ཕ་མཚན་ལྡན་གྱི་བླ་མ་རིན་པོ་ཆེ། །རྗེ་དུས་གསུམ་མཁྱེན་པའི་ཐུགས་རྗེ་ཅན། །ལམ་ཐེག་ཆེན་སྟོན་པའི་སྐུ་དྲིན་ཅན། །རྗེ་འགྲན་ཟླ་བྲལ་ལ་གསོལ་བ་འདེབས། །སེམས་སྐྱེ་མེད་སྟོང་བའི་གཞི་རྩ་ཆོད། །གྲོལ་འཁྲུལ་སྦྲུལ་གྱི་མདུད་པ་ཁྲོལ། །ངོ་བོ་སྟོང་གསལ་འཕྱམ་ཐག་ཆོད། །མཐའ་བྲལ་གྱི་ནམ་མཁའ་ལྟ་བའི་དཔེ། །རྣལ་འབྱོར་ལྟ་བ་མཁའ་ང་བློ་སེམས་བདེ།།རང་བྱུང་རིག་པ་གཅེར་བུར་བུད། །འགྱུ་བ་རྣམ་རྟོག་མུན་པ་སངས། །རྣམ་པ་འོད་གསལ་སྒྲིབ་གཡོག་མེད། །སྤྲིན་བྲལ་གྱི་ཉི་མ་སྒོམ་པའི་དཔེ། །རྣལ་འབྱོར་སྒོམ་པ་མཁན་ང་བློ་སེམས་བདེ། །ཤུགས་འབྱུང་གཉུག་མ་རང་ས་ཟིན། །དགག་སྒྲུབ་སྨྲིག་སྒྱུའི་རི་མོ་ཡལ། །སྣ་ཚོགས་རང་ཤར་རང་སར་གྲོལ། །མཚོ་ལ་ཆར་འབེབས་སྤྱོད་པའི་དཔེ། །རྣལ་འབྱོར་སྤྱོད་པ་མཁན་ང་བློ་སེམས་བདེ། །རིག་པའི་རྒྱལ་བོ་རང་ས་ཟིན།  །རེ་དོགས་ཆུ་ཡི་ཝུ་བ་ཞིག །གནས་ལུགས་དོན་ལ་དམར་ཐག་ཆོད། །གསེར་གླིང་དུ་ཕྱིན་པ་འབྲས་བུའི་དཔེ། །རྣལ་འབྱོར་འབྲས་བུ་མཁན་ང་བློ་སེམས་བདེ།  །རྣལ་འབྱོར་བློ་བདེའི་མགུར་མ་འདི། །ང་འདམ་སྟོན་གྱི་ཉམས་ལ་ཤར་ནས་བླངས། །ཁྱེད་ཉམས་ཅན་གྱི་ཉམས་ཀྱི་གསལ་འདེབས་མཛོད། །ཅེས་གཡུང་དྲུང་སྒོམ་ལ་གདམས་པའོ། །