རྐང་རྗེན།

ཀ༵་ཡེ་ཁ༵་བའི་བུ་མོ་ག༵་ལེར་ང༵་ཡི་གཏམ་ལ་ཉོན་ཅིག་ཉོན།།

ཅ༵་ཅོའི་ཆ༵་ལུགས་ཇ༵་ཆང་ཉ༵་མོར་སྤྱོད་པའི་སྲོལ་ངན་དར་ན་དར།།

ཏ༵་ཡིག་ལྟར་འཁྱོག་ཐ༵་མ་མ་རབས་ད༵་ལྟའི་དུས་འདིར་མང་ན༵་མང་།།

པ༵་སངས་གཤིས་ཡག་ཕ༵་མེས་བསྐྱུར་བ༵་མ་ཁྱོད་རིང་ནས་ཆ་མ༵་ཆད།།

བཙ༵འ་ཆགས་ལྕགས་སེམས་ཚ༵་ཡིས་མ་བཞུས་ཛ༵་དྲག་ཆེ་བཞིན་ཝ༵་མ་ཝར།།

ཞ༵་ཉེའི་གཤིས་ལྟར་ཟ༵་ང་ཟིང་ངེའི་འ༵་ཅག་བོད་མོ་ཡ༵་རེ་མཚར།།

ར༵་བ་གངས་ཀྱི་ལ༵་ལུང་ཀུན་ན་ཤ༵་མོ་ཇི་བཞིན་ས༵་སྟེང་བཀང་།།

ཧ༵་བོ་ཨ༵་མྱེས་མིང་རྫོད་ཧ༵་ན་ཧོན་ནེར་ལུས་པ་ཨ༵་རེ་མཚར།།

ཧ༵་ན་ཧོན་ནེར་མ་འདུག་ཨ༵་མའི་བུ་མོ་ཕྱི་ཡི་གྲོང་ལ་བལྟོས།།

ར༵་མ་ལུག་བཞིན་ལ༵་རྒྱ་མ་འཆོར་ཤ༵་དར་བུ་མོ་ས༵་མཐར་ཉོན།།

ཞ༵་ལའི་ངག་ལ་ལྕགས་ཟྭ༵་མ་རྒྱག་འ༵་ཅག་བུ་མོ་ཡ༵་ར་ལོངས།།

ཙ༵་རིའི་གཟུགས་ཡག་ཚ༵་ཚ་འུར་འུར་ཛ༵་ལང་ཁྲོམ་ནས་ཝ༵་མ་ཝར།།

པ༵་སངས་སྲོལ་ཡག་ཕ༵་རིང་བཟང་བ༵་གཤིས་ཀྱོང་བུ་མོས་མ༵་ནོག་དང་།།

ཏ༵་སྟེའུ་ལྟར་བཀུག་གཤིས་ངན་ཐ༵་མ་ད༵་ནས་བཟུང་དེ་མ་དོར་ན༵།།

ཅ༵་ནེ་ལོས་ཆག་ཆ༵་ཡོད་ཚོས་ཀྱང་ཇ༵་སྡོང་ཇི་བཞིན་ཉ༵་ཉོག་སྣང་།།

ཀ༵་ར་ཁ༵་ཞིམ་ག༵་ལེར་གནོད་འགྲོ་ང༵་ཚོ་ཀུན་པོས་ཤེས་དགོས་ཨང་།།