༧ འགྲོ་མགོན་སྨན་གོང་བའི་རྣམ་ཐར་བཞུགས༎

༄༅། །ཨེ་མ་ཧོ། ལྷུན་གྲུབ་སྐུ་ནི་ཡིད་བཞིན་ནོར་བུའི་ཚུལ། འགྲོ་རྣམས་མཐོང་བ་ཙམ་གྱི་འདུན་པ་སྐྱེ། སྐུ་མཆོག་ཡོན་ཏན་རྫོགས་པ་ལ་ཕྱག་འཚལ་ལོ། །བདེན་པའི་གསུང་ནི་སྙན་པའི་ཁུ་བྱུག་སྒྲོགས། འགྲོ་ཀུན་ཐོས་པ་ཙམ་གྱི་མོས་པ་སྐྱེ། གསུང་མཆོག་འོད་ཟེར་ལྡན་ལ་ཕྱག་འཚལ་ལོ། །རྣམ་དག་ཐུགས་ནི་སྤྲོས་བྲལ་ནམ་མཁའི་ངོག འགྲོ་རྣམས་འདྲེན་པ་ཙམ་གྱིས་གདུང་བ་སེལ།ཐུགས་མཆོག་འཁྲུལ་པ་མེད་ལ་ཕྱག་འཚལ་ལོ། །མི་མཐུན་ཕྱོགས་རྣམས་ཉེ་བར་ཞི་བའི་ཕྱིར། ལུས་ངག་ཡིད་ལ་བྱིན་གྱིས་བརླབ་ཏུ་གསོལ། ཉེས་བྲལ་བདེ་ལེགས་ཀུན་གྱིས་ཞིར་གྱུར་པའི། བླ་མ་ཁྱོད་ཀྱི་ཡོན་ཏན་བསམ་མི་ཁྱབ།འདི་ཞེས་བདག་གིས་དཔག་པ་མི་ནུས་ཀྱང་། བརྩེ་བའི་སྙིང་རྗེ་ཆེན་པོས་རྗེས་བཟུང་ནས། ལམ་ལ་དཀའ་བ་སྤྱད་པའི་རྣམ་ཐར་རྣམས། ཐོས་པའི་གཏམ་ལ་བརྟེན་ཏེ་དག་གིས་བྲི། སྙན་པའི་བ་དན་འཇིག་རྟེན་ཀུན་ཏུ་སྒྲོགས་ཤིང་།འགྲོ་བ་སེམས་ཅན་གྱི་དཔལ་དང་མགོན་དུ་གྱུར་པའི་བླ་མ་སྨན་གོང་བ་ཆེན་པོ་དེ། སྐྱེད་ཐོབ་ཀྱི་དད་པ་དང་ཤེས་རབ་ལྡན་པས།ཆུང་ནས་རིག་པའི་གནས་ལ་མཁས་པ།མཁས་པར་གྲགས་པའི་བླ་མ་ལ།ཐོས་བསམ་གྱི་ཤེས་རབ་ཚུལ་བཞིན་དུ་སྦྱངས་ཤིང་།སྡེ་སྣོད་ཀྱི་དགོངས་པ་ཐུགས་སུ་ཆུད་པ།ཁྱད་པར་ལྔ་ལྡན་གྱི་མཁན་སློབ་ལ།དག་པར་ཁྲིམས་རྫོགས་མཛད་ནས།དཀའ་ཐུབ་དུ་མ་མཛད་པ།དོན་རྟགས་ཀྱི་བླ་མ་ལ་དགོངས་པའི་ལུང་ཞུས་ནས།ཞེན་ལྟུང་གི་འཁོར་སྤངས་ནས་དབེན་པའི་གནས་སུ་གཤེགས།རི་དགོན་དང་གྲོང་ཡུལ་ཐ་དག་ཏུ་བྱོན་ནས།རིག་པའི་རྩལ་སྦྱོང་ཞིང་ཕྱི་ནང་གིས་རྣམ་རྟོག་ཟིལ་གྱི་མནན།རང་བས་ཡུལ་དམན་པའི་སེམས་ཅན་བརྩེས་འཛིན་ཅིང་།ཐེག་པ་ཆེན་པོའི་དོན་མ་ནོར་བར་རྒྱུད་པ་མངའ་བའི་བླ་མ་ཆེན་པོ་དེ།སྐུ་སྐྱེ་བ་བཞེས་པའི་ཡུལ་ནི་གཡས་རུའི་སྙིང་པོ་ཤངས་ཀྱི་འོགས་ཕྱོགས་ཁོང་ང་བྲག་རིངས།བྲག་ཟོ་བ་སྤྱང་ལ་བཏགས་པ་ལྟ་བུ་དང་།ཡབ་མང་ཡེར་བོན་པོ་ཐོ་ལེ་གྲངས་དང་ཡུམ་སྙི་མོ་ཟ་ན་གུ་བྱ་བའི་སྲས་སུ་འཁྲུངས་ཏེ།མཚན་རྒྱལ་ལེ་ཞེས་བྱ་བ་གྲགས་པ་ཡང་འཁོར་བ་དང་ཉོན་མོངས་ལས་རྒྱལ་བའི་དོན་དང་ལྡན་པ་ཡིན་ནོ། །དེ་ཡང་སྐུ་མཆེད་བཞི་ཡོད་པའི་ཐ་ཆུང་ཡིན་ཏེ།ཡབ་ཡུམ་གྱི་ཆུང་ངུ་བོར་ཡང་སྐྱེས་ཐོབ་ཀྱི་དད་པ་དང་ཤེས་རབ་ཡོད་པས། རྒུང་ལོ་བཅུ་གསུམ་ལོན་ཙམ་ན།འབྲིས་ཀློག་གཉིས་ལ་མཁས།དེ་ནས་ཐེག་པ་མཐའ་དག་གི་དོན་རྫོགས་པར་བྱ་བའི་ཕྱིར།སློབ་ དཔོན་མར་སྟོན་འོད་དེའི་རྗེས་སུ་བཟུང་སྟེ།རྒྱུ་ཡི་ཐེག་པའི་སྒོར་བཞུགས་ཏེ།འགྲོ་བ་འཁྲུལ་སྣང་གིས་སྡུག་བསྔལ་དང་།དོན་གྱི་བར་ཆོད་ཞི་བར་བྱ་བའི་ཕྱིར།གཏོ་དང་དཔྱད་ལ་མཁས་པར་སྦྱང་། དབལ་མོ་ཤ་ཁྲག་ལ་རྟེན་པ་དང་།ཤི་བ་གནས་སུ་དྲང་བ་ལ་སོགས་པ་རྒྱུ་ཡི་བོན་ཐུགས་སུ་ཆུད་དོ། །དེ་དག་ཀྱང་ལྟ་སྤྱོད་དམན་པ་སེམས་ཅན་གྱི་དོན་ལས་སྤྱོད་དང་ཐུན་པར་སྣང་བས།དགུང་ལོ་ཉི་ཤུ་རྩ་གཉིས་ལ་འབྲས་བུའི་སྒོར་གཞུག་སྟེ།འགྲམ་གྱི་ཤ་ཆག་ཏུ་རྡོར་སྟེང་སྤ་བ་ལུང་བས་དབུ་ཡི་སྐྲ་ བཅད།གཏན་ཁྲིམས་སྣ་ལྔའི་སྡོམ་པ་ཞུགས་ནས་དགེ་བསྙེན་མཛད།དེ་ནས་བླ་མའི་རྩི་སྟོན་གྲགས་པའི་སྤྱན་སྔར་བྱོན་ནས།གསང་སྔགས་ཀྱི་དབང་བཞི་རྫོགས་པར་ཞུས་པས།བཟུང་འཛིན་གྱི་སྣང་བ་ལྷ་ཡི་སྐུ་རུ་གཟིགས།ཞི་ཁྲོ་ལྷ་ཡི་གནས་ལུགས་བརྟན་ལ་ཕེབས།ལམ་བསྐྱེད་རྫོགས་གཉིས་ཀྱི་དོན་ཐུགས་སུ་ཆུད་དོ་།།སྔགས་སེམས་ཀྱི་རྒྱུད་སྡེ་མཐའ་དག་ཐོས་པས་སྦྱངས་སོ།།དེ་ནས་གུར་ན་ ཤོག་ནས་བཀྲ་རུ་བྱོན་ནས།བླ་མ་རྨེ་སྟོན་དཔལ་ཆེན་ལ་ཁྱིམ་པའི་རྟགས་བོར་ནས།གཙང་མ་གཙུག་ཕུད་དུ་རབ་ཏུ་བྱུང་།སྔགས་སེམས་ཕྱོགས་མཚན་ཉིད་གསུམ་ལ།ཐོས་བསམ་གྱི་ཤེས་རབ་ ཁྱུང་གི་རླབས་བཞིན་དུ་སྒྲོ་འདོགས་བཅད།ལྷོ་བྱང་གི་མདོ་གསུམ་གྱི་བོན་ལ་མཁས་ཚིག་དོན་ལ་སྤྲོས་པ་ཆོད་པའི་དབང་གིས།འཆད་པ་དང་བརྩོད་པ་དང་།རྩོམ་པ་ལ་ཐོགས་པ་མེད་པར་གྱུར་ཏོ།།གྲྭ་ས་དེར་ཟུར་ཤང་བག་རེ་ཡང་མཛད་ཅིང་བཞུགས་སོ།།དུས་དེར་བླ་མ་རྩི་སྟོན་གྲགས་སེ་ཡང་སྐུ་ཡལ།གྲྭ་པ་ཁ་ཅིག་འཁོན་བྱེད་པ་ཡང་སྡུམ་གྱི་མ་ལང་ནས།ཡོངས་འཇིག་རྟེན་སྣང་བ་སྤྲིན་དང་ན་བུན་འདྲ།བགས་ཆགས་མཐུ་ལྟས་དངོས་པོ་བདེན་པར་འཛིན།དོན་དང་འགལ་བས་འཁོར་བར་བརྟེན་འཁྱམས་ངེས། ཡོང་ནང་འདུས་ཀྱི་ཁ་ལོ་གྱུར་པ་ཡང་དཀའ་བར་འདུག རྒྱུད་ངན་གྱི་མི་སེམས་འཛིན་པ་ཡང་དཀའ་བར་འདུགང་རང་ཅིག་པུར་རི་ཕུག་ཅིག་ཏུ་ཉམས་སུ་ལེན་དགོས་གསུང་ངོ་།།དེ་ནས་དབུས་སུ་བྱོན་ཏེ་མཁན་པོ་བ་ཝངས་པ་ཚུལ་ཁྲིམས་བླ་མ་ལ་ཞུས་ཏེ།དག་པར་ཁྲིམས་རྫོགས་མཛད་ཡར་ལམ་ཤར་སྙི་མོ་ཤ་སྙི་ཕུག་གི་རི་ལ་དོན་རྟོགས་ཀྱི་བླ་མ་གཙང་པ་སེ་བོ་ བཞུགས་པ་ལ།ཐེག་པ་ཆེན་པོའི་ངོ་སྤྲོད་ཞུས་པ་ལས།བླ་མའི་བཀའ་དྲིན་གྱི་དུས་དེ་ཉིད་དུ་རྩ་ཅིག་སྤྲོས་བྲལ་དགོངས་པ་ཐུགས་སུ་ཆུད་ནས།སྐྱེ་འགག་གཉིས་མེད་ཀྱི་དོན་གཏན་ལ་ཕེབས་སོ།།དེ་ནས་ཤངས་སུ་བྱོན་ནས།ཇོ་མོ་ཕྲེས་མོའི་རི་ལ།ཡོན་དག་བཙན་གྲགས་ཀྱི་ཞབས་ཏོག་བྱེད་ཀྱིན་བཞུགས་པའི་དུས་སུ།ས་བདག་གི་རྟོག་པ་ཅིག་བྱུང་སྟེ།སྨིན་འཚམས་ཤ་རོ་བྱུང་སྟེ།སྲུང་བ་ མཁན་ལ་བསྟན་པས་ཀྱང་།བཟླས་པ་ལ་གྲིལ་དགོས་པར་འདུག་ཟེར།བླ་མའི་ཞལ་ནས་དུས་ད་རེས་ལ་གཏན་གྱིས་འདུན་མ་བྱེད་དགོས་པ་ཡིན།དུས་ད་རེས་ཀྱི་མི་ཚེ་ཡུད་ཙམ་འདི་ལ་དོན་ཞེ་སྡང་སྐྱེད་ནས་བཟླས་པ་བྱེད་མི་ཁོམ།མཛེ་རང་ནམ་འོང་བ་ན་ཤོག་གསུང་ནས་ཉམས་སུ་ལེན་ཅིག་ བཞུགས་པས།དེའི་དུས་སུ་གཅེན་པོ་གཉིས་དྲུང་དུ་བྱོན་ནས།ད་ཡུལ་དུ་གཤེགས་པར་ཞུ།རྟོག་ པ་འདི་བཞག་དུ་མི་འདོད་པས།རིམ་གྲོ་ལ་སོགས་བྱ་དགོས་ཞུས་པས། བླ་མའི་ཞལ་ནས་རིམ་འགྲོ་ བྱེད་པའི་རྒྱུ་དང་ཡོ་བྱད་ཀྱང་མེད།ཡི་ཡོད་པས་བླ་མའི་ཞབས་ཏོག་བྱས་པ་ཡིན།རྒྱུ་ཡོད་ཀྱང་འདྲེ་ལ་བསམ་ནས་རིམ་འགྲོ་བྱ་དགོས་ཞུས་པས།བླ་མའི་ཞལ་ནས་རིམ་འགྲོ་བྱེད་པའི་རྒྱུ་དང་ཡོ་བྱད་ཀྱང་མེད།མི་ཡོད་པས་བླ་མའི་ཞབས་རྟོག་བྱས་པ་ཡིན།རྒྱུ་ཡོད་ཀྱང་འདྲེ་ལ་བསམ་ནས་རིམ་འགྲོ་བྱེད་མི་ཁོམ།ཁྱེད་དགའ་ན་ལན་གཅིག་ཡུལ་དུ་འགྲོ་ཡིས་གསུང་ནས།བྱོན་ཏེ་ཁོང་

རང་གིས་རྩེ་ལྷའི་བྲག་ལ་བཞུགས་སོ།།དེའི་དུས་སུ་ནུབ་ཅིག་ཟླ་བ་དཀར་པོ་ལ་དགོངས་པ་ལས་དེང་ངེ་བཞུགས་པའི་དུས་སུ།ཞལ་རས་ཐམས་ཅད་ཟ་ཁོལ་ཁོལ་བྱུང་། དེ་ནས་ཅུང་ཟད་ཅིག་ལོན་ཙ་ན།ཤངས་ ནས་སྡོམ་ཐེམ་མོ་ཙམ་ཅིག་ཐོན་ནས།ཞབས་དཀྱིལ་དཀྲུང་གི་སྟེང་ན་དར་ཅིག་སྤྲད་དེ་འདུགདེ་ ལ་སྙིང་རྗེ་དཔག་རུ་མེད་པ་སྐྱེས་གསུང་།དེ་དུས་དེ་ཉིད་དུ་སྐུ་ཁམས་མི་བདེ་བའི་རྟོག་པ་ལས་གྲོལ་ཏེ།ཞལ་རས་ལ་ཤུ་བ་དང་ཆུ་བུར་ལས་སོགས་བྱུང་བ་སོས་སོ།།དེ་ནས་བླ་མིའི་ཞལ་ནས་གདོན་ ལས་སོགས་པ་གནོད་པ་ན། ཞེ་སྡང་གྲགས་སྔགས་ཇི་སྙེད་ཅིག་བཟླས་པས་ཀྱང་། མི་རྟག་པ་དར་ཅིག་གམ། བྱང་ཆུབ་ཀྱི་སེམས་དར་ཅིག་བསྒོམ་པ་དེ་རང་བྱིན་ཆེ་བར་འདྲ་གསུང་ངོ་། །དེའི་དུས་སུ་ཚ་བོ་ཅིག་ཤི་ནས། ཕ་མ་མྱ་ངན་བྱེད་པ་ལ་གསུང་པས།རྒྱུ་མ་ཡིན་པས་ནམ་ཡང་མི་རྟག་ངེས།དེ་ལ་སྡུག་བསྔལ་བྱེད་པ་འཁྲུལ་པ་ཡིན། བཞུགས་སུ་མ་གནང་བར་མཚོ་ཉ་ལྕམ་ལུང་དུ་གཤེགས་པའི་ལམ་གདན། འཛེ་ཕོ་རོ་སྨད་རྨ་རུ་སོང་ཅིག་ལ་སྦྲང་བུ་ཐིབ་པ་ཅིག་འདུག་སྟེ།དེ་ལ་སྙིང་རྗེ་སྐྱེས་ནས་སྤྱན་ཆབ་བྲུམ་ཏེ་བྱུང་། ཐང་བའི་རྣམ་པ་ཅིག་ཕོག་སྟེ་དེའི་རྐང་པ་བཀྲིས་ཏེ། པྲོ་ཡི་ཟན་མར་ཅིག་ཡོང་བ་དེ་ལ་བྱིན།དེ་ཡི་གཡོག་བྱེད་ཀྱིན་ཞག་འགའ་བཞུགས།བྱིན་རླབས་མཛད་ཅིང་གདམ་ངག་བསྟན་པས། ནད་པ་དེ་ཅུང་ཞིག་བདེ་བར་འགྱུར་ཏེ། དུས་དེ་ཉིད་དུ་ཕྱི་ནང་གི་རྣམ་རྟོག་ཟིལ་གྱིས་གནན་ཏེ། རྟོག་མེད་ཅིར་ཡང་གསལ་བའི་གཟི་བརྗིད་དང་ལྡན་ནོ། །དེ་ནས་སྙི་མོར་བྱོན་ནས་རྒུན་ཅིག་ཆུ་མ་ཕུག་ཏུ་བླ་མིའི་སྤྱན་སྔར་བཞུགས། དབྱར་བསྒོམ་པ་དབལ་པོ་དང་གཉིས་གངས་དཀར་ལ་བཞུགས་སོ། །བདེ་གསལ་མི་རྟོག་པའི་ཉམས་ལེན་སྐྱེས་པའི་རི་ཅིག་འདུག་གསུང་། དེའི་དུས་སུ་ཉམས་ཀྱི་སྣང་བ་མི་འདྲ་འགའ་ཤར་བ་འདྲའོ། །དེ་ནས་ཐེམ་སྤངས་མཛད་ནས། རི་དགོན་ལ་སོགས་པ་དབེན་པའི་གནས་མཐའ་དག་ཏུ་བཞུགས། སློབ་དཔོན་གཙུག་གཤེན་རྒྱལ་བའི་རྗེས་སུ་བཟུང་ནས་གདན་ཅིག་མཛད། མདོའི་ལུང་ལ་རྟེན་ནས་གཉིད་སྤངས་དང་། བསོད་སྙོམས་ལྡུམ་བུ་མཛད་པ་དང་། རི་ཁྲོད་ལ་སོགས་པའི་དཀའ་ཐུབ་ཏུ་མཛད་པས། སྦྱངས་པའི་ཡོན་ཏན་དུ་མ་ཡང་དག་པ་ལྡན་པར་དྲོད་རྙེད་ཅིང་།སེམས་ཀྱི་འབྲས་བུ་ཐོབ་པ་ལ་སོགས་ས་ལམ་གྱི་རྟོགས་པ་ཁྱད་པར་ཅན་རྒྱུད་ལ་སྐྱེས་པ་ཡིན་པར་འདུག་གོ།།དེ་ཡང་རི་དགོན་མཐའ་དག་ལ་བཞུགས་ཤིང་ལམ་མཐའ་དག་ལ་སྦྱངས་པ་ཡིན་ཏེ།གྲམ་གྱི་གངས་ལུང་གི་རི་དང་།ག་ཐོག་གིས་དགོན་པར་བཞུགས་པའི་དུས་ན།གཡུང་དྲུང་ཡོངས་སུ་རྫོགས་པའི་བསྙེན་གྲུབ་མཐར་ཕྱིན་པར་མཛད་དེ།དགོངས་པ་རྣམ་ལྔའི་དོན་དང་ལྡན་པས།དུས་དེ་ཉིད་དུ་བོན་གྱི་དངོས་གྲུབ་མཐིལ་དུ་ཕེབས་པ་ཡིན་ནོ།།དེ་ནས་ དྲུང་གིས་འབྲུག་ལོའི་རི་དང་ཙ་ཤོད་ཐོ་ཐོ་དཀར་པོའི་རི་ལ་བཞུགས་པའི་དུས་སུ་སྤྱི་སྤུངས་ཁྲོ་བོའི་སྙེན་གྲུབ་མཐར་ཕྱིན་པར་མཛད་པས།དུས་དེ་ཉིད་དུ་བོན་གྱི་དངོས་གྲུབ་མཐིལ་དུ་ཕེབས་པ་ཡིན་ནོ།།གྲུབ་རྟགས་ཀྱང་དུ་མ་ལྡན་ཏེ།ནམ་མུར་འཛེག་གིས་འཛེ་སོར་བ་ཡང་མང་དུ་བྱུང་།སྔགས་ཆུས་དུག་ནད་སོས་པ་ཡང་མང་དུ་བྱུང་།སྐུ་ཡི་རྣམ་སྤྲུལ་ལམ་བཀོད་པ་ཡང་དུ་མ་མཁྱེན་པ་འདྲའོ།།དེས་ན་མཆོག་དང་ཐུན་མོང་གི་དངོས་གྲུབ་དུ་མ་དང་ལྡན་པ་འདུག་གོ།།དེ་ནས་ཡང་འབྲང་གི་ཁ་སེར་གྱི་བྲག་ལ་ཕྱུག་པོ་འབུམ་གྲགས་བྱ་བའི་མཛེ་བོ་རྐང་ཆད་པ་ཅིག་གི་གཡོག་མཛད་ཅིང་།དབྱར་ཐོག་གཅིག་གཉིས་བཞུགས་པས།བླ་མ་གསེང་པ་ལས་གཤེགས་པའི་ཤུལ་དུ།མི་ངན་ཁ་གཅིག་བྱུང་ནས་རྒྱག་ཕྱེ་རྣམས་ཁྱེར་ཏེ།ནད་པ་དེ་ངུ་ཡིན་འདུག་པ་ལ་བླ་མའི་ཞལ་ནས།མི་སྔོ་ཐབས་ལ་མཁས་པས་དགེ་བར་བསྔོས་པར་ཆོག་པ་ཡིན་གསུང་།ཕྱི་དེ་ཚོ་ལ་གཉིས་ཙམ་ཤིང་ལ་ལ་མཛེ་བྱུང་འདུག་ པས།བླ་མའི་ཞལ་ནས་འུ་ཆག་བློས་ཐོངས་པར་བྱས་པ་ཡིན་ཏེ།དགེ་སྦྱོར་བའི་ཡོ་བྱད་འདི་ཡང་ཕལ་གྱིས་མི་འཇུ་བ་ཡིན་པ་འདུག་གསུང་ངོ་།།དེ་ནས་ཡང་མཛོ་ཉ་གྲང་སྙིང་དུ་བཞུགས་ཏེ།འཕྲིན་ལས་ཡུལ་བསྐོར་དུ་ཕྱེ་ནས་རྣམ་དག་གིས་གྲུབ་པ་རྒྱ་ཚར་གཅིག་མཛད་པས།བྱིན་བརླབས་དཔག་ཏུ་མེད་པ་བྱུང་།བླ་མའི་ཞལ་ནས་བློན་ལྷོ་གཏེར་འདི་ལྟ་བུའི་གྲུབ་ཐག་ཉེ་བའི་ཟབ་མོའི་ཁོ་བོ་ལ་ཡོད་ན།གྲུབ་ཐོབ་ཀྱི་འཇིག་རྟེན་ཁེངས་པར་འདུགའུ་ཅག་བོན་པོ་འདྲ་བས་གྲུབ་པ་ལ་དཀའ་ཐུབ་མི་ནུས།སྙིང་པོ་ལྷ་ཡི་སྤྱན་འདྲེན་ཡིན་ཏེ།ལོ་གཅིག་གི་བསྙེན་པ་སྐྱེལ་མི་ནུས།ཏིང་ངེ་འཛིན་ལྷ་ཡི་ཞགས་པ་ཡིན་ཏེ།ལོ་ཟླ་བ་རུ་བསྒོམ་མི་ནུས།ཕྱག་རྒྱ་ལྷ་ཡི་སྐུ་སྟོད་ཡིན་ཏེ་བཅའ་ཞིང་གྱུར་མི་ནུས་པར་ཡིད་དམ་ལྷ་ཡི་ཞལ་མཐོང་དུ་རེ།མཆོག་དང་མཐུན་མོང་གིས་དངོས་གྲུབ་རེ་བ་འཆལ་བ་ཡིན་གསུང་།དེ་ནས་མཚོ་ཉ་བྲག་དཀར་པོ་ལ་བཞུགས་པའི་དུས་སུ།དྲན་དུ་གདན་དྲངས་པའི་ དུས་ན།སྐུ་ཡི་བཀོད་པ་མཛད་ནས་བྱ་རུ་སྤྲུལ་པའི་ལོ་རྒྱུས་ཀྱང་འདུག་གོ།དེ་ནས་ཁོང་ང་ཁོང་ཆུང་གིས་རི་ལ་ཡང་བཞུགས།རེས་འགའ་གཡའ་གསང་གིས་ཀུན་དུ་ཡང་བཞུགས།དེ་ཡི་དུས་སུ་འཁོར་གཡོག་གསུམ་ཙམ་ལས་མེད་དོ། །དེ་ནས་ཤད་སུ་ཟ་ལུང་ཙ་ཀ་ན། ནད་པ་ཤིན་ཏུ་ཉོན་མོངས་པ་ རབ་ཏུ་ཉམས་ཐག་པ་ཅིག་འདུག་སྟེ།རྣག་ཁྲག་ཞོ་བཞིན་འཛག་པ།རྐ་ལག་ཚད་ཅིག་སྣང་བ་དེ་རབ་ཏུ་སྙིང་རྗེ་བར་གཟིགས་པས།དེ་ཡི་གཡོག་ཞག་མཛད། དེ་ཡི་དུས་སུ་དྲུང་དུ་འཁོར་ལ་འོང་ གིས་གསུང་ནས།འགྲུང་གིས་ནང་ན་ཡར་གཤེགས་ཏེ།འབྲུག་པའི་མཚེར་སྙིང་དང་།རོ་སྟོང་ཀུན་ཏུ་ཞག་འགའ་བཞུགས་ཀྱིན་ཉམས་ལེན་པས།ཉམས་ཤིན་ཏུ་འཕེལ་བར་བྱུང་སྟེ།ཅན་གཟན་དང་རི་དྭགས་མང་པོ་ཀུ་དི་རི་རི་འདུག་གོ།བླ་མའི་ཞལ་ནས་ལྷོ་བལ་ཀུན་ན་སྒོམ་ཆེན་པ་ལ་སྤྱན་སྤྱང་ལ་སོགས་པའི་དུར་ཁྲོད་དུ་བསྒོམ་ཟེར་རོ།།དེ་ཡང་ངོ་མཚར་ཆེ་བའི་རྒྱུ་མཚན་གཅིག་ཏུ་འདུག་གསུང་།དེ་ནས་ཁ་ཟེར་གྱི་བྲག་ལ་བྱོན་པས། རྒོད་དར་མ་གཅིག་ཤི་བའི་རོ་དང་འཕྲད་ནས། འདི་ཡི་སྒྲོ་མདའ་ལ་སྐྱོན་ནས་ཡང་ན་ཡི་ཕོགཡང་ན་རི་དྭགས་ལ་ཕོག་སེམས་ཅན་གཅིག་ལ་གནོད་པར་འོང་བསམ་ནས།མེ་སྟོན་གཏན་སྲེགས་ནས་གཏོང་།བྲག་དེ་ལ་བཞུགས་ནས།ངེ་ནས་རྟ་ནག་ངོས་སུ་བྱོན་པས།ཞལ་ཟངས་ཀྱི་ཕུ་རུ་སྤྱང་ཁུ་མང་པོ་དང་འཕྲད་ནས་དུས་ད་རེས་ལ་ཕུང་པོ་བྱིན་པར་ བཏང་དགོས་ཟོས་ན་ཡང་བཟོ་བསམ་ནས་ཉམས་ང་མེད་པར་བྱོན་པས།སྤྱང་ཁུ་དེ་ས་དེ་དང་འགའ་ཙམ་འགྲོགས་ནས་ཨུ་དི་རི་གྱེས་སོང་ཏེ། བླ་མ་ལ་གནོད་པ་མ་བྱས་སོ། །དེ་ན་བླ་མ་འདི་ལ་གཅན་ཟན་གདུག་པ་ཅན་གྱི་གནོད་པ་ཡང་མི་ཚུགས་ཤིང་། མི་རྟོག་པའི་ཡེ་ཤེས་རྒྱུད་ལ་སྐྱེས་པའི་ཡོན་ཏན་ཡིན་པར་འདྲའོ།།དེ་ནས་རྟ་ནག་ན་མར་བྱོན་པས།ཤུད་ཀྱེ་བྷག་བྱ་བ་ལ་དུག་བྱུང་ནས་ སོ་དང་ཀུན་ནག་པོར་སོང་ཤི་རུ་ཁད་འདུག་པ་ལ།དེ་ལ་བླ་མའི་བྱིན་རླབས་མཛད་དེ།རྣམ་དག་ གིས་སྔགས་ཆུས་བྱས་ཤིང་བླུ་བས་དེ་ནད་ལས་གྲོལ་ལོ།།དེ་ནས་རྟ་ནག་བྱེའུ་ཚང་དུ་རྟ་ནག་དར་ཤེའི་ཕྱུགས་ལ་ཡོར་བྱུང་ནས།ཉལ་ལ་ལ་འཆི་བ་ལས།བླ་མས་བྱིན་བརླབས་མཛད་པས་ཡོར་ཆད་པ་དང་།ལུག་རྫི་ཅིག་ལ་ལྷོག་པར་བྱུང་ནས་ན་བ་ཡང་བླ་མའི་བྱིན་རླབས་ཀྱིས་གསོས་ཏེ།དེས་ན་ བླ་མ་འདི་མི་ནད་དང་ཕྱུགས་ནད་ཐམས་ཅད་རྒྱུན་ཆད་པར་སྨོན་ལམ་བཏབ་པའི་གཡུང་དྲུང་ སེམས་དཔའ་ཅིག་འདུག་གོ།།དེ་ནས་རྟ་ནག་བེའུ་སྔོན་དུ་དྲང་སྲོང་ཇོ་བས་ལ་དང་འཕྲད་ནས།ཁོང་ན་རེ་ཁྱོད་ལྡོམ་བུ་ལ་ཞུད་ན་དག་ཀྱང་འཆི་བར་ཞུ་དེ་མ་ལགས་ན། བདག་གིས་འདིར་བཞུགས་པར་ཞུ།ཤིན་ཏུ་དགེ་སྦྱོར་བ་ཅིག་བྱུང་ཟེར་བས།བླ་མའི་ཞལ་ནས་ཁྱེད་སྤྲང་དུ་ཕྱིན་པས་མིས་འཆད་བས།ད་ཁྱེད་དགའ་ན་ཞག་འགའ་འདིར་སྡོད་གསུང་ན་བཞུགས་སོ།།དེ་ནས་འཇེད་བཟང་པོར་དུ་བྱོན་ནས།མ་ཇོ་དཔལ་མོ་ན་རེ།བོན་བཙུན་ཡིན་ནམ་ཆོས་བཙུན་ཡིན་ཟེར་བས། བདག་བོན་བཙུན་ཡིན་བྱས་པས།འོ་ན་ཕྱག་ཅིག་འཚལ་ཟེར་བས།བླ་མའི་ཞལ་ནསའོ་ཅག་སངས་མི་རྒྱ་བ་རུ་འདུག་གསུང་།མ་ཇོ་དཔལ་མོ་ན་རེ་དྲོ་ལ་གཤེགས་ཟེར་བས་ང་གདན་ཅིག་ཏུ་ཡིན་གསུང་། འོ་ན་མ་རྒན་གཅིག་ན་མོ་ཡིན་ཡོད་པས་བྱིན་རླབས་ཞུདགོས།ཁྱེད་དགེ་སྦྱོར་བ་ཅིག་ཡིན་པ་འདྲ་ གསུང་བས།བླ་མའི་ཞལ་ནས་དག་སྤྲང་པོ་ལ་བྱིན་བརླབས་མེད་ཀྱང་།ཁྱེད་ཀྱི་རྟོག་པ་ཞི་བར་བྱ་ གསུང་ནས་བྱིན་རླབས་པས།ཞག་འགའ་བདེ་བར་གྱུར་ཏོ།།ད་ལྟ་ཡང་སློབ་དཔོན་ལྡོམ་བུ་ཟེར་ནས་ཤིན་ཏུ་ཡང་མོས་སོ།།དེ་ནས་འཇེད་ཀྱི་མངལ་བ་ཕུ་གསུམ་ན་ཡར་བྱོན་པས།ཇག་པ་ཁ་གཅིག་སྒུགས་དང་འཕྲད་པས།ཇོ་བོ་ཁྱོད་ལ་གནོད་པ་མི་བྱེད་དོ་ཟེར་འཚེ་བ་མ་བྱས་པས་གུས་པ་ཕུལ་ཏེ།བླ་མ་འདི་ཞེས་སྡང་གི་མཚོན་རབ་ཏུ་བཅོམ་པས། གཞན་གྱི་རྣམ་པར་འཚེ་བ་མི་འོང་བར་འདུག་གོ།།དེ་ཡང་ཟག་མེད་ཀྱི་ལམ་རྒྱུད་སྙོམས་པའི་ཡོན་ཏན་ཡིན་པ་འདྲའོ།།དེ་ནས་འཇེད་ཀྱི་ཤར་ངོས་ཉེ་རུ་ཁ་དང་སྟག་དེ་ཆོས་ལུང་ལ་སོགས་པ་ན་ཡར་ལྡོམ་བུ་མཛད་པས།ཤིན་ཏུ་དགེ་སྦྱོར་འཕེལ་བར་བྱུང་།དེ་ནས་ཟང་ཟང་ལྷ་བྲག་པའི་རྣག་རྫི་ཐང་གཅིག་བྱས་པས་ཀྱང་དགེ་སྦྱོར་འཕེལ་བར་བྱུང་གསུང་།དེ་ནས་འབྲོག་གིས་ཉེ་གར་བྱོན་པས་ཀྱང་།ལ་སྟོད་པའི་གོས་ལེགས་མོ་ཅིག་རྙེད་པས།སྤྲང་མོ་འཁྱགས་ནས་ཉམ་ཐག་ནས་འདུག་པ་ལ་བྱིན།དེ་ནས་གཙང་སོ་རུ་ལྕེ་བོན་པོ་གཅིག་གིས་མཆོད་གནས་ཞག་འགའ་བྱས།དེ་ཤིན་ཏུ་དད་པ་ཆེ་བར་ཅིག་ཡོད་གསུང་།ཁ་རྫི་དབང་ཕྱུག་བྱ་བ་ལ་དུག་བྱུང་ནས་ན་བ་ལ་བྱིན་རླབས་མཛད་པས་མོད་ལ་སོས་ཏེ།བླ་མའི་ཞལ་གྱི་བདུད་རྩིས་དུག་ཧ་ལ་ཡང་སྨན་དུ་འགྱུར་འདུག་གོ།དེ་ནས་གཙང་སོ་ཤ་རུའི་ལ་ལ་བྱོན་ཏེ།དྲང་སྲོང་བོན་བྱུང་གི་སྣང་བའི་ གསེར།ཞོ་ཅིག་ཡོད་པ་དེ།དེང་རི་བླང་འཁོར་དུ་མེ་མར་ལ་ཕུལ།དེ་ནས་རྩིབ་རི་བྱང་ངོས་ན་མར་བྱོན་ཏེ།དྲང་སོ་ན་དགེ་སློང་མཛེ་བྱུང་ཅིག་ཡོད་པ་འཕྲད་དེ།དགེ་སློང་དེ་ན་རེ་ཇོ་བོ་ཁྱོད་ཞལ་མཐོང་བས་སྙིང་བ་དག་པ་ཅིག་བྱུང་

།ཁྱེད་རྟོག་པ་མི་མཛད་ན་འདིར་ཞག་འགའ་བཞུགས་པར་ཞུ།ཟེར་ནས།དེར་ཞག་འགའ་བཞུགས་པས།ཉེས་ལེན་ལེགས་ལྡོན་པར་བྱ་བ།སྔོན་ལ་བྱམས་པ་བསྒོམས་པས་གདམ་ངག་བསྟན་པས་དགེ་སློང་དེའི་ནད་སོས་སོ།།དེ་ནས་ཉིན་ཞལ་ན་མར་བྱོན་པས།ཁྱི་མ་བཟང་པོ་མི་འགས་མི་ཐུབ་པའི་ཅིག་ཡོད་པས།བླ་མ་ལ་དམུག་པ་ལྟ་ཅི་སྨོས་ན།འཇུག་མ་རིལ་རིལ་བྱེད་དེ་སྔོན་དུ་སུ་བྱུང་ངོ་།།དེ་ནས་བླ་མའི་ཐུགས་ཡོངས་སུ་ཞི་བས་འགྲོ་（བ་）ཐ་དད་ཀྱི་ཡིད་དུ་འོང་བར་འདུག་གོ།དེ་ནས་མང་ལ་གཡུ་རྩེར་བྱོན་ནས།བཀྲ་ཤིས་ཁྱད་འབུམ་གཟིགས།མཚོ་ལྔ་གཏེར་ཁུར་དུ་ཞག་གསུམ་བཞུགས་ནས་གསོལ་བ་བཏབ།དེ་ལྟར་རོ་སྙོམས་ཀྱི་ལྡོམ་བུ་ ཕྱོགས་མེད་དུ་མཛད་དོ།།དེ་ནས་ཤངས་སུ་བྱོན་ཙམ་ན།མཛེ་མོ་རྒྱ་བསྒོམ་དང་ཡང་ཆུང་ལ་སོགས་པ་བཞི་ལ་འབྲི་བྱིན་པ་དེ་གཡག་ཏུ་བཙོང་ཏེ།གཡག་གསད་ནས་ཟོས་འདུག་པས།བླ་མ་ཤིན་ཏུ་ ཐུགས་ཆད་ནས་གསུངས་པ།བདེ་བ་མ་མཐོང་སེམས་ཅན་རྣམས་

ཀྱང་སྡུགསྔོན་ཡང་སྡིག་ལས་བྱས་པས་ད་ལྟ་འཛེ་ལུས་ཐོབ།ལྟོ་རྒྱབ་གཉིས་ལ་སྲེད་པས་ཁ་དྲངས་ནས།ཐར་པའི་ལམ་དུ་མི་དགེ་རྩང་བཙུགས་པ།བདག་གིས་སེམས་སྐྱེད་རྣམ་པར་དག་པ་ངེས།བདག་དང་ཡོན་བདག་མཐའ་ཡས་སེམས་ཅན་དང་།སྐྱེ་བོ་ཀུན་གྱི་སྡིག་པར་མ་གྱུར་ཅིགང་ལྡོམ་བུ་བྱེད་པ་ཡང་ཁྱེད་ཚོང་འཁྲེང་ནས་འོངས་པ་ལ།ཁྱེད་ཚོའི་སེམས་ལ་སྡིག་པ་མན་པ་མི་འདུག ཨང་།གསུང་།དེ་ནས་འགྲོ་བ་ལ་ཕན་འདགས་པར་དགོངས་ནས།མཚོ་ཉ་སྨན་དུ་བཞུགས་ཏེ།དེ་ཡི་ཐུགས་ཀྱི་འཁོར་ལ་སྔ་བ་དམ་པ་བོན་རྒོད་ཡིན་ནོ།།བླ་མ་འདི་དམན་པའི་སེམས་ཅན་མ་ལུས་པ་རྣམས་ལ་བུ་གཅིག་པའི་མ་ལྟ་བུར་དགོངས་པས།ཡང་ཆུང་བླ་སོགས་པའི་འཛེ་པོ་ཡང་མང་དུ་ཚོགས་པ་སོས།དག་པ་དྲང་སྲོང་གི་དགའ་ཐུབ་ཡོངས་སུ་རྫོགས་ཤིང་།དཀའ་ཐུབ་དུ་མ་མཛད་པས་རབ་ཏུ་བྱུང་བ་ཡང་མང་དུ་ཚོགས།གསལ་ཡེ་ཤེས་ཀྱི་ངོ་སྤྲོད་ལ་མཁས་པས།སྒོམ་ཆེན་མང་དུ་ཚོགས་སྔགས་རྒྱུད་སྡེ་མཐའ་དག་ལ་མཁས་པས།ཐོས་བསམ་སྤྱོད་པའི་དྲ་བྭ ་ཡང་མང་དུ་ཚོགས།ཐུགས་རྗེ་བྱིན་རླབས་ཀྱི་ནད་གདོན་གྱི་བར་ཆོད་ཞི་བར་མཛད་པས།ཡོན་བདག་ཕོ་མོ་ཡང་འདུས།ཕུན་གསུམ་ཚོགས་པའི་ འཁོར་གྱི་ཡོན་ཏན་ལྡན་ནོ།།དེའི་དུས་ན་སློབ་དཔོན་གྱི་གང་དུ་ཡང་མ་གཤེགས་པར་བྱང་དུ་ཡོན་ དག་ཅིག་ཤི་བའི་རོ་སྲེགས་བླ་མས་མཛད་པར་འདུག་སྟེ།དེའི་རུས་པ་ལ་ཚ་ཚ་འདེབས་པ་འབུལ་བ་རྣམས་སྨན་གོང་དུ་སྐྱེལ་བྱུང་བ་ལ།རོ་སྲེགས་སུས་བྱས་ཞེས་འཁོར་གྱིས་བྲིས་པས།ཡོན་བདག་དེ་ན་རེ་སློབ་དཔོན་གྱི་སྲེགས་བླ་མས་མཛད་པར་འདུག་སྟེ། དེ་ལ་སོགས་པ་སྐུ་ཡི་རྣམ་སྤྲུལ་དུ་མ་ མཁྱེནཔར་ཡང་ཡོངས་སུ་གྲགས་སོ།།ཡང་མངལ་ཇོ་ཞོན་དང་གཉིས་བོན་པོས་ཆུ་བར་དུ་གདན་དྲངས་ནས་གསང་སྔགས་ཀྱི་བསྙེན་གྲུབ་མཛད་དོ།།དེ་ཡི་དུས་སུ་ཡུལ་པ་དེ་ལ་བླ་མས་གདམ་ངག་ཞག་འགའ་གསུངས་པས། དེར་ཚོགས་པ་རྣམས་རིག་པ་ཤར་བས།སྒོམ་རང་བབས་སུ་བྱུང་བ་དང་།དད་པ་སྐྱེས་ནས་མི་ཆོས་ཀྱི་བྱ་བ་ཐམས་ཅད་གོས་ཧྲུལ་བཞིན་བོར་ནས།བླ་མའི་ཆགས་ཕྱིར་ འབྲེང་བ་དང་།བླ་མའི་བྱིན་རླབས་ཀྱི་བཟུང་འཛིན་གྱི་འཁྲུལ་པ་ཞི་ནས་རྣམ་རྟོག་ནམ་མཁའ་སྤྲིན་དེངས་པ་བཞིན་དུ་སོང་བ་ཡང་མང་དུ་བྱུང།དེའི་དུས་སུ་དུས་མེད་རྣམ་བཞི་ཞེས་བྱ་བའི་གདམ་ངག་གསུངས་ཏེ།དགྲ་གཉེན་གྱི་འབྲེལ་བ་མ་ཐག་བཅད་ན།བྱམས་སྡང་གི་ཁ་ལེན་ལ་འཁོར་དུ་ མེད།ནོར་ཟོས་ཀྱི་འབྲེལ་ཐག་མ་ཅད་ན།འདོད་པའི་བློ་ལ་ཁེངས་དུས་མེད།རྟག་ཆད་ཀྱི་འབྲེལ་ཐག་མ་བཅད་ན།འཐབ་བྲལ་གྱི་ལྟ་བ་ལ་རྟོག་དུས་མེད། ཟུང་འཛིན་གྱི་འབྲེལ་ཐག་མ་ཆད་ན།སེམས་ལ་དལ་པ་ཐོབ་དུས་མེད།ཉེ་ནས་ནམ་དོར་ལ་ཁྱོད་རང་ཤུལ་ན་ཚུར་ཤོགནམ་སེང་སེང་བ་ལ་བྲོས་ཏེ་ཞུད་དོ།།རྫུ་འཕྲུལ་གྱི་ཞབས་དང་ལྡན་པས་ཐོགས་པ་མེད་པར་བཀྲ་ཤིས་སྨན་གོང་དུ་བྱོན་ནོ།།ཡང་འཁོར་རྣམས་ལ་ཉམས་ཀྱི་གདམ་ངག་ཁ་ཐོར་དུ་གསུངས་ཏེ།ས་བོན་རྒྱུ་དང་ཆུ་ལུད་རྐྱེན་མེད་པར་འབྲས་བུ་ཉུ་གུ་སྔོན་པོ་སྐྱེ་མི་འགྱུར།དྭངས་བའི་རྒྱུ་དང་བརྩོན་འགྲུས་རྐྱེན་མེད་པར་ལས་སྤྱོད་དགེ་བའི་ལོ་ཏོག་འགྲུབ་མི་འགྱུར།གསུང་ནས་ལས་འབྲས་གཙོ་ཆེ་བའི་ཚིག་དོན་ཉི་ཤུ་རྩ་གཅིག་བྱ་བ་གསུངས།འགྲན་གྱི་དོ་མེད་བླ་མའི་རྗེ་དེ་དང་དབྱེར་མེད་ཡིད་དམ་ལྷ་མོས་པའི་རྟེན་དུ་བཞུགས་སུ་གསོལ།ཁྱེད་ཉམས་སུ་ལེན་པའི་སྐལ་ལྡན་རྣམས།དམ་ངག་འདི་དག་སེམས་འཐད་དམ་གཟིགས་གསུང་ནས།དྲང་དོན་ངེས་དོན་ཕྱེ་ནས་དམ་པ་ཁ་ཡར་གསུངས།ངན་སོང་དོང་སྤྲུགས་ཀྱི་སྙིང་པོ་ལ་བརྟེན་ནས་ལམ་གྱི་བར་ཆོད་ཞི་བར་བྱ་བ་དང་།གདོན་དང་དགྲ་ལ་བྱམས་པ་ དང་།སྙིང་རྗེ་སྒོམ་པ་ཉེས་ལན་ལེགས་པས་བླན་པའི་དམ་པ་དང། ན་ཚ་དང་སྡུག་བསྔལ་གྱི་དགེ་སྦྱོར་གྱི་བསྐུལ་འདེབས་བྱེད་པ།རྐྱེན་ངན་ལམ་དུ་སློང་བའི་དམ་པ་དང་།དེ་ལ་སོགས་པ་མདོ་དང་སེམས་ཕྱོགས་ལ་སོགས་པའི་ལུང་ལས་རྟེན་པའི་དམ་པ་དུ་མ་གསུངས་སོ།།སྤྱིར་ཡང་བླ་མ་འདི་སེམས་ཅན་གྱི་དོན་དུ་གང་གྱུར་པའི་བྱ་བ་མཛད་ཅིང་།རྣམ་སྤྲུལ་གྱི་བཀོད་པ་དུ་མ་མཁྱེན་པ།རྣམ་རྟོག་གིས་སྤྲོས་པ་ཉེ་བར་ཞི་ཞིང་ཡོན་ཏན་གྱི་ཚོགས་དཔག་ཏུ་མེད་པ་མངའ་བ།ཕྲ་དོག་གི་བདུད་ དཔུང་གི་རླབས་པའི་སྐྱེ་བོ་འགའ་གཅིག་གིས་སྣང་ལ།རྟོགས་པ་ལྟ་སྤྱོད་གཉིས་ལ་ཁ་ན་མ་ཐོ་བ་མེད་པ་འདི་ནི་ངེས་པར་བདེ་བར་གཤེགས་པའི་སྤྲུལ་པ་ཡིན་པར་རིག་པར་བྱའོ།།བླ་མའི་ཡོན་ཏན་ནོར་བུ་རིན་ཆེན་རྣམས།དད་མོས་འདུན་པས་སྣ་ཚོགས་དར་ལ་བྲིས།པདྨའི་གདན་ལ་བཞུགས་པའི་སྤྱི་གཙུག་བཀུར།སྒོ་གསུམ་ལེགས་སྤྱོད་དཀར་པོའི་ཆར་བས་བསྟོད། འགྲོ་དྲུག་ཐུགས་རྗེས་འཛིན་པའི་སྨོན་ལམ་བཏབ།བདག་གཞན་དོན་ཀུན་མ་ལུས་འགྲུབ་པར་འགྱུར།བླ་མའི་རྣམ་ཐར་རིན་ཆེན་ཕྲེང་མ་འདི། མོས་པའི་སྟོབས་ཀྱི་ཡི་གེར་སྡེབས་པ་འདི།རྗེས་འཇུག་རྣམས་ཀྱང་བླ་མའི་ཡོན་ཏན་ལ།སྤྲོ་ཞིང་དྭངས་པའི་དད་པས་ཀུན་སླང་ནས། བླ་མའི་ཡོན་ཏན་རྗེས་སུ་གྲུབ་པ་དང་།གདུལ་བྱ་དཀར་པོའི་ལམ་ལ་བཀོད་པར་འགྱུར།དགེ་བ་འདི་དང་ཚེ་རབས་ཐམས་ཅད་དུ།བདག་དང་མཐའ་ཡས་སེམས་ཅན་མ་ལུས་ཀུན།བླ་མའི་ཐུགས་རྗེས་ཡོངས་སུ་ཐིམ་གྱུར་ཅིགབླ་མའི་རྣམ་ཐར་རིན་ཆེན་ཕྲེང་བ་ཞེས་བྱ་བ།ཞང་བཙུན་འབར་ཏང་བས་སྦྱར་བའོ༎ བཀྲ་ཤིས༎ ་