༄༅།།  ཉམས་ཆུང་གནའ་མ་འགའི་ལས་དབང་།།

རང་གི་གཡང་ཁྱིམ་གྲུ་བཞིའི་ཐབ་རྩ་རུ་བསྡད་དེ།།
རང་གི་ཕ་མའི་ལྷན་དུ་བདེ་སྐྱིད་ཀྱི་འཚོ་བ།།
རང་རང་གང་དགོས་ལོངས་སྤྱོད་ཉམས་སྣང་དེ་འཆར་ཚེ།།
རང་དབང་རང་ལག་ཡོད་པའི་སྐྱིད་སྣང་དེ་རྟོགས་བྱུང་།།

དབང་མེད་གནས་ལ་འགྲིམས་པའི་ཉི་མ་དེའི་ཕྱིན་ཆད།།
དབང་ཆེན་གནས་འགྲོའི་ཕྱོགས་ཀྱི་མ་རྒན་དང་སྲིང་མོས།།
དབང་མེད་བདག་ལ་འཇིགས་པོ་བཀྲེས་སྐོམ་གྱི་སྡུག་བསྔལ།།
དབང་ཡོད་དབང་མེད་དབང་གིས་མྱོང་དགོས་དེ་སྐྱོ་བ།།

མི་དགོས་པ་རྣམས་དགོས་པའི་རྒྱུ་མཚན་རེ་དྲངས་ཏེ།།
མི་ལེགས་ཟེར་བའི་རྟག་པར་རྙོག་གཏམ་རང་བཤད་ལ།
མི་ཤེས་དོན་ཆུང་ཙམ་ལ་རྡུང་རྡེགས་ཀྱིས་བསྐུལ་བ།།
མི་ལུས་རིན་ཆེན་ཐོབ་ཀྱང་ཉམས་ཆུང་བདག་དོན་ཆུང་།།

འདུག་པའི་བློ་ནི་མཁའ་ཡི་ཉི་སྐར་བཞིན་དཀོན་ཡང་།།
འདུག་པ་ལས་གཞན་རང་དབང་སྒོ་ཁྱི་ལྟར་དབེན་འདུག།
འདུག་པའི་གནས་འདིར་འགྲོའི་སྡུག་བསྔལ་ལྟར་མྱོང་བས།།
འདུག་དགོས་མེད་པའི་རེ་སྨོན་དཀོན་མཆོག་ལ་བཅོལ་ཡོད།།