐོ་ཚད་རྨིད༣༠༤༠དང་རྒྱ་ཁྱོན་ལ་ཀུང་ཆིང་༡༠ཙམ་ཡོད་ལ་རྒྱ་ཤུག་ཆེན་པོ་ཤ་སྟག་ཡིན་ལ་ཆ་སྙོམས་མཐོ་ཚད་རྨིད༤༤ཡོད་པ་དང་ཞེང་ཚད་རྨིད ༡.༥༨ཡོད། ཤུག་སྡོང་ཆེ་ཤོས་དེར་མཐོ་ཚད་རྨིད༥༧དང་ཞེང་ཚད་ལ་རྨིད༥.༨ཡོད། དེང་གི་ཚན་རིག་ལོ་རྒྱུས་སྨྲ་བ་དག་གིས་ད་བར་ལོ་ངོ༢༦༠༠ལྷག་ཙམ་གྱི་ལོ་རྒྱུས་ལྡན་ཡོད་པ་ངོས་འཛིན་བྱེད་ཀི་ཡོད་ལ “ ཀྲུང་གོའི་རྒྱ་ཤུག་ཤིང་རིགས་ཀྱི་རྒྱལ་པོ ”ཞེས་བརྗོད། སྟོན་པའི་སྐུ་ཤུག་ཆེན་པོའམ་འཛམ་གླིང་ཤུག་སྡོང་རྒྱལ་བོ་འདི་ནི་གཡུང་དྲུང་བོན་གྱི་སྟོན་མཆོག་རྒྱལ་བ་གཤེན་རབ་མི་བོ་ཆེའི་དབུ་སྐྲ་ས་ལ་གཏོར་བ་ལས་སྐྱེས་པའི་ཤུག་སྡོང་ཡིན། ཤུག་སྡོང་འདི་ཉིད་བོན་གྱི་ལོ་རྒྱུས་སུ་ལོ་ངོ་ཆིག་ཁྲི་ལྷག་གི་ལོ་རྒྱུས་ལྡན་པ་ངོས་འཛིན་གནང་གི་ཡོད། དེ་ལྟར་ཤུག་སྡོང་རྒྱལ་བོ་འདི་ནི་བོད་ཀྱི་ཤུག་སྡོང་ཆེ་ཤོས་དང་ལོ་རྒྱུས་རིང་ཤོས་ཀྱི་སྡོང་ཆེན་ཞིག་ཡིན།
ཀྲུང་གོ་བོད་ལྗོངས་དྲ་བ་ལས་བཏུས་ཏེ་ཅུང་འཕྲི་སྣོན་བྱས་པ་ཡིན།
- ཟིན་ཐོ་གོང་མ།བོད་ཀྱི་བོན་པོའི་ཆོས་ལུགས་ཀྱི་སྐོར།
- ཟིན་ཐོ་འོག་མ།དུས་དེབ་《རྨུ་ཐག་》སྟེང་གི་༼ཧི་མ་ལ་ཡའི་བོན་དྲ་ཚིགས།༽
བྱང་གནམ་མཚོ་ཕྱུག་མོའི་དོ་རིང་དུ་རིག་འཛིན་སྟོང་རྒྱུང་མཐུ་ཆེན་གྱི་བསྒྲུབ་ཕུག་ཞིག་ཡོད་སྐོར་གོ་མྱོང་དེ་ཁྱེད་རྣམ་པ་མཁྱེན་མཁན་ཡོད་དམ། ང་ཚོ་བོན་པོ་ཚོར་བསམ་ན་ངོ་མ་རྩ་ཆེན་ཞིག་རེད་འདུག། ཉིན་ཤས་སྔོན་མཚོ་སྔོན་པོ་དྲྭ་བའི་ནང་གནམ་མཚོའི་སྐོར་ཞིག་སྟོན་འདུག་པས་དེར་གསལ་བ་ལྟར་ན་དོ་མི་འདྲ་བ་གསུམ་ཡོད་རབས་ཤིག་བཤད་འདུག་འདིར་གཟིགས། ༼༼གནམ་མཚོའི་སྐོར་ཆེན་སྐོར་སྐབས་གཉན་ཆེན་ཐང་ལྷའི་རི་བོ་དང་། མཚོ་གཉིས་ཀ་སྐོར་དགོས་པས་རྐང་ཐང་གི་ཉིན15—25ཙམ་འགོར།མཚོ་གཅིག་པུ་སྐོར་ན་ རྐང་ཐང་གིས་ཉིན7—9རིང་སྐོར་ཐུབ། སེ་མོ་དོ་མཚོ་དཀྱིལ་དུ་ཡོད་སྟབས་དབྱར་དུས་མཇལ་བར་བསྐྱོད་མི་ཐུབ་པ་ལས་དེ་ མིན་བཀྲ་ཤིས་དོ་དང་། བྱ་དོ་གཉིས་མཇལ་ཐུབ་པའོ། །༽༽གོང་དུ་གསུངས་པའི་༼ཡ་ང་མཚོ་༽ཟེར་བ་དེ་ལ་ངག་མཚོ་མིན་འགྲོ། གཞན་དེ་ཁུལ་ལ་ཡ་ང་མཚོ་ཟེར་བ་ཞིག་གོ་མྱོང་མི་འདུག ལ་ངག་མཚོ་ནི་རི་བོ་ཏི་སེའི་ཕྱོགས་བཞིར་འཁྱིལ་བའི་མཚོ་བཞིའི་ནང་གསེས་ཤིག་སྟེ།རི་བོ་དེ་ཡི་ཕྱོགས་བཞི་ན།
འཁྱིལ་བའི་མཚོ་བཞི་མེར་རེ་རེ།
གཅིག་ནི་གངས་རྒྱུད་དངུལ་མོ་མཚོ།
གཅིག་ནི་ཟོམ་ཤང་ལྕགས་མོ་མཚོ།
གཅིག་ནི་མ་པང་གཡུ་མོ་མཚོ།
གཅིག་ནི་ལ་ངག་གསེར་མོ་མཚོ།
ཅེས་སོ།
གོང་གི་གྲོགས་པོ་དག བདག་གི་ཟིན་བྲིས་སུ་ཕེབས་ནས་བགྲོ་གླེང་གནང་བར་དགའ་བསུ་ཞུ་བ་དང་། མུ་མཐུད་ནས་དྲང་བདེན་དང་གནས་ལུགས་ཀྱིས་ཕྱུག་པའི་སྒོ་ནས་བགྲོ་གླེང་གནང་བར་དགའ་བསུ་ཡོད།
རྣམ་པ་ཚོ་དགོངས་དག། བྲིས་ནོར་ཤོར་འདུག། མཚོ་ལོང་ཀློག་་་མིན་་་་མཚོ་ལོང་ཀྱོག་་་ཡིན།མཆེད་ལྕམ་སྤུན་གྲོགས་ཚོ། མང་མཁར་ལྕགས་འཕྲང་བོན་ཕུག་དང་མཁར་ཕྱིང་བ་སྟག་རྩེ་གཉིས་ཕལ་ཆེར་ཁ་གསལ་པོ་འདྲ་པོ་ཆགས་སོང། ད་དུང་་་གད་ཀྱི་བྱི་བ་མཁར་་་ག་བར་ངོས་འཛིན་གནང་དགོས་པ་མཁྱེན་མཁན་ཡོད་ན་གསུངས་རོགས་ཞུ། ཡང་དེ་རིང་གསར་དུ་ཞུ་རྒྱུ་ཞིག་ནི་་་མ་སྒྲ་བླའི་རྒྱལ་མོའི་་་བླ་མཚོའི་སྐོར་ལ་ཡིན། སྒྲ་བླ་མའི་བླ་མཚོ་དེ་ག་བར་ངོས་འཛིན་བྱེད་དགོས་སམ། ད་ལོ་བོན་བརྒྱ་རིན་པོ་ཆེ་སྟོད་མངའ་རིས་སུ་ཆིབས་བསྒྱུར་བསྐྱངས་པ། ཞེས་པའི་གནས་འཕྲིན་དེ་ཡི་ནང་དུ་འདི་ལྟར་གསལ་འདུག། ༼༼ མུ་ལེ་མཚོ་༼ཡོངས་གྲགས་ཀྱིས་ཡ་ང་མཚོ་ཟེར་མོད། བླ་མ་རིན་པོ་ཆེ་ནས་མཚོ་འདི་སྟོང་རྒྱུང་མཐུ་ཆེན་གྱིས་མཛད་པའི་མ་མོ་སྲོག་སྒྲུབ་ཀྱི་གཞུང་ལས། གཡའ་དང་མུན་པའི་གུར་ཁང་ན། །སྤྲིན་དང་ན་བུན་ཚུར་རོལ་ན། །སྟག་རི་ཁྲ་བོའི་མར་ཞབས་ན། །དུག་རི་ནག་པོའི་རྩེ་མོ་ན། །མུ་ལེ་མཚོ་ཡི་གཏིང་རུམ་ན། །གཡུ་དང་མུན་པའི་གུར་ཁང་ན། །སྒྲ་བླའི་རྒྱལ་མོ་མཐུ་མོ་ཆེ། །ཞེས་པའི་མུ་ལེ་མཚོ་ཡིན་པར་ངོས་འཛིན་བྱས། ༽༽སྐྱབས་རྗེ་བོན་རྒྱ་རིན་པོ་ཆེ་མཆོག་གིས་ངོས་འཛིན་གནང་བའི་མཚོ་འདི་དང་་་སྐྱབས་རྗེ་ཡོངས་འཛིན་སྨྲ་བའི་སེང་གེ་མཆོག་གིས་ངོས་འཛིན་གནང་བའི་མཚོ་གཉིས་གཅིག་པ་ཡིན་མིན་བརྟག་བ་བྱེད་དགོས། སྐྱབས་རྗེ་ཡོངས་འཛིན་སྨྲ་བའི་སེང་གེ་མཆོག་གིས་མཚོ་དེ་ལ་ཡུལ་སྐད་དུ་་་མཚོ་ལོང་ཀློག་་་བརྗོད་ཀྱི་ཡོད་རེད་གསུངས་བ་ཞིག་དང་མཚོ་དེ་ནི་རི་རྩེ་ཞིག་ཏུ་ཡོད་སྐོར་གསུངས་པ་དྲན། གང་ལྟར་མཚོ་ལོང་ཀློག་དང་་ཡ་ང་མཚོ་་་མུ་ལེ་མཚོ་རྣམས་གཅིག་དུ་བབས་མིན་ཞིབ་དཔྱོད་བྱེད་དགོས། ཤེས་མཁན་ཡོད་ན་གསུངས་རོགས་ཞུ།སྒྲགས་གླིང་དང་སྒྲགས་བྱང་བཀོད་པའི་མཚན་དང་དཔལ་ཚུལ་བསྟན་འབྱུང་ལ་བཀོད་པའི་འདུ་གནས་སོ་བདུན།སྒྲུབ་གནས་སོ་དྲུག གནས་ཆེན་ཉེར་བཞི།སྒྲུབ་སྡེ་སོ་བདུན་བཅས་་་རི་རྒྱལ་དང་རི་བདུན་ལ་མ་ཡིན་པའི་མཐོང་ཡུལ་དུ་གྱུར་པ་རྣམས་ཞིབ་འཇུག་བྱས་ཏེ་ཕྱོགས་བསྒྲིགས་བྱེད་རྒྱུའི་ཁྱད་དུ་བོན་གྲོགས་རྣམས་ཀྱི་བསམ་འཆར་དང་ངོ་སྤྲོད་འདིར་བཀོད་རོགས་ཞུ།ང་ཚོས་མིང་ཙམ་མ་ཡིན་པའི་་དེང་སྐབས་གཞི་བཅོལ་ས་གཙོ་བོ་དཔལ་ཚུལ་བསྟན་འབྱུང་དང་ཡོངས་འཛིན་རིན་པོ་ཆེ་སྐུ་ངོ་མ་གཉིས་མ་ཡིན་པའི་དྤཡད་གཞིའི་ཡིག་རིགས་དང་ཞལ་རྒྱུན་གནས་ཚུལ་ཁྱད་པར་ཅན་བཅས་འདུག་ན་ཐུགས་རྗེ་མི་ཆུང་བ་མཁྱེན་གཙང་ཚ་བསམ་གཏན་འགྱུར་མེད་ནས།སྟ་ཕུ་དྲོན་ལྷས་གྲམ་པ་ཁའུ་ངོ་སྤྲོད་གནང་བ་ཐུགས་རྗེ་ཆེ་ད་དུང་གཞན་རྣམས་མུ་མཐུད་ཞིབ་དྤྱོད་གནང་རོགས་ཞུ།ཕྱིང་བ་སྟག་ཙེ་ཟེར་བ་གཅིག་འཕྱོངས་རྒྱས་རྫོང་རྒྱབ་ཀྱི་སྡེ་གསེབ་རི་བོ་བདེ་ཆེན་དགོན་པའི་གཤམ་དེར་འདུག དེར་ད་དུང་རྒྱལ་བ་སྐུ་འཕྲེང་（ག་རེ་ད་ལྟ་དྲན་མ་སོང་）རིམ་པ་གཅིག་འཁྲུང་མྱོང་ཟེར་གི་འདུག མདོག་དམར་པོ་བྱས་པའི་ཁང་པ་ཞིག་འདུག གཙང་ཚསབོན་རིའི་དཀར་ཆག་ཡིད་བཞིན་ལྗོན་པའི་ཕྲེང་བ་ལས། ཡུལ་ལ་སྔ་བ་ཡར་ལུང་སོག་ཀ་བཏབ། །མཁར་ལ་སྔ་བ་ཕྱིང་བ་སྟག་རྩེ་བརྩེགས། །རྒྱལ་ལ་སྔ་བ་རྗེ་ཡི་གཉའ་ཁྲི་བཙུན། །གཤེན་ལ་སྔ་བ་ཅོའུ་མཚེ་མི་ཡིན། །ཞེས་པའི་སྐུ་མཁར་དང་པོ་ཕྱིང་བ་སྟག་རྩེ་ཞེས་པ་དེ་འཕྱོང་རྒྱས་རི་བོ་བདེ་ཆེན་དགོན་པ་ཆགས་སའི་རི་ཡི་རྩེ་ལྐོག་ལ་ཡོད་པ་གནའ་ཤུལ་ཞིབ་འཇུག་པ་འགས་ངོས་འཛིན་གནང་ཡོད་པ་དེ་ཡིན་པར་གྲགས། ས་གནས་དེར་མཁར་ཤུལ་རྙིང་པ་ཡང་ཡོད་པར་ཐོས། རྗེས་ནས་རྒྱལ་པོའི་སྐུ་མཁར་ཡུལ་བུ་བླ་མཁར་ལ་མར་སྤོས་པ་ཡིན་པ་འདྲ།བོད་ཡུལ་གནས་ཀྱི་ལམ་ཡིག་ལས། “དེ་ནས་མར་རྟ་སྒོ་ལ་རྒྱབ་རྟ་ཐོག་ཟེར་བའི་ཡུལ་ནས་གཙང་དུ་ཡོང་ལམ་གྱི་བྱང་རོང་མཚམས་ཀྱི་ལ། རྟ་ཕུའི་ཤེལ་དཀར་བྲག་ཟེར་བའི་ངོས་སུ་སྒྲུབ་ཕུག་མདའ་དོག་པོ་ཕུགས་ཡངས་ཤིང་གསལ་བའི་ངོ་མཚར་ཅན་ཡོད་པ་དེ་སེ་དཀར་སྟོན་པ་བཞུགས་པའི་གནས་ཕུག་ཆུང་ར་མོ་ཡང་ཡིན། གཡས་རུའི་འདུ་གནས་ཀྱི་ནང་ཚན་རྟ་ཕུ་དྲོན་ལྷས་ཟེར་བ་དེ་ཡིན་པ་ངོས་འཛིན་བྱེད་ཀྱི་འདུག”“དེ་ནས་གཡག་ར་ཞེས་པའི་ཡུལ་དང་ས་སྐྱར་ཡོང་ན། ས་སྐྱ་ཐོག་མར་ཆགས་པའི་གནས་དེ་རུ་ལག་གི་འདུ་གནས་གྲོམ་པ་ཁའུ་ཟེར་བ་དེ་ཡིན་ནོ། །དེ་ནས་མར་ལུང་པ་དེའི་མདོ་གཙང་པོའི་འགྲམ་གྱི་ལམ་ཁར་ལྕགས་འཕྲང་ཕུག་མོ་ཆེ་ཞེས་པ་དེ། མང་མཁར་ལྕགས་འཕྲང་ཞེས་སེ་བོན་ཤ་རི་དབུ་ཆེན། ལྕེ་ཚ་མཁར་བུ། གྱིམ་ཚ་རྨ་ཆུང་སོགས་ཀྱི་སྒྲུབ་ཕུག་ཡིན། གཞན་ཡང་གནས་དེ་དྲན་པ་ནམ་མཁའ་དང་སྟོང་རྒྱུང་སོགས་ཀྱི་བྱིན་གྱིས་བརླབས་ཤིང་། རུ་ལག་གི་འདུ་གནས་མང་མཁར་མདོ་ཕུག་ཞེས་པ་དེ་ཡིན་ནོ། །” མང་མཁར་ལྕགས་འཕྲང་ཞེས་པའི་བོན་གནས་དེར་མདོ་དང་ཕུགས་གཉིས་ཡོད་པ་མ་ཟད་སྒྲུབ་ཕུག་མང་ལ་ཁང་པའི་ཤིག་ཤུལ་རྣམས་གསལ་པོ་མཐོང་རྒྱུ་ཡོད། གནས་དེ་ནི་ང་ཚོས་དངོས་སུ་ངོས་འཛིན་ཐོབ་ཡོད་པས་དེ་ལ་སྐབས་འདིར་གསལ་བཤད་མི་དགོས་པ་ལྟ་བུ་སྣང་། མང་མཁར་མདོ་ནས་རི་ཡི་ཕར་ཕྱོགས་སུ་བལྟས་ན་ཕར་ཕྱོགས་རི་བོ་གཉིས་ཀྱི་འཕྲག་བར་ནས་རི་བོ་རྔམ་བརྗིད་ཅན་ཞིག་གི་རྩེ་མོ་སྨུག་ཐིང་ངེ་བ་ཞིག་མཐོང་རྒྱུ་ཡོད་པ་དེ་ནི་གཙང་གི་ལྷ་རྒོད་མདུང་རྩེ་ཞེས་པ་དེ་ཡིན་པར་ངོས་འཛིན་བྱེད་སྲོལ་འདུག་ཟེར།
གུས་པར་འོས་པའི་རྒན་གཙང་ཚ་བ། སྐུ་ཉིད་ནས་འདི་སྐོར་ལ་དོ་སྣང་དང་ཞིབ་འཇུག་གནང་བ་གུས་པ་ཡིད་ཀྱི་སྤྲོ་དགའ་རབ་ཏུ་འཕེལ། མ་འོངས་པར་མུ་མཐུད་འབད་འབུང་གནང་རོགས། བབཀྲ་ཤིས་བདེ་ལེགས། གྱེར་དྲུང་མུ།གཡུང་དྲུང་བོན་གྱི་མཆེད་ལྕམ་ཚོ། དེང་སང་ཡུམ་བུ་བླ་སྒང་་་ཟེར་བའི་ཕོ་བྲང་འདི་མི་ཕལ་ཆེ་བས་བོད་ཀྱི་རྒྱལ་པོའི་ཐོག་པ་གཉའ་ཁྲི་སོགས་ཀྱི་རྒྱལ་མཁར་ཡིན་པ་གླེང་གི་འདུག་བ། བོན་ཀྱི་གསང་སྔགས་སྤྱི་སྤུངས་ཀྱི་ལོ་རྒྱུས་ལྟར་ན་་་མཁར་ལ་སྔ་བ་ཕྱིང་བ་སྟག་རྩེ་་་བརྩིགས་ཅེས་པའི་ཕྱིང་བ་སྟག་རྩེའི་མཁར་ཤུལ་དེ་ག་བ་ངོས་འཛིན་བྱེད་དགོས་སམ། ཡོངས་འཛིན་རིན་པོ་ཆེ་མཆོག་ནས་ད་ལྟའི་ཡུམ་བུ་བླ་སྒང་ཞེས་པ་འདི་་་མཁར་ལ་སྔ་བ་ཕྱིང་བ་སྟག་རྩེ་ཞེས་པ་དེ་མ་རེད་གསུངས་བ་ཞིག་གོ་མྱོང། མཁར་ལ་སྔ་བ་ཕྱིང་བ་སྟག་རྩེའི་མཁར་ཤུལ་དེ་ས་གནས་གཞན་ཞིག་ཏུ་ཡོད་རབས་གསུངས་ཀྱང་རྨོང་པའི་དབང་གིས་བརྗེད་སོང་འདུག།སྤུན་གྲོགས་ཚོ། གད་ཀྱི་བྱི་བ་མཁར་་་དང་་་མང་མཁར་ལྕགས་འཕྲང་བོན་ཕུག་་་གནས་ས་འདི་གཉིས་ས་གནས་ག་བར་ངོས་འཛིན་དགོས་སམ། སྔོན་གྱི་ལོ་རྒྱུས་ནང་བོན་གཤེན་ཀུན་་་གད་ཀྱི་བྱི་བ་མཁར་་་དུ་ཚོགས་ནས་མ་འོངས་བསྟན་འགྲོའི་དོན་དུ་གལ་ཆེ་བའི་བཀའ་གྲོས་མཛད་པའི་ལོ་རྒྱུས་འདུག། གྱེར་ཆེན་དྲུང་མུ་ལགས་སློབ་སྟོན་གནང་བ་ཐུགས་རྗེ་ཆེ་གཙང་ཚས།རྟ་ཕུ་དྲོན་སླས་ནི་གཙང་རྒྱུད་རྟ་ནག་གི་ཕུ་དེ་ཤེད་ཅིག་ནས་ལ་ཞིག་བརྒལ་སར་ཡོད་སྐད་ཅིག་མཁས་གྲུབ་༧ཡོངས་འཛིན་རིན་པོ་ཆེ་མཆོག་གི་ཞལ་གསུངས་ལས་ཐོས། དེ་བཞིན་ཆུ་མགོ་རྡོ་རིང་དེའང་ག་ཤེད་ཅིག་ཏུ་ངོས་འཛིན་གནང་སོང་སྣང་ཞིག་འདུག་ཀྱང་བརྗེད་ངས་ཆོམ་པོས་འཕྲོག་སྟེ་མི་སྣང་། གང་ལྟར་དྲན་བསྐུལ་ཙམ་ཡིན། ཞིབ་པར་ནི་དྲིན་ཅན་བླ་མ་མཆོག་ལ་ཞུ་འབྲེལ་བྱེད་པ་གལ་ཆེ། གྱེར་དྲུང་མུ་ནས།ད་དུང་དབུས་རུ་བཅུ་གསུམ་ནང་ཚན།ངན་ལན་རལ་གསུམ།འཕན་ཡུལ་བྲག་དཀར་༼འདི་ལྷུན་གྲུབ་རྫོང་༽མལ་གྲོ་བ་རབ།༼མལ་གྲོ་གོང་དཀར་རྫོང་༽གནམ་གྱི་ར་གད།རེ་རྐྱང་ཤ་མཐའ།མཆོག་གངས་རྒྱལ་མོ།༼འདི་ལྷ་རི་རྫོང་གི་ཇོ་མོ་གངས་རྒྱལ་ཨི་ཡིན་དྲན༽གཡོན་རུ་བདུན་གྱི་ནང་ཚན།འོལ་ཀ་ཤུག་ཅིག གཡའ་ལུང་གངས་སར།ཟླུམ་ཤོད་ཐང་དཀར།མལ་གྲོ་མཚོ་ཤོད།གཡས་རུ་བརྒྱད་ཀྱི་ནང་ཚན།སྟ་ཕུ་དྲོན་ལྷས།རུ་ལག་དགུའི་ནང་ཚན།ཉང་སྟོད་སྟག་ཚལ།ཆུ་མགོ་རྡོ་རིང་།མཁར་ཆེན་བྲག་དཀར།གྲམ་པ་ཁའུ།རག་ཟ་ཐ་ཟླམ།ལྷ་ཡུལ་གྲ་ཐང་བཅས་ལ་ངོས་འཛིན་དང་ཤོད་རྒྱུན་སོགས་ཀྱི་ངོ་སྤྲོད་གནང་རོགས་ཞུ་གཙང་ཚ་ནས།ངོས་འཛིན་བྱེད་ཕྱོགས་མ་འདྲ་འདུག གཤེན་རབ་སྐུ་ཤུགས་ལྡེམ་དྲུག་ཟེར་བ་ཉིང་ཁྲི་རྫོང་རྙིང་པའི་མཁྲིས་ཀྱི་ད་ལྟའི་སྐུ་ཤུག་དགོན་པའི་ཤུགས་སྡོང་ཆེན་པོ་ལ་ཡངས་གྲགས་སུ་༼ཉི་ཁྲི་སྐུ་ཤུག་༽ཟེར་ད་ལྟའི་ཤུག་སྡོང་རྒྱལ་པོ་ཡོད་ས་འདི་བོན་རི་གནས་སྐོར་བ་རྣམས་ཀྱི་༼སྟག་ལའི་སྐུ་ཤུགས༽ཟེར་འདིར་ཤིང་སྡོང་མང་ལ་ཧ་ཅང་ཉམས་དགའ་ལ་གནས་དབེན་པ་ཞིག་རེད་ལུང་པ་འདི་སྤྱི་མིང་ལ་ཉང་ཡུལ་ཟེར་།དེར་བརྟེན་ཉང་ཡུལ་ཤིང་ནགས་ཟེར་ཞེས་གུས་པ་ཡང་རྒན་རབ་ཞལ་ཐོས་གང་ང་ཚོའི་རྟོགས་ཞིབ་འབྲས་བུ་སྨིན་པའི་ཁྱད་དུ་ད་དུང་ཞིབ་འཇུག་མཐར་ཕྱིན་པའི་གཏམ་གླིག་གི་དཔྱད་གཏམ་སྤེལ་རོགས་ཞུ།གཙང་ཚས།སྟོན་པའི་སྐུ་ཤུག་ཡོད་ས་འདི་ལ་"ཉང་ཡུལ་ཤིང་ནགས"ཞེས་པའི་བོན་གྱི་འདུ་འཚོགས་བྱེད་སའི་ས་གནས་དེར་ངོས་འཛིན་གནང་ན་ཏག་ཏག་ཅིག་བསྡད་ཀྱི་མེད་པའི་ཚོར་སྣང་བྱུང་། དེ་ཡང་། བྱམས་མ་ལས། དེའི་སྲས་མུ་ཁྲི་བཙན་པོས་བསླབ་པའི་དོན་གོ། བསྒྲུབས་པའི་དོན་གྲུབ། བསྒོམས་པའི་དོན་རྟོགས་ནས་སྟག་གཟིག་ལ་སོགས་འཛམ་བུ་གླིང་གི་ལོ་ཙའ་བསྒྱུར། ཞང་ཞུང་ནས་མཁས་པ་ཆེན་པོ་བརྒྱ་དང་རྩ་བརྒྱད་གདན་དྲངས། བོད་དུ་བོན་གྱི་འདུ་གནས་ཆེན་པོ་སུམ་ཅུ་རྩ་བདུན་བཙུགས། ཞེས་ལུང་དུ་གསལ་བའི་ནང་གི་འདུ་གནས་སུམ་ཅུ་རྩ་བདུན་གྱི་ནང་ཚན་ཏེ"ཉང་ཡུལ་ཤིང་ནགས་བོན་གྱི་འདུ་འཚོགས་གནས།" ཞེས་པའི་འདུ་གནས་དེ་ནི་དེང་དུས་ཡུལ་སྐོར་བ་རྣམས་ཀྱིས་ལྗོངས་རྒྱུ་བྱེད་ས་སྟེ་ཀོང་པོ་"བྲག་གསུམ་མཚོ"། ཞེས་པའི་ས་གནས་དེ་ལ་རྒན་རབས་རྣམས་ཀྱིས་ངོས་འཛིན་གནང་གིན་འདུག མཚོ་དེ་ནི་ཕལ་ཆེར་ཉང་ཆུའི་འགོ་ཁུངས་ཡིན་པ་འདྲ་ལ་མ་ཟད་བོན་གྱི་"བྱམས་མའི་ལུང་"དེས་གནས་དེ་ནི་ནགས་ཚལ་སྟུག་པོས་བརྒྱན་པའི་ལུང་པ་ཞིག་ཡོད་པར་ངོས་འཛིན་གནང་ཡོད། དེ་ཡང་ཡིན་དགོས་ཏེ་བོན་གཤེན་དེ་རྣམས་ཀྱིས་སྐབས་དེ་དུས་བོན་གྱི་འདུ་འཚོགས་བྱེད་སའི་ས་གནས་རྣམས་ཡིད་འོངས་ཉམས་དགའ་བལྟ་ན་ལྡུག་པ་དང་། ཁ་ཁུ་སིམ་པའི་དབེན་གནས་རྐྱང་པ་བདམས་ཏེ་ཕན་ཚུན་གདམས་ངག་ཞུ་ལེན་དང་། ཉམས་ལེན་གནང་ནས་ཚོགས་གྱི་དགའ་སྟོན་འགྱེད་ཀྱིན་ཡོད་པ་མ་ཟད་མ་འོངས་པའི་མདུན་གྲོས་བཤམས་ཀྱི་ཡོད་པའི་ཚུལ་རྣམས་ལོ་རྒྱུས་ལ་བལྟས་ན་མཁྱེན་ཐུབ། ཡིན་ནའང་ཕྲན་"ཀོང་པོ་བྲག་གསུམ་མཚོ"ཞེས་པའི་ས་གནས་དེར་འགྲོ་མྱོང་མེད་པས། ཉང་ཆུའི་ཆུ་འགོ་ག་བར་ཐུག་ཡོད་མེད་དང་། ལུང་པ་དེ་ཉང་ཡུལ་ཡིན་མིན་སོགས་གསལ་པོ་ཞིག་ཞུ་ཤེས་མ་སོང་།ལྷ་ཤིང་ཤུག་པ་ནི་བོན་པོའི་ལོ་རྒྱུས་ལ་བསམ་ན་ཤིན་ཏུ་གལ་ཆེ་བའི་ཤིང་རིགས་ཤིག་རེད། ཀོང་པོའི་ཡུལ་དུ་སྟོན་པ་གཤེན་རབ་ཀྱི་སྐུ་ཤུག་དངོས་སུ་བཞུགས་པ་འདི་ནི་ངོ་མཚར་ཆེ་ལ་སྐུ་ཤུག་འདི་ཡི་ཤུག་ལྡིས་ས་བོན་གང་མཚམས་ཤིག་ས་ཆ་གཞན་ལའང་འདེབས་དགོས་པ་གལ་ཆེན་པོ་རེད། བྱུང་ན་བོད་ཡུལ་གྱི་དགོན་པ་རེ་རེའི་མདུན་དུ་སྐུ་ཤུག་འདི་ལས་མཆེད་པའི་ཤུག་སྡོང་མང་ཙམ་འདེབས་ཐུབ་ན་བོན་བསྟན་རྒྱས་པའི་བཀྲ་ཤིས་དགེ་མཚན་ཆེ།
དངོས་གནས་ལོ་རྒྱུས་ཀྱིས་ཁ་གྲགས་ཡོང་དུས་ད་དུང་གཡག་ཞར་འགའ་རེས་ཕྱོགས་རྩྭ་ཟ་བཞིན་པ་ནི་ཡིད་རེ་སྐྱོ།yཡོངས་གྲགས་སུ་གཤེན་རབ་སྐུ་ཤུག་ཟེར་བ་དེ་རེད་ལགས།དངོས་གནས་ཡག་པོ་འདུག
འདི་ནི་འདུ་གནས་སོ་བདུན་གྱི་ནང་ཚན་གཡོན་རུ་བདུན་གྱི་གཉིས་པ་༼ཉང་ཡུལ་ཤིང་ནགས་བོན་གྱི་འདུ་གནས་༽ཟེར་བདེ་ཡིན་པར་འདུག་གོ་གཙང་ཚ་ནས།