རྣམ་ཤེས་ཁེར་རྐྱང་གི་སྙན་ངག
ཨ་རག་གི་ནུས་པས་ང་ལ་དགའ་མྱོང་ལ།
སྡུག་བསྔལ་ཀྱང་སྤྲོད་མྱོང་།
ཨ་རག་གི་ནུས་པས་ང་ལ་རོགས་པ་ཡང་བྱས་མྱོང་ལ།
ངན་ཡང་བྱས་མྱོང་།
ཨ་རག་ནུས་པས་ང་ལ་དཔའ་སྤྲོད་མྱོང་ལ།
སྲོག་ལ་ཉན་ཁ་ཡང་བྱས་མྱོང་།
ཨ་རག་ནུས་པས་ང་ལ་བདེ་སྐྱིད་ཀྱི་འཚོ་བ་ཀྱང་སྤྲོད་མྱོང་ལ།
སེམས་པ་ཡང་སྐྱོབ་མྱོང་།
ཨ་རག་གི་ནུས་པས་ང་ལ་ཤེས་ཡོན་ཀྱང་སྤྲོད་མྱོང་ལ།
བློ་ཕམ་པ་ཡང་བྱས་མྱོང་།
ཨ་རག་གི་ནུས་པས་ཡ་རབས་བའི་ཁྱིམ་ཚང་དཀྲུག་མྱོང་ལ།
བོད་ཀྱི་དཔའ་བོ་ཚོ་ལ་བདག་སྐྱེད་ཡང་བྱས་མྱོང་།
ཨ་རག་གི་ནུས་པས་ངའི་རྒྱལ་ཁ་ལོངས་མྱོང་ལ།
བོད་ཀྱི་རྩ་དོན་ཀྱང་བརླགས་མྱོང་།
ཨ་རག་ནི་དགའ་རོགས་དང་འགྲོ་རོགས་ཀྱང་ཡིན་ལ།
ཨ་རག་ནི་མ་དག་པའི་ལས་བསགས་བྱེད་ཀྱི་རྒྱུ་ཡང་ཡིན།
ཨ་རག་ནི་སྐྱིད་རོགས་དང་སྡུག་རོགས་ཀྱང་ཡིན་ལ།
ཨ་རག་ནི་རང་ལ་བདག་རྐྱེན་བྱེད་མཁན་གཙོ་བོ་ཅིག་ཡིན།
གྲོགས་པོ་ཚོ།
ཨ་རག་ལ་གཟིགས་དང་དྲི་བསུང་ཞིམ་པོ་ཅིག་འདུག
མ་ཟད།
ཨ་རག་གི་ནུས་པ་ནི་ཤིན་ཏུ་སྟོབས་ཆེའི་ཁྱོད་ལ་ལམ་སྟོན་ཡག་པོ་བྱེད་སྲིད།
ཨ་རག་གི་ནུས་པ་ནི་ཤིན་ཏུ་སྟོབས་ཆེ་བའི་འཛམ་གླིང་རྒྱལ་པོ་འགྱུར་སྲིད།
- ཟིན་ཐོ་གོང་མ།ས་མཐའི་མིག་ཆུ།
- ཟིན་ཐོ་འོག་མ།བོན་པོ་སྔོན་པོ་སྟོད་གོས་སྔོན་པོ་གོན།
འཐུང་ཤེས་ན་བཟང་གི་དཀྱིལ་འཁོར་འགྲུབ།། འཐུང་མ་ཤེས་མུན་པའི་དོང་ལ་འདྲུད།། འཐུང་ཤེས་ན་གནམ་ལྕགས་ཤེས་རིག་སྩོལ།། འཐུང་མ་ཤེས་དམུན་པོའི་ཆོ་ལོ་གནང་།། འཐུང་ཤེས་ན་རྒྱུ་འབྲས་རྒྱ་མིག་གསལ།། འཐུང་མ་ཤེས་རྒྱུ་འབྲས་ལྟ་ལོག་སྤེལ།། འཐུང་ཤེས་ན་གཏམ་གྱི་བཞད་གད་མཆེད།། འཐུང་མ་ཤེས་ལྕེ་རྩེ་མདུད་ལོག་རྒྱག། འཐུང་ཤེས་ན་དགྲ་བོ་དྲུང་གིས་འདུལ།། འཐུང་མ་ཤེས་རང་མགོ་འཁྱག་ལ་འབྱར།། འཐུང་ཤེས་ན་རྩེད་རོགས་དགོད་གྲོགས་ཡིན།། འཐུང་མ་ཤེས་འཕྱ་རོགས་བརྙས་གྲོགས་ཡིན།།འཐུང་ཤེས་ན་དཔའ་བོའི་མཚོན་ཆ་ཡིན།། འཐུང་མ་ཤེས་རང་སྐེ་ལེན་བྱེད་ཡིན།། འཐུང་ཤེས་ན་གྱོད་བཤད་གཟུ་བ་ཡིན།། འཐུང་མ་ཤེས་གྱོད་མཆུའི་ལག་རོགས་ཡིན།། ཀུ་རེ་བཤད་ན་དེ་འདྲ་རེད།
གྲོགས་པོ་ལགས།ཤུགས་རྒྱོབས།