རྗེས་དྲན་དད་པའི་ལྷ་རྫས།

 ཟླ་སྤྲུལ་གཟུགས་སྐུ་རྐང་གཉིས་ཚུལ་བཟུང་ནས།།

 ཁྱུང་ཡུལ་ནོར་འཛིན་དཔལ་གྱི་དགེ་ལྡན་དུ།།

 མཚན་དཔེ་ཟླ་བ་གཞོན་ནུ་མངོན་པར་འཛུམ།།

 བསྟན་འགྲོའི་མཛད་བཟང་གངས་རི་ལྗོངས་ལ་རྒྱས།།

 ཁྱུང་ཆེན་ཟླ་བ་དཀར་པོའི་འོད་སྟོང་སྟེ།།

 སྙན་པས་གྲགས་པ་སྲིད་གསུམ་ཁྱོན་དུ་བདལ།།

 རྒྱལ་བསྟན་རིན་ཆེན་བསླབ་གསུམ་སྲོག་ལྟར་གཅེས།།

 འཆད་རྩོད་རྩོམ་པས་ཕུན་ཚོགས་འདོད་རྒུས་ཕྱུག།

 སྐུ་ཡི་གཟི་མདྭངས་འདུས་སྡེའི་དབུས་ལ་སྤ།།

 གསུང་གི་བདུད་རྩི་སྐྱེ་འགྲོ་རྣམས་ལ་སྦྱིན།།

 ཐུགས་ཀྱི་དགོངས་པ་ནམ་མཁའི་ཀློང་དབྱིངས་སུ།།

 ཡོན་ཏན་མི་ཟད་སྒྱུ་སྐར་འོད་ཟེར་སྤྲོས།།

 འཕྲིན་ལས་མ་འགག་འགྲོ་ལ་ཐར་བདེ་སྟེར།།

 བྱང་ཆུབ་སེམས་དཔའ་མི་ཡི་རོལ་གར་བཞེངས།།

 དུས་འགྱུར་རླུང་དམར་ཁྲོད་ཀྱི་རྒྱལ་སྲས་ཁྱེད།།

 གློ་བུར་ཞི་བར་གཤེགས་པ་ཅི་ཡི་དོན།།

གཡུང་དྲུང་བོན་གྱི་སྨན་འབུམ་བཞི་ལ་དཔྱད་པ།

     དགེ་བཤེས་བསྟན་འཛིན་ཕུན་ཚོགས་ལགས། 

༼༡༽ བོན་གྱི་སྨན་འབུམ་བཞི་གསུང་ཚུལ་དཔྱད་པ། དེ་ཡང་སྤྱིར་ཡ་ཐོག་གངས་ཅན་གྱི་ལྗོངས་འདིར་འགྲོ་བ་མིའི་རིགས་བྱུང་བ་ནས་བཟུང་གནང་གཤིས་ཀྱི་འགྱུར་ཚུལ་དང་ལུས་ཀྱི་འབྱུང་བཞིའི་འཕེལ་འགྲིབ་སོགས་ལ་བརྟེན་ནས་ནད་རིགས་སྣ་ཚོགས་ལ་ཉམས་མྱོང་གི་འཐབ་རྩོད་རིམ་པར་བརྒྱུད་པས་གསོ་དཔྱད་ཀྱི་རང་བཞིན་ལྡན་པའི་ཤེས་རིག་ཅིག་ཡོད་པ་ཡིན་ཡང་། གསོ་དཔྱད་ཀྱི་རིག་པའི་གཞུང་ལུགས་གཏན་ལ་ཕབ་པ་ནི་ཆེས་སྔ་བ་གསོ་རིག་ཀུན་གྱི་མ་ཕྱི་སྟོན་པ་གཤེན་རབ་ཀྱིས་གསུང་པའི་འབུམ་བཞི་ཞེས་པ་དེ་རེད། དེ་གསུང་པ་པོ་སྟོན་པ་གཤེན་རབ་མི་བོ་ནི་གཤེན་ཡུལ་འོལ་མོའི་གླིང་དུ་སྐུ་སྐྱེ་བ་བཞེས་ནས་ད་བར་སྤྱི་ལོའི་སྔོན་མི་ལོ་༡༦༠༧་སོང་ཡོད་པ་གཡུང་དྲུང་བོན་གྱི་ཡིག་ཆ་ཁག་དང་གྲུབ་མཐའི་ངོས་འཛིན་ཚུལ་ཡོངས་གྲགས་ལྟ་བུར་གྱུར་འདུག དེང་དུས་ཀྱི་ཞིབ་འཇུག་པ་ཕལ་མོ་ཆེའི་མི་ལོ་༼༣༨༦༣༽ལྷག་ངོས་འཛིན་གནང་འདུག་པ་འདི་ལ་ཡང་བསམ་གཞིག་གཏོང་དགོས་པའི་གནས་སུ་གྱུར་འདུག གང་ལྟར་སྟོན་པ་གཤེན་རབ་མི་བོ་ནི་སངས་རྒྱས་བཅོམ་ལྡན་འདས་རྒྱ་གར་དུ་མ་བྱོན་གོང་མ་མཐའ་ཡང་མི་ལོ་༩༠༠་ཡས་ས་མས་ནས་ཞང་བོད་ཀྱི་ལྗོངས་སུ་ཆོས་དང་རིག་གཞུང་གི་སྲོལ་གཏོད་མཁན་ཞིག་ཡིན་པ་ནི་ངོས་འཛིན་གསལ་བོ་རེད། ཁོང་གི་གསོ་རིག་འབུམ་བཞི་གསུང་པའི་གནས་ཐུགས་མཁའ་སྔོན་ལྟར་ན་མཚན་ཡོངས་སུ་གྲགས་པའི་དམ་པ་འོལ་མོ་གླིང་ཆེན་གྱི་དབུས་རི་གཡུང་དྲུང་དགུ་བརྩེགས་ཀྱི་གསོས་བདུད་རྩི་སྨན་གྱི་ནགས་ཚལ་དུ་སངས་རྒྱས་སྨན་ལྷའི་སྐུར་བཞེངས་ནས་ཞེས་དང་། འཁོར་གྱི་གཙོ་བོ་དཔྱད་བུ་ཁྲི་ཤེས་ལ་གཉེར་དུ་གཏད་དེ། བཀའ་བསྡུ་མཛད་ནས་གཏན་ལ་ཕབ་པ་སོགས་གསུངས་པས་སྨན་འབུམ་གསུང་བའི་གནས་ཞང་ཞུང་ཕུག་པ་ཡིན་པ་དང་། གསུང་པ་པོ་སྟོན་པ་གཤེན་རབ། གཉེར་གཏད་ཀྱི་སློབ་བུ་གཙོ་བོ་སྐུ་སྲས་དཔྱད་བུ་ཁྲི་ཤེས་ཡིན་པ་གསལ་བོ་མཚོན་ཐུབ་པ་དང་། གཞན་ཡང་སྟོན་པ་གཤེན་རབ་ཀྱི་མཛད་རྣམ་རྒྱས་པ་དྲི་མེད་གཟི་བརྗིད་ཀྱི་ཕྱྭ་གཤེན་ཐེག་པའི་མདོ་ལས། ཕྱྭ་གཤེན་ཐེག་པའི་བོན་སྒོ་ལ། སྤྱི་རུ་གཏོ་དཔྱད་གཉིས་ཡིན་ཏེ། སྒོས་སུ་རྣམ་གྲངས་བཞི་རུ་བསྟན། པྲ་ལྟས་མོ་དང་སྣང་མཐོང་རྩིས། ན་གསོ་གཏོ་དང་འཆི་བསླུ་དཔྱད། རྣམ་པ་བཞི་རུ་ཤེས་པར་བྱ། ཞེས་དང་། བཞི་པ་དཔྱད་ཀྱི་འཚོ་བ་ལ། །ནད་ལ་དཔྱད་ཀྱིས་ཕན་པའི་ཕྱིར། །འགྲོ་དྲུག་སེམས་ཅན་མ་རིག་པའི། །ཉོན་མོངས་ནད་ཀྱིས་གདུང་བ་ལ། །ནད་ལ་ཕན་དཔྱད་ཀྱིས་ཕན་པའི་ཕྱིར། །སྨན་པ་བྱང་ཆུབ་སེམས་ལྡན་གྱིས། །ཚད་མེད་བཞི་ཡི་སེམས་བསྐྱེད་ནས། །རྒྱལ་བའི་ཚོགས་ལ་སྐྱབས་སུ་འགྲོ། །དྲིན་ལེན་མཆོད་པ་མ་འདལ་འབུལ། །སངས་རྒྱས་སྨན་ལྷ་མཆེད་བརྒྱད་དང་། །བཻཌཱུརྱ་འོད་རྒྱལ་པོ་མཆོད། །མཁས་ཁྱད་ལག་ལེན་ལྡན་པ་ཡི། །རྒྱུ་རྐྱེན་ཐམས་ཅད་མཐོང་ལ་དཔྱད། །ནད་ངོས་འཛིན་པ་རྩ་ལ་དཔྱད། །ཕན་གནོད་ཐམས་ཅད་ཆུ་ལ་དཔྱད། །འཆི་སོས་ཐམས་ཅད་ཁམས་ལ་དཔྱད། །དེ་ལྟར་ནད་ངོས་འཛིན་པ་དང་། །ཚ་གྲང་བད་མཁྲིས་འདུས་པ་ལ། །བསིལ་དྲོད་སྙོམས་པའི་སྨན་སྦྱར་ནས། །ཕྱེ་མ་རི་ལུ་དྷེ་གུ་དང་། །ཐང་དང་བྱུག་དང་སྨན་སྦྱར་ནས། །གང་ལ་གང་སྨིན་འགྲོ་བའི་ནད་དང་སྦྱར་ཞེས་དང་། དེ་ཉིད་ལས། འཚོ་བ་རྣམ་པ་བཞི་ཡིན་ཏེ། །བདུད་རྩི་སྨན་གྱི་འཚོ་བ་དང་། ལུས་གསོ་སྨན་གྱི་འཚོ་བ་དང་། ཐབས་དང་སྤྱོད་ལམ་འཚོ་བ་དང་། ལུང་མ་བསྟན་གྱི་འཚོ་བ་དང་། བཅོས་པ་རྣམ་པ་བཞི་ཡིན་ཏེ། །སྨན་དང་གཏར་དང་མེ་བཙའ་དང་། །ཐབས་དང་སྔགས་ཀྱིས་ཞི་བྱེད་པ། །གང་དགོས་ནད་ཀྱི་ངོ་དང་སྦྱར། སྨན་དང་རོ་དང་ནུས་པ་ཞུ་བའི་རྗེས། །རོ་ཡི་དྲོད་དང་ནུས་པ་དྲག །ཞུ་རྗེས་འཇམ་ལ་དེས་པའོ། །

ཞེས་སོགས་མོ་རྩིས་གཏོ་དཔྱད་ཀྱི་བོན་རྣམས་རྒྱལ་གྱི་ལོ་མཛོད་བཅུ་གཉིས་ཀྱི་ཁོངས་སུ་གསུངས་པ་དང་གསུང་ཡུལ་ཞང་ཞུང་ཡིན་པ་མ་ཟད་བོད་ཀྱི་གནའ་བོའི་ཆོས་དང་རིག་གཞུང་ཀུན་གྱི་ཡབ་མེས་ཡིན་པ་གསལ་བོར་མཚོན་ཐུབ་པ་གོར་མ་ཆག

༄༅།   བཀྲ་ཤིས་གནམ་ལོ་གསར་བ། །

     བཀྲ་ཤིས་གནམ་ལོ་གསར་བར་ཤར་བས་ཉིན། །

    བདེ་ལེགས་ཁ་གཡང་སྒྲོགས་པས་རྒས་གཞོན་ཀུན། །

     ཕུན་སུམ་དཀར་གསུམ་ཟས་སྣ་རི་ལྟར་སྤུངས།།

    བསང་གསོལ་རླུུང་རྟ་བར་སྣང་དབྱིངས་སུ་གཏོར།། 

 ༧ ཨེ་མ་མཁྱེན་དཔྱོད་མཁའ་ལྟར་ཡངས་པའི་ཧི་བོན་ཟིན་

 བྲིས་སུ་ཕྱག་ལས་གནང་དང་གནང་བཞིན་པས་འཛམ་གླིང་

 ས་ཕྱོགས་གང་ན་བཞུགས་པའི་གཡུང་དྲུང་སྤུན་གྲོགས་རྣམས་

 ལ་བོད་ཆུ་འབྲུག་ལོ་ཡི་གནམ་ལོ་གསར་བའི་ནང་ལ་ནད་མེད་

 ཚེ་རིང་དང་ཅི་བསམ་ལྷུན་འགྲུབ་དང་བྱ་བ་ལམ་འགྲོ་ཡང་

          བས་སྨོན་མདུན་ཞུ་ཞུ།།   

༄༅ཐོན་མིས་བོད་ཡིག་གསར་དུ་བཟོས་མིན་གྱི་

གཏམ་དུས་རབས་གསར་པའི་འབབ་སྟེགས།

དགེ་བཤེས་བློ་གྲོས་རབ་གསལ།

སྲིད་སྒོང་སྦུབས་ལས་གྲོལ་བའི་གངས་ཅན་པའི།།

རིག་རྩལ་འཕྲུལ་གྱིས་བསྐྲུན་པའི་ཡི་གེའི་སྲོལ།།

ཆུ་འཛིན་སྟུག་པོས་མ་སྒྲིབ་རྣལ་མ་ཞིག །

ལྷག་བསམ་ཁོལ་མས་དྲངས་ལ་གཟིགས་མོར་བྱོས།།

 རང་རེ་བོད་མིའི་དཔྲལ་བའི་མིག་དང་ཁོག་པའི་སྙིང་ལྟར་གཅེས་པའི་བོད་ཡིག་གི་བྱུང་ཁུངས་སྐོར་ལ།

 གནའ་དེང་གི་མཁས་པ་རྣམས་ཀྱི་བསམ་ཚུལ་དང་བཤད་སྒྲོས་གཅིག་ཏུ་མ་ངེས་པས་སྲོང་བཙན་གོང་ལ་བོད་ཡིག་གི་ཚིག་སྦྱོར་ཡོད་པའི་ཐག་མ་ཆོད་ལ། མེད་པའི་མེད་ཐག་ཀྱང་མ་ཆོད་པར་རྩོད་རྙོག་དང་། ལབ་གླེང་མུ་མཐུད་གནས་ཡོད། ང་ཚོའི་བོད་ཡིག་གི་འབྱུང་ཁུངས་འདི། རྟོག་བརྗོད་ཀྱི་གཏམ་རྒྱུད་མིན་པར་དངོས་བྱུང་གི་ལོ་རྒྱུས་ཤིག་ཡིན་པར་བརྟེན། གངས་ཅན་པའི་ལོ་རྒྱུས་སྤྱི་དང་བྱེད་བྲག་ཡི་གེའི་བྱུང་ཁུངས་བཙལ་སྐབས། ཆོས་ལུགས་དང་གྲུབ་མཐའི་ཕྱོགས་ལྷུང་མིན་པའི་རིག་ལམ་རྣལ་མས་འདེངས་འཇོག་བྱ་རྒྱུ་ནི་གངས་ཅན་རིག་སྨྲ་དང་སྨྱུག་ཁ་གཅུ་མཁན་ཀུན་གྱི་ཁུར་འཁྲིའི་འོས་འགན་ཞིག་ཡིན་པར་གོར་མ་ཆག  དེར་བརྟེན་ཁོ་བོས་ལྟ་ཚུལ་གྱི་སྡོམ་ཚིག་འགའ་ཞིག་བྱང་ཁོག་ཏུ་མ་སྦབ་པར་ལྕེ་རྩེ་ནས་མི་འཕེན་ཐུབ་མེད་བརྟེན། བསྟོད་ཚིག་གི་འབབ་སྟེགས་སུ་འགྱིང་བའི་བོད་རྒྱལ་འགའ་ཡིས་དཀར་ནག་རྒྱ་ལ་གཉེན་སྲིད་སྦྲེལ་ནས་བཟུང་བོད་མིའི་སྲིད་འགོ་རྒྱ་ནག་འོག་ཏུ་འཆུག་ལ།གཞན་ཆོས་རྒྱ་བལ་ཡུལ་ནས་མག་པ་བསུ་བའི་ཨ་གསར་ཞིག་གིས་བོད་རང་གི་ཕ་མེས་ཀྱི་ཆོས་ལུགས་རྒྱབ་ཏུ་ དོར་བར་མ་ཟད་གནའ་རབས་བོད་མི་རྣམས་ཀྱང་དུད་འགྲོའི་ཁྱུ་ཚོགས་ཤིག་ཏུ་བརྩིས་པ་དེས། མི་རིགས་འདི་ཡི་རིགས་གཞུང་ལ་ཕམ་ཁ་དང་གྱོང་རྒུད་ཅིག་སྤྲད་ཡོད་པ་སྨོས་ཅི་དགོས།

དང་པོ་ཡི་གེའི་ངོ་བོ་གྲུབ་ཚུལ།

ང་ཚོའི་བོད་ཡིག་གི་འཕེལ་རིམ་སྐོར་ལ་རང་སེམས་བག་ཏུ་ཕབ་ནས་བསམ་གཞིག་ཡང་ཡང་བྱེད་སྐབས་སྲོང་བཙན་གོང་ལ་བོད་ཡིག་མེད་པའི་རྒྱུ་མཚན་ཁུངས་སྐྱེལ་ལྡན་པ་ཞིག་རྙེད་དཀའ་བ་དང་དེབ་ཐེར་ཁག་ཏུ་ཐོན་མིས་བོད་ཡིག་གསར་དུ་བརྩམས་ཞེས་པ་ནི། ཆོས་ཀྱིས་བསླད་པའི་སྦོམ་ཚིག་གཅིག་ཡིན་པས་གཙིགས་ཀྱང་མི་ཆེ།བོད་རྒྱལ་ཐོག་མ་གཉའ་ཁྲི་ནས་སྲོང་བཙན་བར་རྒྱལ་རབས་སོ་གཉིས་རིང་ལ་རྒྱལ་པོ་རིམ་བྱོན་རྣམས་ཀྱི་ཆབ་སྲིད་ཀྱི་ཁྲིམས་ལུགས་དང་སྔོན་འདས་ཀྱི་བྱས་རྗེས། སླད་འབྱུང་ གི་འཆར་གཞི་རྣམས་ཡི་སྟེང་ལ་མེད་པར་རྒྱལ་སྲིད་སྐྱོང་རྒྱུ་དཀའ་བར་སེམས།ད་དུང་བོན་གཞུང་མང་དག་ཅིག་ཡིག་ཐོག་ལ་མེད་ན་ངག་འཛིན་ཁོ་ནས་སྲོང་བཙན་བར་བརྒ
……

        ༄༅།   སེམས་ཀྱི་སྤྲོ་སྣང།   

    མཛེས་སྡུག་སྨུག་པོ་རི་ཡི་མདུན་ཞོལ་དུ། །

   ནོར་འཛིན་གསེར་གཞོང་འཁྱིལ་བའི་གར་སྟེགས་དབུས། །

    བཀྲ་གསལ་ཀོ་རྒྱལ་གདན་ས་སྐར་ཚོགས་བཞིན། །

  ངག་སྙན་བཤད་སྒྲུབ་འཆད་རྩོད་རྩོམ་གསུམ་རྒྱས། །

  ཟླ་གྲགས་གཤེན་བསྟན་ནོར་གྱིས་བོན་ཆར་འཇོ། །

   སྤྲུལ་པའི་གཟུགས་སྐུ་རྐང་གཉིས་ཚུལ་འཛིན་ཏེ། །

 གསུམ་པ་ནི། ……

   གཉིས་པ་ནི། ……