རིན་སྤུངས་པའི་གདན་ས།
སྤྱི་བསྒྲགས།
ཧི་མ་ལ་ཡའི་བོན་དྲ་བའི་ཡན་ལག་ཧི་བོན་ཟིན་བྲིས་ལ་གནས་ཚུལ་གང་ཡོད་འབྲེལ་བ་བྱོས། ཚང་མར་བཀྲ་ཤིས་བདེ་ལེགས།
ལི་ཐོ།
ཆེད་སྒྲིག་རྣམ་དབྱེ།
པར་མཛོད།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
ནང་འཇུག
དྲ་གྲོགས།
སྦྲེལ་མཐུད།
ཟིན་བྲིས་ཆ་འཕྲིན།
བོན་པོ་ནང་བ་མ་རེད་ཅེས་པའི་བརྙན་གཟུགས་ཤིག | 2011/9/18 17:02:00
3
མདོ་ཁམས་ཡུལ་གྱི་འཇང་དགུན་ཆོས་ཚོགས་དུས་སུ་དགེ་བཤེས་འགའ་ཞིག་གིས་དམངས་ཚོགས་ལ་ནང་ཆོས་ངོ་སྤྲོད་བྱེད་སྐབས་སུ་སེར་བྱེས་ལྷ་རམས་པ་ཡིན་ཟེར་མཁན་ཞིག་གིས་ནང་ཆོས་ངོ་སྤྲོད་བྱེད་སྐབས་སུ་བོད་ཀྱི་གྲུབ་མཐའ་དག་ལས་བོན་པོའི་གྲུབ་མཐའ་དེ་ནང་བ་མ་རེད་ཅེས་ཟེར་གི་འདུག་པས། བརྙན་གཟུགས་འདི་ཆེད་དུ་གུས་པའི་ཟིན་བྲིས་སུ་བཀོད་པ་ཡིན་པས་འདིའི་ཐད་ལ་བགྲོ་གླེང་དང་དགག་ལན་ནམ་རྩོད་ལན་རེ་དགོས་གལ་ཆེ་སྙམ་པས་རེ་བ་བྱེད་ཀི་ཡོད་ལ། བཀའ་རབ་འབྱམས་པ་དགེ་བའི་བཤེས་གཉེན་རྣམས་གཙོས་པས་བོན་གྱི་མཁས་གྲུབ་དག་ནས་གཟིགས་གནང་བར་ཞུ་ཞུ།
རྩོམ་པ་པོ།:རིན་སྤུངས། | བལྟ་ཀློག(611) | ལན་སློག(12) |གནད་དོན་ཡར་ཞུ | འདྲེན་བཀོལ་སྤྱི་བསྒྲགས(0) | རྩོམ་སྒྲིག
- ཟིན་ཐོ་གོང་མ།ཕིང་ཝུང་རྫོང་གི་བོན་དང་འབྲེལ་བའི་དགོན་རྙིང་པའོ་ཨེན་དགོན།
- ཟིན་ཐོ་འོག་མ།ཤར་རྫའི་སྐུ་ང་འདྲ་མ།
བོན་ཆོས་ནི་ནང་ཆོས་ཡིན་ན་ཅི་ཕྱིར་བོད་ཀྱི་ནང་ཆོས་རྒྱ་གར་ནས་དར་བ་རེད།u/TDMB/archives/2011/1129.htmlཁྱུང་པོའི་ཕོ་རྒོད་དཔལ་རྒྱལ་གྱི་ཟིན་བྲིས་སུ་ཕེབས་ན་འདིའི་སྐོར་ཅུང་ཟད་འདུག
དགེ་བཤེས་ཉི་མ་ཕུན་ཚོགས་ཀྱི་ཁ་པར་ཨང་གྲངས་ནི་༡༣༨༨༩༠༠༧༨༢༧རེད་འདུག་པས་རྒྱུ་མཚན་དང་ལྡན་པའི་སྒོ་ནས་གནས་ལུགས་བཤད་རྒྱུར་བརྩོནད་དང་། ང་ཚོའི་བདེན་དོན་བརྡར་ཤིག་ཀྱེ།
དགེ་བཤེས་དེས་ནང་པ་བ་ཡིན་ན། ནང་པ་སངས་རྒྱས་པ་ཡིན་པའི་ཁྱབ་པ་ཁས་ལེན་གྱི་ཡོད་པའི་དབང་དུ་བྱས་ན། བཤད་སྟང་དེ་འཁྲུལ་སོང་བ་རེད། གལ་སྲིད་ནང་པ་དང་ནང་པ་སངས་རྒྱས་པ་གཉིས་ཀྱི་བར་དུ་ཧེ་བག་ཞིག་ཡོད་པར་གླེང་གི་ཡོད་ན་ཡང་ཁོང་གི་འདོད་ཚུལ་དེ་མ་ཤེས་བར་དུུ་བདག་གིས་གཏམ་བཤད་དེ་ངོས་འཛིན་ག་འདྲ་ཞིག་གནང་དགོས་ཤེས་ཀྱི་མི་འདུགདགེ་བཤེས་དེ་ལ་ཉི་མ་ཕུན་ཚོགས་ཟེར། ཡིན་ནའང་ལབ་སྟངས་དེ་མཐོང་དུས་མུན་པ་སྟུག་པོ་ཟེར་ན་འཚམ་པོ་འདུག མཁས་འདོད་ཆེན་པོས་ཁ་ནས་ས་ལབ་རྡོ་ལབ་མང་དུ་ཐོན་སོང་། མཐར་བསྟན་པ་འཛིན་མཁན་མིན་ལ་བསྟན་པ་བཤིག་མཁན་རྣལ་མ་ཞིག་ཡིན་པའི་སྒྲུབ་བྱེད་ཁ་མ་དགེ་བ་དེ་ག་རང་ནས་ཐོན་སོང་། མི་རིགས་ནང་གི་འདུ་ཤེས་དང་མཐུན་སྒྲིལ་སྣང་མེད་དུ་འཇོག་བཞིན་པ་ཙམ་དུ་མ་ཟད་བོད་མི་རིགས་རང་གི་ཆོས་དང་རིག་གནས་གོམས་གཤིས་སོགས་ངོ་མ་མི་རིགས་འདིའི་ཚབ་བྱེད་ངོ་མ་གནང་ཐུབ་པའི་གཡུང་དྲུང་གི་བོན་རིན་པོ་ཆེ་ལ་བསྟན་དགྲ་དེས་སྨ་འབེབས་པར་བྱས་འདུག དེ་ནི་ཨ་ཕ་བསད་ནས་དཔའ་བོ་ཡིན་མདོག་ཁག་པོའིགཏམ་ངན་རང་རེད། ཁོ་ཁྲི་མཐོན་པོ་ཞིག་གི་སྟེང་ནས་གོ་སྐབས་སྤྱད་ཏེ་ཐན་སྐད་སྒྲོག་གྱིན། ཆོས་ཕྱི་ནང་གི་དབྱེ་བ་ཙམ་ཡང་མི་ཤེས་པའི་བོང་བུ་གཟིག་གི་པགས་པས་གཡོག་པ་དེ་རེད། ཁོ་བོས་བསྟན་དགྲ་དེའི་ཁ་པར་ཨང་གྲངས་དེ་འཚོལ་བཞིན་པ་ཡིན། ཁྱེད་རྣམ་པས་སུས་རག་ན་དྲྭ་ཐོག་ཏུ་འཇོག་རོགས་གནང་། རང་རེ་ཀུན་ལ་མཁོ་བར་སྙམ། ངོ་མ་དེང་རབས་དུས་དང་འཚམ་པའི་བརྡ་འཕྲིན་ལམ་ནས་བདེན་དོན་གྱི་བརྡར་ཤ་ཡང་ནས་ཡང་དུ་བཅད་ནས་ཁོ་ཐེ་བའི་བསྟན་བཤིག་དག་གི་ངན་མཚང་ཕྱི་རུ་འདོན་དགོས་འདོན་ཕོད་པ་དགོས།
ལྷག་པར་བཀའ་རབ་འབྱམས་པ་དགེ་བའི་བཤེས་གཉེན་དག་གིས་གནས་ལུགས་དང་བདེན་དོན་ལམ་ནས་ཤུགས་རྒྱག་དགོས་འདུག་པ་
བཅས་གལ་པོ་ཆེ་ལ་ནན་ཏན་གྱིས་ཞུ་བ་ཡིན། དམིགས་སུ་བཀར་ནས་མཁར་ནག་རིན་པོ་ཆེ་དང་རིན་སྤུངས་ལགས་རྣམ་གཉིས་ནས་བསྟན་དོན་ལ་སྨན་པའི་སྐུ་ལས་ཚད་མེད་བསྐྱངས་པ་ལ་སྙིང་དབུས་ནས་ཐུགས་རྗེ་ལན་བརྒྱ་ཞུ་བ་ཡིན།
ཁྱུང་འཚོ་བྱེད་ཟླ་འོད་འབོད་པས།
ཁྲི་མཐོ་པོའི་རྩེར་འགྱིང་བའི་དགེ་བཤེས་མིང་ཅན་དེས་མི་མང་རྣམས་ལ་དགེ་སྡིག་སྤོང་བླང་སྐོར་བཤད་དགོས་པ་འོས་སུ་བབ་ཀྱང་སྐབས་དེར་བོན་གྱི་སྐོར་ལ་འཕྲོས་དགོས་དོན་གང་ཡིན་ནམ། གལ་སྲིད་བོན་གྱི་སྐོར་བཤད་དགོས་ཡོད་ནའང་ཕྱི་ནང་གི་དབྱེ་འབྱེད་བྱེད་དགོས་དོན་གང་ཡིན་ནམ། གལ་སྲིད་ཕྱི་ནང་གི་དབྱེ་འབྱེད་བྱེད་ཀྱིན་ཡོད་ནའང་ཁ་ནས་ཚིག་ཐོན་མ་ཐག་ཕྱོགས་མེད་རིས་མེད་ཟེར་ནས་ཆོས་པ་རྣམ་དག་དགོས་ལུགས་བཤད་པ་དེའི་དོན་ག་བར་ཕྱིན་པ་ཡིན་ནམ། མདོར་ན་བདག་མེད་བདེན་མེད་སྟོང་པ་ཉིད་སོགས་ལབ་སྟེ་བགྲེས་པོ་མ་ཆགས་བར་མི་ཚེ་ཆོས་ལ་སྤྱོད་ཀྱང་རུང་། སློབ་སྦྱོང་བྱས་ཀྱང་རུང་། ཁྲི་ལ་འཛེགས་ཀྱང་རུང་། མིང་ཆེན་ཐོད་དུ་བཅིངས་ཀྱང་རུང་། བདག་འཛིན་དང་ཕྱོགས་འཛིན་གྱི་དུག་ཆུ་ནག་པོའི་ཟིལ་པ་དེ་ཤ་རུས་གདུང་རྒྱུད་གཅིག་པའི་སྤུན་ཟླ་རྣམས་ལ་འཐོར་བཞིན་པའི་ཚུལ་དེ་ཁོ་བོས་མཐོང་མ་ཐག་དགེ་བཤེས་དེ་ནི་ཐ་མལ་བའི་དགེ་སྦྱོར་དཀྱུས་མ་བྱེད་མཁན་ཞིག་གི་གོང་ཐང་ཡང་འཇོག་མི་ཐུབ་པར་གྱུར་སོང་། ཡང་་་སངས་རྒྱས་ཀྱིས་འགྲོ་དོན་ལ་གཏོང་ཡོང་བའི་སྤྲུལ་སྐུ་འདྲ་ཡིན་ན་ནི་མཐོལ་ལོ་བཤགས།དེང་གི་དུས་འདིར་གླེང་མོལ་འདི་ལྟ་བུ་ནི་སྤུན་ཟླ་ཁ ་བྲལ་གཏོང་བའི་རྒྱུ་དང་།བོད་པ་འགལ་འཁྲུག་སློང་བའི་རྒྱུ་ཁོ་ན་ཙམ་ལས་ཅི་ཡང་མེད།དགེ་བཤེས་འདི་ལྟ་བུ་ང་ཚོར་མི་མཁོ འོ །སྤྱིར་བོན་ནང་པ་མ་རེད་ཟེར་ན་འགྲིག་གི ནང་པ་ནི་ཁོ་ཚོའི་བཤད་བཞིན་པའི་རྒྱ་གར་གྱི་ཆོས་ལུགས་ལ་གོ་ཡི་ཡོད་པ་རེད། བོན་ནི་རྒྱ་གར་གྱི་ཆོས་ལུགས་མ་ཡིན་པར་བོད་རང་གི་ས་ནས་ས་སྐྱེས་རྡོ་སྐྱེས་བྱས་པའི་ཆོས་ལུགས་ཤིག་རེད།
ཆོས་སྲིད་ཀྱི་འགལ་འཁྲུག་མང་པོ་ཞིག་བརྒྱུད་ནས་བོན་ལ་ཆོས་ཀྱི་ཤན་ཞུགས།ཆོས་ལ་བོན་གྱི་ཤན་ཞུགས།མཇུག་མཐར་རྩོད་ཉོག་འདི་ལྟ་བུ་བྱུང་བ་རེད། དེ་ཡིན་ན་ཡིན་གི་ཆུག ང་ཚོ་ཚང་མ་བོད་པ་རེད ། དམིགས་ཡུལ་གཅིག་ལས་ཡོད་མ་རེད།
དགེ་བཤེས་འདི་ཚོས་བོན་གྱི་གྲུབ་མཐའ་འདི་ཉིད་ཐར་པའི་ལམ་སྒོ་འཕྱེ་བའི་གཞི་ལམ་འབྲས་གསུམ་གྱི་རྣམ་བཞག་མེད་པའི་གྲུབ་མཐའ་ཞིག་རེད་ཟེར་གྱི་ཡོད་ན། ཁོང་རྣམ་པས་ལོ་མང་རིང་ཕྱག་དཔེ་གཟིགས་པའི་དོན་གོ་ཆོད་མི་འདུག་ལ། དེ་བཞིན་མི་རིགས་ཁ་བྲལ། གྲུབ་མཐའི་བར་ལ་འགལ་ཟླ་བཟོ་བ་སོགས་ཀྱི་རྒྱུ་རྩོམ་བཞིན་པ་ནི་“དགེ་བཤེས་བོང་བུའི་ལུས་སྐྱེས་”པའི་ལོ་རྒྱུས་ཀྱི་རྗེས་སུ་འབྲང་རྒྱུ་མ་འདས་པས། འདིའི་རིགས་ལ་གོ་བརྡ་སྤྲོད་ཀྱང་ཉན་འཇོག་ཤེས་ཡ་ཁག་པོ་རེད། རྒྱུ་མཚན་ནི། རྒྱལ་བ་ཤཀྱ་ཐུབ་པས་གསུངས་བཞག་པའི་བཀའ་དྲི་མ་མེད་པ་དང་། དེ་དག་ཉམས་ལེན་གནང་ཞིང་གྲུབ་པའི་གོ་འཕངས་རྙེས་པའི་ཆོས་ཕྱོགས་ཀྱི་མཁས་གྲུབ་སྐྱེས་ཆེན་དུ་མའི་བསྟན་འགྱུར་བསམ་གྱི་མི་ཁྱབ་དེ་དག་ལོ་མང་རིང་བལྟས་ཀྱང་ད་དུང་རང་རྒྱུད་ཀྱི་ཆགས་སྡང་རྨོངས་གསུམ་གྱི་མགོ་བོ་དམའ་རུ་གཏོང་མ་ཐུབ་ན་བན་བོན་བར་གྱི་དགག་བཞག་བྱས་པ་ཙམ་གྱིས་ཕན་ཐོག་རྒྱུ་ཁག་པོ་རེད། དེས་ན་མཁས་པའི་ལེགས་བཤད་སྨན་ཡིན་ཡང་། རྨོངས་པ་འགའ་ལ་དུག་ཏུ་འགྱུར་བའི་དཔེ་བཞིན་སྙིང་རྗེ་ཟེར་རྒྱུ་ལས་མེད། ཡིན་ནའང་གནས་ལུགས་རྒྱུ་མཚན་གཞན་ཞིག་སྟེ། ཁོང་གིས་བཅོམ་ལྡན་འདས་ཀྱིས་གསུངས་པའི་ཆོས་བདེན་པ་བཞི་སོགས་ཀྱིས་མཚོན་པའི་ལེགས་སྦྱར་སྐད་དུ་དྷརྨ་མའང་བོད་གངས་ཅན་པའི་སྐད་དུ་ཆོས་ཞེས་སྨྲ་བའི་ཤཀ་ཐུབ་ཀྱི་གྲུབ་མཐའི་ནང་ཚན་གྱི་ནང་པའི་གྲུབ་མཐའ་མ་རེད་ཟེར་གྱི་ཡོད་ན་སྒོ་ཀུན་ནས་འདོད་དོ། དེས་ན་མཁྱེན་ཡངས་རྣམས་ཀྱིས་ལེགས་པར་བརྟག་ནས་རྩོད་དང་རྩོད་སྤང་གནང་ན་དགེ་མཚན་ཆེ་ཞེས་ཞུ་བའོ།། །།དྲྭ་གྲོགས་ཚོ་ཡ་དྲྭ་གྲོགས་ཚོ། བདག་གིས་བརྙན་རིས་མཐོང་ཐུབ་ཀྱི་མི་འདུག་མོད། གལ་ཏེ་བོན་པོ་ནང་པ་མ་རེད་ཟེར་ན་ཉན་ཁ་ག་རེ་འདུག གལ་ཏེ་བོན་པོ་ནང་པ་ཡིན་ཟེར་ན་དགེ་མཚན་ག་རེ་འདུག རྒྱུ་མཚན་དང་གནས་ལུགས་ཡོད་མེད་ལ་གཞིགས་ཨེ་མྱོང་བདག་གི་སྤུན་གྲོགས་ཚོ། བོན་པོ་ནང་པ་མ་རེད་ཟེར་ན་བོན་ལུགས་ལ་སྐྱོན་ཅི་ཡང་མི་འབྱུང་སྟེ་མ་གཞི་ནས་ནང་པ་ཞེས་པའི་ཐ་སྙད་དེ་གནའ་རབས་རྒྱ་གར་དུ་སྣ་མང་གྲུབ་མཐའི་ཁྲོད་ནས་ལྟོས་བཅས་ཀྱིས་གདག་པའི་སྐབས་དེའི་གསར་བྱུང་གི་བཏགས་མིང་ཙམ་རེད་འདུག་ན། ནང་པ་ཞེས་པའི་མིང་འདིས་བསླུས་ཤིང་བྲིད་པའི་སྐྱེས་བུ་དག་ལ་འདི་སྐད་ཞུ་སྟེ། སངས་རྒྱས་པའི་ལུགས་ཤིག་ཡིན་ན་ནང་པར་འབོད་དགོས་པའི་བཀའ་བཅས་སྲིད་ན་མེད་པར་མ་ཟད་ནང་པར་གདགས་དུས་སངས་རྒྱས་པའི་ལུགས་ཞིག་ཡིན་པའི་ངེས་པ་ཁྱུ་ནས་མེད་དེ་ཡེ་ཤུ་བ་ལ་མཚོན་ན་སངས་རྒྱས་པ་ཕྱི་བ་དང་ཡེ་ཤུ་རང་རང་ཉིད་དང་དེར་འཇུག་པའི་གང་ཟག་མཐའ་དག་ནང་པ་མིན་པའི་གཏན་ཚིགས་སུ་ཡིས་རྙེད། གལ་ཏེ་ཡོད་པའི་དབང་དུ་གཏང་ན་ཡེ་ཤུ་ལས་གྱེས་པའི་ནང་པ་ཞིག་ལས་གང་དུ་དམིགས་ཨང་། དེ་ཕྱིར་གཡུང་དྲུང་སྤུན་གྲོགས་སུ་འཆེས་པའི་དྲྭ་གྲོགས་དག་གིས་བྲེལ་འཚུབས་མ་མཛོད་དེ་བདེན་པ་དང་གནས་ལུགས་ཀྱིས་ང་ཚོ་དུས་གཏན་དུས་མགོ་སྐོར་གཏོང་སྲིད་ཀི་མ་རེད། བདག་གིས་བསམ་ན་བོན་པོ་ནང་པ་མི་ཡིན་དེ་བོན་པོ་རང་ཉིད་ལ་མཚོན་ན་དོན་དག་ལྷག་མ་ཞིག་དང་སྐད་ཆ་འཕྲོ་མ་ཞིག་ལས་ཅི་ཡང་མ་འཐོང་ངོ། བོན་པོ་ནང་པ་ཡིན་པའི་དགེ་མཚན་གྱིས་བོན་བསྟན་མཐའ་ནས་རྒྱས་པའི་སྟ་གོན་མི་བྱ་ཞིང་བོན་པོ་ནང་པ་མིན་པའི་རྐྱེན་ངན་གྱིས་བོན་པོར་ལྟ་སྤྱོད་མཐའ་ཐུག་མེད་པའི་རྒྱུ་མཚན་བླ་ན་མེད་དོ། གོང་ན་ཡང་མེད་དོ། དེ་བས་ང་ཚོས་མི་ངོ་ཤེས་ཏེ་རང་ངོ་མ་ཤེས་པའི་གནས་ཚུལ་འདི་ཐབས་རྡུག་དངལྷག་ཏུ་མེས་པོ་ག་གེ་མོའི་ལུགས་དང་སྲོལ་དང་གདག་ལ་དགའ་བའི་མི་དེ་ཚོས་ངེས་ཅན་གྱིས་རང་ལམ་བཙལ་ཤེས་པ་དང་རང་ལམ་འཚོ་ཤེས་པ་ནི་གནད་ཀྱི་དམ་པར་སེམས་སོ།ཡ་བྲང་གཡུ་འབྲུག་ཚེ་རིང་གིས།
དགེ་བཤེས་དེས་བོད་དུམ་བུར་གཏང་རྒྱུའི་བསླབ་བྱ་ཡག་པོ་ཞིག་བསྐྱོན་གི་འདུག མི་རིགས་ཁ་འབྲལ་ཡོང་བའི་སྨོན་ལམ་ཡོད། སེ་འབྲས་དགའ་གསུམ་གྱིས་དེ་འདྲའི་དགེ་བཤེས་མང་ཙམ་བཏང་ན་ཨ་ཞང་ཚང་གི་འདོད་དོན་མགྱོགས་པོར་འགྲུབ་ངེས་རེད། ཤུགས་རྒྱོབས། མདའ་གྲི་མདུང་གསུམ་གྱི་རྣོ་ཁ་ནང་དུ་སྐོརད།
གཡུང་དྲུང་བོན་གྱི་བཀའ་རབ་འབྱམས་པ་དགེ་བའི་བཤེས་གཉེན་རྣམས་གཙོས་པའི་བོན་གྱི་རིག་གཞུང་ལ་ཞིབ་འཇུག་གནང་དང་གནང་བཞིན་པའི་བློ་གཟུ་བོར་གནས་པའི་ཤེས་ཡོན་པ་དག་ནས་ལྷ་རམས་འདི་ལ་བོན་པོ་འདི་འདི་ནང་པ་ཡིན་མིན་སྐོར་ལ་ངེས་པར་དུ་ངོ་སྤྲོད་ཞིག་ཅི་ནས་ཀྱང་རེམས་རོགས།
ལྷ་རམས་པའི་མིང་ཆེན་ཁུར་མཁན་དེས་ཚིག་སྔ་ཕྱི་བསམ་གཞིགས་བྱེད་མི་ཐུབ་ཀི དང་པོ་ཁོས་ཟེར་ན་ཆོས་ཉམས་སུ་ལེན་དུས་ཕན་ཚུན་ཕྲག་དོག་མི་ཉན་ཞེས་དང་། གཉིས་པ་ཆོས་ལུགས་ཕན་ཚུན་ཁ་གཏོང་མི་ཉན་ཞེས་ཟེར་བཞིན་ང་ཚོ་བོད་གངས་ཅན་པའི་ལྗོངས་འདི་ན་བོན་པོའི་ཆོས་ལུགས་ནི་ནང་པ་སངས་རྒྱས་མ་རེད་ཅེས་བསླབ་བྱ་འདི་ལྟ་བུ་ཇི་འདྲའི་སྐྱུག་བྲོ་བ་ཞིག་ཅི་ལ་མིན། ལྷ་རམ་ཁོང་འདི་ལྟ་བུ་མགོ་རྨོངས་དུས་དེར་འདུས་ཀྱི་མང་ཚོགས་དག་ནི་དེ་བས་ཀྱང་ངོ།
སྙིང་རྗེ་སྙིང་རྗེ།
ལྷ་གཡག་དར་མས།
གློག་བརྙན་ལ་བལྟ་ཐབས་མི་འདུག་མོད།༼བོད་ཀྱི་གྲུབ་མཐའ་དག་ལས་བོན་པོའི་གྲུབ་མཐའ་དེ་བོན་པོ་མ་རེད་ཅེས་ཟེར་གི་འདུག་༽ ཧ་ཧ་ཧ་་་་གྲོགས་པོ་ལགས་དེ་བདེན་པ་རེད་མོ།འོ་ན་་ཁྱོད་ཀྱིས་བོན་པོའི་གྲུབ་མཐའ་དེ་བོན་པོ་རེད་ཅེས་སྒྲུབ་རྒྱུ་ཡིན་ནམ།
