| 2012/9/11 17:37:00རྒྱལ་སྤྱིའི་བོད་རིག་པའི་མཁས་དབང་མཁར་རྨེའུ་བསམ་གཏན་ལགས་ནས་སྐབས་དང་བོའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ༼མུ་ཁྲི་བཙན་པོ༽རྩོམ་རིག་བྱ་དགའ་དང་ཞང་ཞུང་སྨར་ཡིག་གི་མཉེན་ཆས་འགྲེམ་སྤེལ་གྱི་ཚོགས་འདུ་འཚོགས་པ་ལ་བསྐུར་གནང་བའི་བཀྲ་ཤིས་རྟེན་འབྲེལ་གྱི་ཤིས་ཚིག
སྐུ་ཞབས་ལྷན་རྒྱས་རྣམ་པར།
དགའ་དད་མོས་གསུམ་དང་བཅས་ཏེ་གསོལ་བ།
འདིར་དགེ་བཤེས་རིན་སྤུངས་ཚུལ་བསྟན་ལགས་ཀྱིས་དཀའ་བ་བརྒྱ་ཕྲག་དང་དུ་བླངས་ནས་བོད་མིའི་ཤེས་རིག་གི་ཁུངས་བོད་ཀྱི་སྐད་ཡིག་ཐོག་དང་ཁྱད་པར་དུ་བོད་ཀྱི་རིག་གཞུང་གི་མ་ལག་བོན་དང་འབྲེལ་བའི་དུས་དེབ་མུ་ཁྲི་བཙན་པོ་ད་བར་འདོན་ཐེངས་ལྔ་བསྐྲུན་ཡོད་པ་ནི་ཞེ་ཐག་པ་ནས་རྗེས་སུ་ཡི་རངས་ཞུ་འོེས་པ་ཞིག་ཡིན། དུས་དེབ་འདི་ཚོའི་ནང་བོད་ཀྱི་རིག་གཞུང་ ལོ་རྒྱུས་ ཆོས་ལུགས་ བརྡ་སྤྲོད་རིག་པ་དང་མི་རིགས་རིག་པ་བཅས་ཀྱི་དཔྱད་རྩ་ོམ་ཁག་བརྗོད་བྱ་དང་བརྗོད་བྱེད་གཉིས་ཀའི་ཐོག་ནས་འབྲེལ་ཆགས་པ་དང་ནང་དོན་ཕུན་སུམ་ཚོགས་པོར་ཡོད་པ་ཞུ་མ་དགོས། ལྷག་པར་དུ་དཔྱད་རྩོམ་ཁག་ནས་ད་ལམ་རྩོམ་རིག་འགའ་ཤས་ལ་བྱ་དགའ་འབུལ་འོས་པ་དག་ནི་དུས་རབས་གསར་བའི་ཞིབ་འཇུག་གི་འགྲོས་དང་མཐུན་པ་ཞིག་འདུག། དེ་ཡང་དོན་དང་འབྲེལ་བའི་དགོངས་འཆར་གསར་པ་བཏོན་ཡོད་པར་མ་ཟད་མ་འོང་པར་བོད་ཀྱི་རིག་གཞུང་གི་མ་གཞི་བསྲ་བརྟན་ཏུ་འགྲོ་བར་ཞལ་འདེབས་ཀྱི་ལག་རྗེས་ཀྱང་འཇོག་པའི་ནུས་པ་ཡོད་པ་བཅས་རེད། དེར་བརྟེན་མ་འོང་པར་དུས་དེབ་འདི་བརྒྱུད་ནས་བོད་ཀྱི་རྩོམ་རིག་འཕེལ་རྒྱས་ཡོང་བར་ཡིད་སྨོན་དང་བཅས་གུས་པ་མཁར་རྨེའུ་བསམ་གཏན་གྱིས་སྤྱི་ལོ་༢༠༡༢ ཟླ་བ་༨ཚེས་༢༡ ལ་ཕུལ།
- ཟིན་ཐོ་གོང་མ།བོད་ཡིག་མཉེན་ཆས་གླིང་གི་ཞང་ཞུང་སྨར་གྱི་ཡིག་མཛོད།
- ཟིན་ཐོ་འོག་མ།༣༧༥ཐད་གཏོང་ཁང་གི་བཅར་འདྲི་ཞིག
མ་འོངས་བར་འདི་ལྟ་བུ་ལྗགས་རྩོམ་མང་པོས་ང་མུ་མཐུད་དུ་བསུ་དགོས་
ཁ་མིན་སེམས་ཀྱི་གཏིང་ནས་གཙོ་སྒྲུབ་པ་དང་། མཁས་དབང་རྣམ་ལ་བཀའ་དྲིན་ལན་བརྒྱར་ཞུ་བ་ཡིན། ཁྱེད་ཚོའི་མཛད་ཕྲིན་ཡར་ངོས་ཟླ་བཞིན་འཕེལ་བའི་སྨོན་འདུན་ཞུ་ཞུ། །
ལྷ་གཡག་དར་མས།
རྒན་ལགས་ཀྱིས་བསྟན་པ་སྤྱི་ཡི་བྱ་བའི་རིགས་་ལ་འབད་པ་ངལ་མེད་མཛད་པ་ཁོ་བོས་སྙིང་ཐག་པ་ནས་ཐུགས་རྗེ་ཆེ་ཞུ། །