ཧི་བོན་ཟིན་བྲིས།
སྒྲིག་འཇུག...
སྤྱི་བསྒྲགས།
    སྒྲིག་འཇུག...
ལི་ཐོ།
    སྒྲིག་འཇུག...
ཆེད་སྒྲིག་རྣམ་དབྱེ།
    སྒྲིག་འཇུག...
པར་མཛོད།
ཟིན་ཐོ་གསར་བ།
    སྒྲིག་འཇུག...
དཔྱད་གཏམ་གསར་བ།
    སྒྲིག་འཇུག...
ཆེམས་གསར་བ།
    སྒྲིག་འཇུག...
ནང་འཇུག
དྲ་གྲོགས།
    སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
    སྒྲིག་འཇུག...
《སློབ་ཆུང་སློབ་མའི་བོད་སྐད་ཡིག་གི་སྤྱིའི་བསྐྱར་སྦྱོང་ལྷན་ཐབས་》པར་དུ་བསྐྲུན་པ། | 2012/2/13 19:37:00


དགེ་ཆོས་དང་དབང་ཆེན་གཉིས་ནས་གསར་བསྒྲིགས་གནང་བའི་སློབ་ཆུང་སློབ་མའི་བོད་སྐད་ཡིག་གི་སྤྱིའི་བསྐྱར་སྦྱོང་ལྷན་ཐབས་》ཞེས་པ་ཉེ་ཆར་པར་དུ་བསྐྲུན་པ།

འགོ་བརྗོད།

ཡིག་ཚད་ཀྱི་དོན་དུ་འདུར་རྒྱུག་རྒོད་པའི་རང་རེའི་ཁོར་ཡུག་འདི་ལྟ་བུ་ལ་མཚོན་ན། རྨང་གཞིའི་སློབ་གསོ་དམན་པར་འཛིན་ཞིང་སློབ་ཆུང་དགེ་རྒན་སླ་བར་ལྟ་བའི་འདུ་ཤེས་ཤིག་ཆགས་ཡོད། དེ་ནི་འུ་ཅག་གི་སྔ་མའི་མཐོ་དམའི་ལམ་ལུགས་ཀྱི་སློབ་གསོའི་བག་ཆགས་འདོར་མ་ཐུབ་པ་དང་དེང་གི་འབྱུང་སྤུས་སློབ་གསོའི་ལྟ་བ་དང་ལེན་མ་ཐུབ་པས་ཆད་རྟགས་ཤིག་ཏུ་ངོས་འཛིན་ཆོག་གི་རེད་ལ། ང་ཚོ་སྟེ་སློབ་གྲྭ་ཆུང་འབྲིང་གི་དགེ་རྒན་རྣམས་སད་པར་བསྒྲགས་ཏེ་སྔུར་བ་ཐེན་ཀིན་པས་ཀྱང་ཡིན་རྒྱུ་རེད། དེ་འདྲའི་ངོས་ཟིན་ཐོབ་པར་བྱས་ཏེ་ད་ནས་བཟུང་འུ་ཚོ་དགེ་རྒན་ཐམས་ཅད་ཀྱིས་ཕྱི་སྔོག་ནང་སྤྲུགས་བྱས་ཤིང་རང་སྐྱོན་རང་བརྗོད་མཛད་དེ། འགྲོ་མིའི་འབྱུང་འགྱུར་གྱི་བདག་པོ་རྣམས་ལ་དཀར་འདོན་བྱེད་དགོས་ཤིང་རང་ཉིད་ཀྱི་ལྷག་བསམ་དང་འཇོན་ཐང་གི་བར་ཐག་སྙོམས་སྒྲིག་བྱེད་དགོས་པའི་ཚད་དུ་སླེབས་འདུག་པ་ཤེས་དགོས།

དགེ་རྒན་གྱིས་འཁྲིད་པ་ལས་སློབ་མས་སློབ་པ་གཙོ་ལ། སྐར་མཐོའི་དཔར་མ་མང་བ་ལས་རྨང་གཞིའི་རྩིག་གདན་སྲ་བའི་སློབ་མ་མཁོ་བའི་དུས་རབས་ཉེར་གཅིག་པའི་རྦ་ཀློང་དུ། སློབ་ཁྲིད་སྒེར་གཅོད་ཅན་དང་ཁྲིད་ཐབས་ཆིག་རྐྱང་ཅན་གྱི་དགེ་རྒན་ང་ལྟ་བུ་དག་གནས་ས་ཡེ་ནས་མེད་ཕྱིར། རང་ཉིད་ཀྱིས་རང་ཉིད་ལ་སྙིང་ཕུར་བརྡབ་ཅིང་རང་སྦྱོང་གི་ནུས་པ་མཐོར་འདེགས་ཀྱི་ཆེད་དམ། བྱིས་པའི་ཞིང་ས་གཤིན་པོར་རྨང་གཞིའི་ས་བོན་གདབ་དགོས་པའི་དོན་དུའམ། འུ་ཅག་གི་མདུན་དུ་ལྷགས་པའི་བྱིས་པ་ཁྲི་སྟོང་མང་པོ་ནི་མི་རིགས་ཀྱི་མ་འོངས་པ་དང་། དེ་དག་གི་དོན་དུ་ཤ་ཐང་ཐང་གིས་འབད་པ་བྱ་རྒྱུ་ནི་དགེ་རྒན་ཐུན་མོང་གི་གཡོལ་མེད་ཀྱི་ལས་དོན་ཞིག་ཡིན་པ། རང་ཉེས་རང་བཤགས་ཀྱི་དོན་སོགས་ལ་དམིགས་ཏེ་ངེད་གཉིས་ཀྱིས་ཀྱང་མེ་ཏོག་ཆུང་རུང་ལྷ་རྫས་དང་གུར་ཀུམ་ཉུང་རུང་སྨན་རྫས་ཀྱི་ཚུལ་དུ་སློབ་ཆུང་སློབ་མའི་བོད་སྐད་ཡིག་གི་སྤྱིའི་བསྐྱར་སྦྱོང་ལྷན་ཐབས་ཞེས་པ་འདི་སྒྲིག་རྩོམ་བྱས་ཏེ་ཁྱེད་ཀློག་མཁན་རྣམས་ཀྱི་སྤྱན་སྔར་བསྟར་བ་ལགས།

 

ཞེས་སྒྲིག་རྩོམ་པས་༢༠༡༢.༠༢.༠༧.ཉིན་རྔ་བ་ནས།

འབྲེལ་གཏུགས་བྱེད་ཡུལ།  དགེ་ཆོས།  15196208801

སྒྲིག་རྩོམ་པ་དགེ་ཆོས་ལགས་ནས་མཁོ་འདོན་གནང་།

དཔྱད་གཏམ་སྤེལ་བ།
སྒྲིག་འཇུག...
Powered by Oblog.