དུས་རབས་ཉེར་གཅིག་པའི་སློབ་ཕྲུག

ཁ་ལ་ཐ་མ་འཁྱེན་ནས།།

སྐེ་ལ་ལྕགས་ཐག་བཏགས་ཤིང་།།

གོས་ཐུང་རྐུག་ལ་གྱོན་མཁན།།

དེང་རབས་ཅན་གྱི་ཕྲུག་གུ།།

རང་ལ་ཤེས་ཡོན་མེད་པ།།

གཞན་གྱི་ལད་མོ་མ་བྱེད།།

བསམ་བློ་ལེགས་པོ་བཏང་ནས།།

སྤྱོད་ངན་དེ་རིགས་སྤོངས་ཤིག།

སློབ་གྲྭའི་གོ་སྐབས་བཟང་པོ།།

བེད་སྤྱོད་ལེགས་པོ་བཏང་ནས།།

རང་གི་རྐང་པའི་སྟེང་ལ།།

ལངས་པའི་ཐབས་ལ་བརྩོན་དང་།།

གུས་པའི་སེམས་ཀྱི་རེ་བ།།

ཁྱེད་རྣམས་ལེགས་པ་གསན་དང་།།

མི་དགོས་སྤྱོད་ངན་སྤངས་ཤིང་།།

དགོས་པའི་སློབ་སྦྱོང་སྦྱོངས་དང་།།