༄༅།།  སློབ་འབྲིང་ཐོན་ལ་ཉེ་བའི་གཅུང་པོར་ཕུལ་བའི་འཕྲིན་ཡིག།

           ལོ་གསུམ་ལོ་ལ་རོལ་བའི་ཤེས་བྱ་དག།
           སློབ་ཁང་རྒྱུག་ར་གྲུ་བཞིའི་ཚལ་ཡངས་པོར།
           དཀར་འཇམ་ཤོག་བུའི་སྟེང་དུ་མ་བཀོད་ན།
           སློབ་དཔོན་དྲིན་གྱིས་བསྐྱངས་ཀྱང་དོན་གོ་ཆུང་།
           
           ལོ་གསུམ་ལོ་ཡི་དཀའ་ངལ་སྐྱིད་སྡུག་ཀུན།
           བཟོད་གསུམ་ཕྲག་གིས་ཡང་ཡང་འདེགས་བྱེད་པའི།
           དྲིན་ཅན་མ་ལོའི་ཐུགས་ཀྱི་རེ་བ་བཞིན་།
           མ་འགྲུབ་པས་ན་ཁྱོད་ཅིད་དོན་གོ་ཆུང་།
          
           ལོ་གསུམ་སྔོན་ལ་སྐྱེས་པའི་ནུ་བོ་དེས།
           དགུན་གསུམ་གུང་སེང་ལྷན་དུ་འཛོམས་པའི་ཚེ།
           ཚིག་གསུམ་སེམས་ནས་བཞུར་བའི་གཏམ་དྲོན་མོར།
          ཡ་ཆུང་སེམས་ལ་མ་བཞག་དོན་གོ་ཆུང་།
          
           ལོ་གསུམ་རིང་ཡང་བརྩེ་བ་མི་གློད་ཅིང་།
           གཏམ་གསུམ་སྡིགས་ལ་དམོད་པ་མི་བྱེད་དེ།
           གྲོས་གསུམ་བགྲོས་ལ་མཁས་པའི་མཛའ་མོ་སྟེ།
           སྒོ་གསུམ་དད་པ་དེ་ཡང་དོན་གོ་ཆུང་།