བོད་ཟླ་བཅུ་གཉིས་པའི་ཚེས་ཉི་ཤུ་དགུ་ཉིན་གྱི་དགོང་མོ་བོད་ཁུལ་མང་ཆེ་བར་ཁྱིམ་ཚང་ཚང་མར་ནང་མི་མཉམ་འཛོམས་ཀྱིས་དགུ་ཐུག་འཐུང་ཞིང་། དེ་ནི་ལོ་གསར་གྱི་འགོ་ཚུགས་ལྟ་བུ་ཡིན། ལོ་གསར་པའི་ནང་ཁྱིམ་ཚང་དུ་རྐྱེན་ངན་བར་ཆད་མི་འབྱུང་ཆེད་གཟན་ལ་མི་གཟུགས་ཀྱི་གླུད་བཟོས་ཏེ་རྫ་སྣོད་ཆག་དུམ་ནང་བཞག་དེ་ལ་ཆང་བུ་དང་། ཇ་རོ། སྦང་མ་སོགས་གླུད་རྫས། སོག་མའི་ཀུ་རུ་ཁ་༼རྒྱ་གྲམ༽དགུ་བཅོས། ཐུག་པ་བསྐོལ་སྐབས་གྲོ་ནས་སྲན་བཙོས་སོགས་བཟས་སྣ་དགུ་བཏབ་༼དགུ་རྫས་ཟེར༽གྲོ་ཞིབ་ལ་ཉི་ཟླ་དང་། ཆོས་པོ་ཏི། ཟེ་མ་ར་མགོ་སོགས་ཀྱི་དབྱིབས་བཅོས་པ། ཟན་གྱི་ནང་སོལ་བ་དང་། དཀར་ཡོལ། སི་པན་སོགས་བཏུམས་ནས་ཐུག་པ་འཐུང་སྐབས་དེ་དག་གང་ཞིག་དོན་པ་དེར་བསྟོད་སྨད་བྱེད་པ་དེ་ནི་མི་དེའི་རྣམ་ཀུན་གྱི་སྤྱོད་པ་མཚོན་པ་རེད་ཟེར། མུན་རུབ་སྐབས་ནང་མི་ཞིག་གིས་སོག་མ་ཆག་པ་རིང་པོ་ཞིག་ལ་མེ་སྤར་ཏེ་མར་དོན་ཤོག མར་དོན་ཤོག་ཅེས་འབོད་བཞིན་ཁང་མིག་ཚང་མའི་སྒོ་འཛུལ་ཙམ་བྱས་རྗེས་རྫ་ཆག་ནང་བཞག་པའི་གླུད་དེ་འཁྱེར་ནས་ཤོག་སྦག་སྤར་བཞིན་ལམ་གསུམ་མདོར་སྐྱེལ་གྱི་ཡོད།
རྩོམ་པ་པོ།༼ མཁས་དབང་དུང་དཀར་བློ་བཟང་འཕྲིན་ལས།
- ཟིན་ཐོ་གོང་མ།ཧཱུྃ་ཆེན་འགྲོ་འདུལ་གླིང་བའི་གདམས་པ་ཞིག
- ཟིན་ཐོ་འོག་མ།ཁོར་ཡུག་སྲུང་སྐྱོབ་གནང་རོགས།
ཅུང་ཙམ་ཉུང་འདུག་སྙམ། མགོ་ལོག་པས།
གྲོགས་པོ་ལགས་བདེ་མོ་ཡིན་ནམ། རྐྱེན་གང་མང་ཞིག་གི་ད་བར་འབྲེལ་གཏུགས་བྱེད་མ་ཐུབ་ཐལ། བློ་མིག་གིས།