ལག་གཡུག
རྐངརྗེན།
ཐ་མག་རྐང་གཅིག་ལ་མེ་རུ་བསྒྲོན་ཏེ།
ཁེར་རྐྱང་གི་སེམས་སྒྲར་ཉན་དུས།
རྡུལ་གྱི་རིམ་པར་འཐིམ་ཟིན་པའི་མེ་ཏོག་རྐང་གཅིག་པོ་དེས།
ངང་གིས་གསིག་པའི་འདབ་ལོ་དང་མཛེས་པ་དྲན་འོང་།
ཐག་རིང་གི་རི་བའི་མུ་ཁྱུད་ལ་མིག་ཟུང་ཤེད་ཀྱིས་བཙུགས་ཀྱང་།
མེ་ཏོག་གི་གཤོག་ཟུང་བརྐྱངས་པ་འཛིན་མི་ཐུབ་ལ།
དབྱང་རླུང་གི་དབྱིངས་ལ་ཟུག་ཟིན་པའི་དྲི་ཞིམ་དེའང་།
ཀླད་ཀྱི་ནམ་མཁའ་ཇི་བཞིན།
རེག་པས་མ་ནུས།
དམར་བོ་དམར་རྐྱང་གི་དཀྱིལ་དབུས་སུ་འགྲེང་བའི་རྣམ་ཤེས་དེས།
ན་ནིང་གི་གྲམ་ཐང་ན།
ཁ་སང་གི་མཚོ་མཐའ་ན།
དེ་རིང་གི་རི་སྒང་ན།
ཐག་རིང་ཐག་རིང་ལ་ལག་གཡུག་བྱེད།
