ས་མཐའི་མིག་ཆུ།

ཨ་སྔོན་ནམ་མཁའ་ཡི་དབྱིངས་ནས།།

དཀར་གསལ་ཟླ་བ་ནི་ཤར་སོང་།།

རྒྱང་རིང་ཟླ་བོ་ཡི་གསུང་སྐད།།

ད་དུང་གོ་རྒྱུ་ཡང་མི་འདུག།།

དབྱར་གསུམ་ནམ་ཟླ་ཡི་དཀྱིལ་ནས།།

ནམ་མཁའི་སྤྲིན་པ་རུ་འཁྲིགས་སོང་།

རྒྱང་རིང་ཁུ་བྱུག་ཡི་གསུང་སྐད།།

ད་དུང་གོ་རྒྱུ་ཡང་མི་འདུག།།

རྒྱལ་ཁབ་དུ་མ་རུ་བསྐོར་ནས།།

ལྷོ་ཕྱོགས་འཕགས་ཡུལ་དུ་སླེབས་སོང་།།

རྒྱང་རིང་ཕ་མ་ཡི་གསུང་སྐད།།

ད་དུང་གོ་རྒྱུ་ཡང་མི་འདུག།།

དཔལ་ལྡན་སྨན་དགོན་དུ་འབྱོར་ནས།།

མཁན་སློབ་ཉི་ཟླ་ཡི་མདུན་ནས།།

འདུལ་བའི་སྡོམ་པ་རུ་ཞུ་དུས།།

དད་པ་དབང་མེད་དུ་ཤོར་སོང་།།

འབྲས་སྐྱ་ལྡ་ལི་རུ་མཐུང་དུས།།

ཕ་ཡུལ་རྩམ་པ་རུ་དྲན་བྱུང་།།

བསམ་བློ་ཡང་ཡང་གི་གཏོང་དུས།།

མིག་ཆུ་དབང་མེད་དུ་ཤོར་སོང་།།

གཏི་མུག་ཁང་ཆུང་གི་ནང་ནས།།

དྲི་མེད་ཤོག་དཀར་གྱི་སྟེང་ལ།།

བུ་སྨྱོན་ཤེར་དབང་གི་ལག་ནས།།

དོན་མེད་ཚིག་གསུམ་དུ་ཕབས་ཡོད།།