བསང་མཆོད་སྐབས་སུ་དགོས་གལ་ཆེ་བའི་ཁ་རི་ཤགས་ཉུང་བསྡུས་བཞུགས།
ཨེ་མ་ཧོ།
སྤྲོས་བྲལ་བདེ་ཆེན་གྱི་ཕོ་བྲང་དུ་བོན་སྐུ་ཀུན་དུ་བཟང་པོ་ལ་བསང་དང་ཞི་བའི་མཆོད་པ་དམ་པ་འབུལ་ལོ།
འོག་མིན་གདལ་བ་མེད་པའི་ཕོ་བྲང་དུ་རྫོགས་སྐུ་གཤེན་ལྷ་འོད་དཀར་ལ་བསང་དང་ཞི་བའི་མཆོད་པ་དམ་པ་འབུལ་ལོ།
རྟག་གཟིགས་འོལ་མོ་ལུང་རིངས་ཀྱི་ཞིང་ཁམས་ན་སྤྲུལ་སྐུ་སྟོན་པ་གཤེན་རབ་ལ་བསང་དང་ཞི་བའི་མཆོད་པ་དམ་པ་འབུལ་ལོ།
སྐྱབས་གནས་དམ་པ་དཀོན་མཆོག་གསུམ་ལ་བསང་དང་ཞི་བའི་མཆོད་པ་དམ་པ་འབུལ་ལོ། ཡི་དམ་གསས་མཁར་མཆོག་ལྔ། བསྟན་པ་སྲུང་པའི་བོན་སྐྱོང་། མ་སྲིང་མཁའ་འགྲོའི་ཚོགས་རྣམས་ལ་བསང་དང་ཞི་བའི་མཆོད་པ་དམ་པ་འབུལ་ལོ། #འདིའི་ཡར་སྔོན་མདུན་ངོས་སུ་འཆར་ཐུབ།#
ཀི་བསྭཽ། དབུས་ཀྱི་རི་རྒྱལ་དང་རི་བོ་མཆོག་འཛིན་ལས་སོགས། རི་བདུན་ལ་གནས་པའི་ཡུལ་ས་གཞི་བདག་ཁྱེད་རྣམས་ཀྱི་སྤྱན་སྔར་དངོས་འབྱོར་ཡིད་སྤྲུལ་གྱིས་བཤམ་པའི་དྲི་ཞིམ་བསང་མཆོད་དམ་པ་འབུལ་ལོ། བསྭཽ། འཛམ་གླིང་ས་ཡི་ལྟེ་བ་གཡུང་དྲུང་བོན་གྱི་བླ་རི་ཆེན་མོ།
རི་བོ་གངས་རྒྱལ་ཏེ་སེ་ལ་གནས་པའི་ཡུལ་ལྷ་གཞི་བདག
ས་བདག་ཀླུ་གཉན། ལས་དཀར་པོ་དགེ་བ་དད་པའི་སྡེ་ཚོགས་ཐམས་ཅད་ལ་དངོས་འབྱོར་ཡིད་སྤྲུལ་གྱིས་བཤམ་པའི་དྲི་ཞིམ་བསང་མཆོད་དམ་པ་འབུལ་ལོ།
ཀི་བསྭཽ། ཁྱད་པར་དུ་མདོ་ཁམས་ས་ཡི་ལྟེ་བ། གནས་རི་༼དཔེར་ན། ༼རྦ་བྱི་རི་ལ།
ནོ་སྨ་གཉིས་ཀྱི་བར་སྒང་ལ། སྙི་ཤེས་གཉིས་ཀྱི་བར་སྒང་ལ། ཞེས་པ་ལྟར། གཞན་ཡང་སོ་སོའི་ཡུལ་ལྷ་སོགས་ཁ་བསྒྱུར་བྱའོ༽
བཞུགས་མཁར་བཅས་པའི་ཡུལ་ལྷ་གཞི་བདག་དམ་པ་༼ཉི་མ་འཕྲུལ།༽ཡང་ན།༼སོ་སོའི་གཞི་བདག་གི་མཚན་ལ་འབོད། དཔེར་ན། ༼ཁྱུང་གདོང་གཡུང་དྲུང་རིན་ཆེན་འབར་བ།
ཡུལ་ལྷ་ཨ་ཁུ་གྱུག་གྱུག ཡུལ་ལྷ་བ་ཕྱུག
ཞེས་པ་སོགས་ཁ་བསྒྱུར་བྱ།༽༽ཁྱེད་ཀྱི་སྤྱན་སྔར་དུ་དངོས་འབྱོར་ཡིད་སྤྲུལ་གྱིས་བཤམ་པའི་དྲི་ཞིམ་བསང་མཆོད་དམ་པ་འབུལ་ལོ།
སྙི་རྒྱལ་མཆོད་སྐབས་འདི་ལྟར་བརྗོད།
༼ཀི་བསྭཽ། ནང་དགོས་སུ་འཛམ་གླིང་སྐོར་བར་བྱེད་པའི་མཐུ་བསྩལ་ཅན་དྲག་སྩལ་ཅན།
མྱུར་མགྱོགས་དང་རྫུ་འཕྲུལ་ཆེ་བའི་རྦུ་ཝུ་སྙི་པ་རྒྱལ་པོའམ་བཀའ་བློན་ཉི་མ་འབུམ་ཁྱེད་ཀྱི་སྤྱན་སྔར་དུ་དངོས་འབྱོར་ཡིད་སྤྲུལ་གྱིས་བཤམ་པའི་དྲི་ཞིམ་བསང་མཆོད་དམ་པ་འབུལ་ལོ།༽
བསྭཽ། ཕ་ལྷ་བསང་དགྲ་ལྷ་བསང་སྐྱེས་ལྷ་བསང་གྲོགས་ལྷ་བསང་།
འོ་་་སྟོད་མངའ་རིས་སྐོར་གསུམ། སྨད་མདོ་ཁམས་སྒང་དྲུག བར་དབུས་གཙང་རུ་བཞི་སོགས།
རི་བོ་གངས་རིའི་ལྗོངས་ན་གནས་པའི་གཞི་བདག་དང་ལྷ་ཀླུ་གཉན་གསུམ། རྒྱལ་རིགས་ཀྱི་སྡེ་སོགས་རི་གང་མཐོ་ལ་གནས་པ། ས་གང་གཉན་ལ་གནས་པ། སྐྱེས་བ་ཤིང་ལ་གནས་པ། འབབ་པ་ཆུ་ལ་གནས་པའི་གཙོས་འཁོར་དང་བཅས་པ།
མདོར་ན་མཐོ་བ་ཉི་ཟླ་གཟའ་སྐར། སྤྲིན་གཞའ་དར་གསུམ་ལ་གནས་པ། དམའ་བ་རི་ཆུ་སྐྱེས་ཚལ་སོགས་ལ་གནས་པའི་མཐུ་བོ་ཆེ་སྟོབས་པོ་ཆེ། མྱུར་འགྱོགས་ཅན་དྲག་རྩལ་ཅན།
ཁྱེད་རྣམས་དེ་རིང་མགྲོན་དུ་བོས་ནས་དངོས་འབྱོར་ཡིད་སྤྲུལ་གྱིས་བཤམ་པའི་བསང་རྫས་ཕུན་སུམ་ཚོགས་པའི་དྲི་ཞིམ་བསང་མཆོད་བར་སྣང་གོང་བ་འདི་རྣམས་འབུལ་ལོ།
ཀི། བསྭཽ། དེ་ལྟར་ཁྱེད་རྣམས་ལ་དངོས་འབྱོར་ཡིད་སྤྲུལ་གྱིས་བསང་མཆོད་རྒྱ་ཆེན་པོའི་བརྔན་འདི་ཕུལ་བས་ཐུགས་དམ་གཉེན་པོ་རྒྱུད་ཡོངས་སུ་བསྐང་ནས་དགྱེས་ཚོར་དང་བཅས་པའི་དགོས་ནས།
བདག་ ༼ཡང་ན་ཚོགས་པ་རིགས་ཀྱི་ཚབ་དུ་བསང་མཆོད་ཡིན་ན། དཔེར་ན། ༼རྦ་མདའ་བརྒྱད་ཅུའི་ཤོག་པའི།༽༽གཙོ་འཁོར་དང་བཅས་པ་རྣམས་ལ། འགྲོ་བའི་དུས་སུ་སྐྱེལ་མ་མཛོད།
འདུག་པའི་དུས་སུ་རྒྱབ་བརྟེན་མཛོད། འོང་བའི་དུས་སུ་བསུ་མ་མཛོད། དགྲ་དང་ཐུག་ན་དགྲ་སེམས་ཞི་བར་མཛོད། གྱོད་དང་ཐུག་ན་ལས་འབྲས་སྲུང་བའི་གྱོད་ཡ་དང་གྲོས་མཐུན་པར་མཛོད་ཅིག
ནད་གདོན་རྐྱེན་ངན་ཐམས་ཅད་ཞི་བར་མཛོད་ཅིག ཁ་ལས་རླུང་རྟ་དར་བར་མཛོད་ཅིག དབང་ཐང་འཕེལ་བར་མཛོད་ཅིག
སློབ་པའི་དོན་ཤེས་པར་མཛོད་ཅིག ཚོང་ལས་ཞོར་ལས་ལ་སོགས་ལས་ཅི་སྒྲུབ་ལམ་དུ་འགྲོ་བར་མཛོད་ཅིག
དུས་གཏན་དུ་ཁ་འཛིན་མཛོད། སྡོང་གྲོགས་མཛོད།
འདོད་དགུ་ཐམས་ཅད་ལྷུན་གྱིས་འགྲུབ་པར་མཛོད་ཅིག གང་འདོད་གང་བཅོལ་འཕྲིན་ལས་མྱུར་དུ་འགྲུབ་པར་མཛོད་ཅིག
བསྭཽ། དེ་རིང་ཚེས་བཟང་དུས་བཟང་གི་ཉིན་མོར་ཁྱེད་རྣམས་ལ་དཀར་ཕྱོགས་དགེ་བའི་ལས་དང་མཐུན་པའི་༼བསང་རྫས་ཕུན་སུམ་ཚོགས་པའི་དྲི་ཞིམ་བསང་དུ་ཡིས་ཡོངས་པའི་འཇིག་རྟེན་གོང་བར་བསམ།༽དངོས་འབྱོར་ཡིད་སྤྲུལ་གྱིས་བསང་དྲིའི་མཆོད་པ་བར་སྣང་གོང་བ་འདི་བརྔན་དུ་ཕུལ་བས། ཡུལ་ཁམས་འདི་ན་བཀྲ་ཤིས་ཏེ། ཕོ་རྣམས་ཚེ་རིང་བར་གྱུར་ཅིག མོ་རྣམས་དཔལ་ཆེ་བར་གྱུར་ཅིག
བདག་གི་༼ཡང་ན་ཚོགས་པ་རིགས་ཀྱི་ཚབ་དུ་བསང་མཆོད་ཡིན་ན།
དཔེར་ན་རྦ་མདའ་བརྒྱད་ཅུའི་ཤོག་པའི།༽ཁ་ལས་རླུང་རྟ་དབང་ཐང་དར་བར་གྱུར་ཅིག
ཆར་ཆུ་དུས་སུ་འབབ་པར་གྱུར་ཅིག ལོ་ཕྱུགས་རྟག་ཏུ་ལེགས་པར་གྱུར་ཅིག དུས་གྱིས་འཁྲུག་པ་ཞི་བར་གྱུར་ཅིག མཚོན་དང་མུ་གེ་ནད་རིམས་ཀྱིས་འཇིག་པ་ཐམས་ཅད་བརླག་པར་གྱུར་ཅིག
བསམ་པ་བོན་བཞིན་འགྲུབ་ནས་དཀར་ཕྱོགས་དགེ་བ་འཕེལ་སྟེ་འཇིག་རྟེན་ཁམས་འདིར་ཞི་བདེའི་དཔལ་ལ་ལོངས་སུ་སྤྱོད་པའི་བཀྲ་ཤིས་པར་གྱུར་ཅིག རྒྱལ་ལོ། རྒྱལ་ལོ། ཀི་ཀི་བསྭཽཽ་ལྷ་རྒྱལ་ལོ།། ཐ་ཚན་མུ་ཙུག་སྨར་རོ།། །།
