དད་པའི་གསོལ་འདེབས་རོལ་དབྱངས།

ལུང་རྟོགས་གཉིས་ཀྱི་ཡོན་ཏན་ཟད་མེད་མཁའ་དབྱིངས་སུ།།

བསྟན་པའི་འཕྲིན་ལས་སྐྱ་རེངས་དགྱེས་པའི་འཛུམ་རླབས་ཀྱིས།།

ཉི་མའི་ལང་ཚོ་དྲངས་ཤིང་འགྲོ་ཁམས་མུན་སེལ་མགོན།།

འཁྲུལ་མེད་གསང་གསུམ་བསྐལ་པ་རྒྱ་མཚོར་གནས་གྱུར་ཅིག།།

རླབས་ཆེན་སྤངས་རྟོགས་རྫོགས་པའི་རྒྱལ་བའི་རྣམ་རོལ་སྐུ།།

ཚངས་དབྱངས་བརྙེས་པའི་ཚངས་སྲས་མགུལ་ལས་དྲངས་བའི་གསུང་།།

སྐུ་གསུམ་མཉམ་པ་ཉིད་ལ་འགྲན་པའི་ཀ་དག་ཐུགས།།

མཚུངས་མེད་བླ་མར་སྒོ་གསུམ་གུས་པས་གསོལ་བ་འདེབས།།

སྨན་རིའི་བསྟན་པའི་བདག་པོ་རྗེ་བཙུན་ཁྱུ་མཆོག་ཉིད།།

གཞལ་མེད་མཛད་འཕྲིན་སྐུ་ཚེ་ཕྱྭ་གཡང་ཡུན་བརྟན་ཕྱིར།།

སྨན་རིའི་གྲལ་མཐར་འཛིན་པའི་ཤེས་རབ་དབང་རྒྱལ་གྱིས།།

སྒོ་གསུམ་བཅོས་མེད་ངང་ནས་གསོལ་འདེབས་ལན་བརྒྱར་འདེབས།།