བོད་མི་རིགས་འདི་རླབས་ཆེན་གྱི་མི་རིག་ཞིག་ཡིན་ཡིན།

ང་ཚོ་བོད་མི་རིགས་ཀྱི་རྣམ་དཔྱོད་དེ་དངོས་གནས་ཕུལ་དུ་བྱུང་བའི་རྣམ་དཔྱོད་ཡོད་པ་ཧ་ཅང་གསལ་པོ་རེད།དེར་བརྟེན་ང་ཚོ་སྤོབས་པ་སྐྱེས་འོས་པ་ཞིག་ཏན་ཏན་རེད།

བོད་མི་རང་ཉིད་ཀྱི་རྣམ་དཔྱོད་ཀྱི་རྩལ་གྱི་ངོས་ནས་བཤད་ན།བོད་པ་ཚོ་སྤྱི་བཏང་ཧ་ཅང་གི་རིག་པ་ཡག་པོ་ཡོད་ཅིང་།སློབ་སྦྱོང་བྱེད་ས་གོ་སྐབས་བྱུང་ན་སློབ་སྦྱོང་འདྲ་མཚུངས་བྱེད་ཐུབ་པ་ཞིག་ཡོང་གི་ཡོད།ང་རང་ཚོས་སྐབས་རེ་སྒྱིད་ལུག་དང་ལེ་ལོ་བྱས་ཏེ་སློབ་སྦྱོང་ལ་དེ་ཙམ་ཤུགས་མ་རྒྱབ་པ་དེ་འདྲ་ཏན་ཏན་ཡོང་གི་ཡོད།

ལྷག་པར་འདས་པའི་ལོ་སྟོང་ཕྲག་སྔོན་དུ་ང་ཚོའི་ཕ་མེས་ཚོད་སངས་རྒྱས་པའི་ཆོས་ཀྱི་ལྟ་གྲུབ་ཐོག་ལ་བྱས་རྗེས་ཇི་ལྟར་འཇོག་གནང་མཛད་ཡོད་མེད་བསམ་བློ་ཞིག་བཏང་ཚེ་ཧ་ལས་ཤིང་ངོ་མཚར་སྐྱེ་རྒྱུ་རེད།དེར་བརྟེན་ང་ཚོའི་མི་རིགས་འདི་སྤོབས་པ་སྐྱེས་འོས་པ་ཞིག་ཏན་ཏན་རེད།

དེར་བརྟེན་ད་ལྟ་དུས་རབས་ཉི་ཤུ་རྩ་གཅིག་པའི་ནང་ལ་འཛམ་གླིང་འདིའི་སྟེང་དུ་བོད་ཀྱི་ཆོས་དང་རིག་གཞུང་ཞེས་པ་དང་།བོད་ཀྱི་མི་རིགས་ཞེས་པའི་གནས་ཚུལ་གསལ་རྟོགས་ཆེ་རུ་ཕྱིན་སྐབས་བོད་པར་ཆེ་མཐོང་སླེབས་ཏེ་དེང་སྐབས་བལ་པོས་ཀྱང་བོད་པ་ཡིན་ཞེས་བརྗོད་དགོས་ཀྱི་ཡོད།

རྒྱུ་མཚན་གང་ཡིན་ཟེར་ན།བོད་པ་ཡིན་ཞེས་བརྗོད་ན་ཕྱི་རྒྱལ་ལ་འགྲོ་བདེ་བ་དང་།ཕྱི་རྒྱལ་ལ་སླེབས་རྗེས་མིས་དོ་སྣང་ཆེ་བ་དང་དགའ་པོ་བྱེད་པའི་དོན་དུ་བོད་པ་ཡིན་ཞེས་བརྗོད་དགོས་པ་དེ་ཡོང་གི་ཡོད།དེར་བརྟེན་འདི་གང་ལ་བརྟེན་ནས་བྱུང་རེད་དམ།འདི་ང་ཚོ་རྒྱུ་མང་དུ་ཕྱིན་ནས་བོད་པར་མཐོང་ཆེ་རུ་ཕྱིན་པ་གང་ཡང་མིན་ལ།ང་ཚོ་བོད་པའི་གཟུགས་པོ་ཧ་ཅང་མི་འདྲ་བ་ཞིག་གི་ཐོག་ནས་བོད་པར་མཐོང་ཆེ་རུ་ཕྱིན་པ་མིན་པར་བོད་པའི་ཆོས་དང་རིག་གཞུང་འདི་དག་འཛམ་གླིང་འདིའི་སྟེང་དུ་རིན་ཐང་ཡོད་པ་ཞིག་ཡིན་པས་ན་རིང་ཐང་ཡོད་པའི་མི་རིགས་དེར་མཐོང་སླེབས་ཀྱི་ཡོད།

དེ་འདྲ་སོང་ཙམ་ང་ཚོའི་མི་རིགས་འདི་སྤོབས་པ་སྐྱེ་འོས་པ་ཞིག་ཏན་ཏན་རེད།གང་ཡིན་ཟེར་ན།ང་ཚོ་བོད་པ་གངས་ཅན་པ་ཞེས་པ་འདི་ང་ཚོ་ལོ་རྒྱུས་ཡོད་པ་ཞིག་དང་གཞི་རྩ་ཡོད་པའི་མི་རིགས་ཤིག་ཡིན།

སྤྱི་བཏང་ང་ཚོ་བོད་པ་ཧ་ཅང་གྱོང་པོ་རེད།དེར་བརྟེན་ང་ཚོའི་མི་རིགས་འདི་སྤོབས་པ་བྱེད་འོས་པ་ཞིག་ཆགས་ཡོད།