|
|
སྤྱི་བསྒྲགས། |
སྒྲིག་འཇུག... |
|
|
ཆེད་སྒྲིག་རྣམ་དབྱེ། |
སྒྲིག་འཇུག... |
|
|
ཟིན་ཐོ་གསར་བ། |
སྒྲིག་འཇུག... |
|
|
|
ཆེམས་གསར་བ། |
སྒྲིག་འཇུག... |
|
|
|
|
|
|
|
| ༄༅།།དཔྱིད་དུས་ཀྱི་ཉིན་ཞིག། |
|
[ 2011/5/31 21:56:00 | By: CRZB ] |
༄༅།།དཔྱིད་དུས་ཀྱི་ཉིན་ཞིག།
ཕྲ་མོའི་ལྕགས་ཀྱིས་སྒྲོམ་གཞི་བཟོས་པ་ལ་སོ་ཕག་གི་བང་རིམ་བསྒྲིགས་ཏེ་ཨར་འདམ་རློན་པས་འདག་ཞར་བྱས་པའི་སློབ་ཁང་ཞིག་ན། ལྷག་བསམ་དཀར་ཞིང་མཁྱེན་དཔྱོད་ཡངས་པའི་བཤེས་གཉེན་ཞིག་གི་ཤེས་བྱ་བདུད་རྩིའི་རོ་ལ་སྐར་མ་དྲུག་ཅུའི་འཁོར་ལོ་གཉིས་ཙམ་རོལ་རྗེས། དགེ་སློབ་ཚང་མ་རེ་ཞིག་ངལ་གསོའི་གནས་སུ་གྱུར་ཏེ་ལྷིང་འཇག་ངང་གནས། སྐབས་དེར་སྒེའུ་ཁུང་གི་ཕྱི་རོལ་ནས་ཀྲབ་ཀྲབ་ཀྱི་ཆར་པ་འབབ་པའི་འབེབས་སྒྲ་ཐོས་ལ་ཤག་ཤག་གི་ཝ་ཆུ་རྒྱུག་པའི་རྒྱུག་སྒྲའང་ཐོས། དེ་མུར་དུ་ངའི་སེམས་ལ་ཚ་གྲང་འདྲེས་པའི་རླངས་པ་ཞིག་འཕྱུར་འོང་སྟེ། དེས་ཁྱབ་པར་བྱེད་པའི་རླུང་ཉིད་རང་དབང་མེད་པར་ལས་ལ་བསྐུལ་ཏེ་སྒེའུ་ཁུང་གི་ཕྱི་ལ་མིག་དབང་གི་ལོངས་སུ་སྤྱོད་པའི་དགའ་སྟོན་དུ་རོལ་འགོ་བརྩམ་དུ་བཅུག དེ་ཡང་ཐོག་མའི་མིག་གི་དགའ་སྟོན་དུ་མཐོ་པོའི་རི་བོ་དག་གི་རྩེ་མོ་མ་ཡིན་ཏེ་ལང་ལོང་དུ་གྱ་གྱུ་རུ་གནས་པའི་སྨུག་པ་དག་རེད། ངས་སྔུན་ནས་སྨུག་པ་རིག་འོང་བ་ནི་རྒྱུན་ལྡན་མཐོ་པོའི་རི་རྩེར་བལྟ་བར་མོས་པའི་ལན་ཡིན་ལ་མཐོ་པོའི་རི་བོ་དག་གི་རྩེ་མོ་མི་མཐོང་བ་ནི་སྨུག་པས་གཡོགས་པའི་ལན་རེད། དེ་རིང་གི་རི་བོའི་རྩེ་མོ་ནི་ང་ཙམ་མིན་པའི་རྒྱང་ཤེལ་ཐོགས་པའི་ལྗོངས་རྒྱུ་བ་དག་ཡིན་ཀྱང་རྫ་གངས་སྤང་གསུམ་གང་ཡིན་རྟོགས་དཀའི་གནས་སུ་གྱུར་འདུག། །།
|
|
|
|
