ཆུང་ཆུང་ཆུང་གི་གཤོག་པ།

     རྐང་རྗེན།

སྤྲོ་བ་ཆུང་ཆུང་ཆུང་ཆུང་གདོང་ན་འཛུམ།།

 དཔེ་ཁུག་ཆུང་ཆུང་ཆུང་ཆུང་རྒྱབ་ན་མཛེས།།

དཔེ་དེབ་ཆུང་ཆུང་ཆུང་ཆུང་ལག་ན་ཡག།

ཀ་ཁའི་གླུ་ཆུང་ཆུང་ཆུང་ངག་ན་སྙན།།

སྣབས་ལུག་ཆུང་ཆུང་ཆུང་ཆུང་མཐེ་བོང་འདྲ།།

  ཞྭ་སྨྱུག་ཆུང་ཆུང་ཆུང་ཆུང་ལག་ན་འགུལ།། 

         ཤོག་དཀར་ཆུང་ཆུང་ཆུང་ཆུང་སེམས་ན་སྐྱོམ།།

         ཕུགས་བསམ་ཆུང་ཆུང་ཆུང་ཆུང་བློ་ན་འཕག།

ལམ་ཕྲན་ཆུང་ཆུང་ཆུང་ཆུང་རྡོག་གིས་མནན།།

གོམ་པ་ཆུང་ཆུང་ཆུང་ཆུང་གྲོང་ལས་སྤོས།།

སློབ་གྲྭ་ཆུང་ཆུང་ཆུང་ཆུང་གནས་ཚང་ཡིན།།

གྲོགས་ཆུང་ཆུང་ཆུང་ཆུང་སྤུན་གྲོགས་ཡིན།།

ཆུང་ཆུང་མིག་ན་ཆུང་ཆུང་འོད་ཞིག་ཡོད།།

  ཆུང་ཆུང་ངག་ན་ཆུང་ཆུང་གཏམ་ཞིག་ཡོད།།

    ཆུང་ཆུང་བློ་ན་ཆུང་ཆུང་ལམ་ཞིག་ཡོད།།

      ཆུང་ཆུང་བློ་ལ་ཆུང་ཆུང་གཤོག་པ་ཐོགས།།