ཀ་ཡེ་ཁ་བ་རི་པའི་འདྲེན་པ་མཆོག །

ག་ཡང་ང་ཚོས་བརྗེ་ཐབས་དང་བྲལ་ཞིང༌། །

ཅ་དག་ཆ་མེད་མི་ཡི་གདོང་ལྔ་བ། །

ཇ་ཚད་ཉ་གང་ཟླར་འགྲན་རིན་པོ་ཆེ། །

ཏ་ལེར་ཐ་དད་གདུལ་བྱའི་མོས་སྣང་བཞིན། །

ད་ཙམ་ན་ཡང་གང་ལ་གང་འདུལ་བ། །

པ་སངས་ཕ་ལམ་ཇི་བཞིན་རང་མདངས་ཀྱིས། །

བ་སོགས་མ་ལུས་སེམས་ཅན་བདེ་གནས་བཀོད། །

ཙ་རེ་ཚ་ཟེར་ཅན་ལྟར་འོད་སྟོང་གིས། །

ཛ་ལང་ཝ་ལེར་ངན་སྤྱོད་རབ་བདོའི་དུས། །

ཞྭ་སེར་ཟ་ཧོར་མཁན་པོའི་བསྟན་སྙིང་སོགས། །

འ་ཅག་ཡ་རབས་བསྟན་མཆོག་ཕྱོགས་ཀུན་སྤེལ། །

ར་ལུག་ལ་སོགས་ཉམ་ཐག་འགྲོ་བ་ཀུན། །

ཤ་ཚ་ས་གསེར་ལྟ་བའི་བྱང་སེམས་ཀྱིས། །

ཧ་ཅང་ཨ་འཐས་གདུལ་བྱ་དེ་དག་ཀུན། །

ཧ་ལམ་ཨ་ལགས་གོ་འཕང་མངོན་གྱུར་མཛད། །

བློ་བཟང་རྒྱལ་བའི་བསྟན་དང་གངས་ལྗོངས་དོན། །

འཕྲིན་ལས་མཁར་ཁྱབ་སེམས་ཅན་བདེ་བཀོད་དུ། །

ལྷུན་གྱིས་གྲུབ་པའི་བློ་གྲོས་འོད་སྟོང་གིས། །

རྒྱལ་མཚན་བཞིན་དུ་ནམ་ཡང་ནུབ་མེད་ཤོག །