ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
དྲ་གྲོགས་རྣམས་ལ་བཀའ་དྲི་ཞུ་རྒྱུར།
[ 2011/12/14 11:37:00 | By: ཨ་ཚེ་རིང་། ]
 

མཁྱེན་རྒྱ་ཡངས་པའི་རྒྱ་ཆེའི་དྲ་གྲོགས་རྣམས་ལ་བཀའ་དྲི་ཞུ་རྒྱུར།

རང་རེའི་ཡུལ་གྱི་སྲོལ་རྒྱུན་གོམས་གཤིས་སུ་སྐྱེས་ཕོ་མོ་གང་ཡང་

རུང་བ་ལོ་ན་བརྒྱད་ཅུར་སླེབས་ཙ་ན་ཆེད་མངགས་རྟེན་འབྲེལ་སྟོན་

མོ་ཟབ་རྒྱས་བྱེད་སྲོལ་འདུག་ལ། བརྒྱད་ཅུ་གོས་དཀར་ཞེས་པའི་ལྭ་བ་

དཀར་པོ། སྟོད་རྒྱབ་ཏུ་ཉི་ཟླ་སྐར་གསུམ་དང༌། གཡུང་དྲུང་གི་མཚོན་

རྟགས་རྒྱག་སྲོལ་འདུག

 འོན་ཀྱང་ཤེས་དམན་པ་བདག་གིས་རང་རེར་དམངས་སྲོལ་རིག་གནས་

འདི་ལྟ་བུ་ཞིག་ཡོད་ཀྱང་འདིའི་ཐོག་མའི་ལོ་རྒྱུས་འབྱུང་ཁུངས་དང༌། གོས་དེ་གྱོན་དགོས་པའི་རྒྱུ་མཚན།   ཉི་ཟླ་སྐར་གསུམ་དང༌།  

གཡུང་དྲུང་རྒྱག་དགོས་པའི་མཚོན་དོན་སོགས་

མི་ཤེས་པས་མཁྱེན་ལྡན་པ་རྣམས་ནས་རྩ་ཆེའིདགོངས་དོན་ལྷུག་

སྩོལ་ཡོད་པ་མཁྱེན་མཁྱེན། །

 

 
 
Re:དྲ་གྲོགས་རྣམས་ལ་བཀའ་དྲི་ཞུ་རྒྱུར།
[ 2011/12/15 3:56:27 | By: སྐུ་མགྲོན་01Uh84(སྐུ་མགྲོན) ]
 
སྐུ་མགྲོན་01Uh84(སྐུ་མགྲོན)འདིར་སྐུ་ཉིད་ཀྱི་ལོ་ན་བརྒྱད་ཅུར་སླེབས་ཙ་ན་ཆེད་མངགས་རྟེན་འབྲེལ་སྟོན་མོ་ཟབ་རྒྱས་བྱེད་སྲོལ་སྐོར་ལ་དྲི་ལེན་འབུལ་མ་ཐུབ་ཀྱང། ཡིན་ནའང་བྱིས་པ་ཆུང་ཆུང་སྐྱེས་ལོང་མ་ལ་བོན་པོའི་གཏོ་བཅོས་ངོ་མཚར་ཅན་ཞིག་བྱེད་རྒྱུ་ཡོད་རེད་ཟེར་དཔེ་ཁྲིད་ཀྱི་བར་སེང་ནས་༧ཡོངས་འཛིན་རིན་པོ་ཆེ་མཆོག་གི་ཞལ་མངའ་ནས་ཐོས་མྱོང། ད་གསལ་པོ་ཞིག་ནི་དྲན་གྱི་མི་འདུག། བྱིས་པ་ཆུང་ཆུང་སྐྱེས་ལོང་མ་ལ་བོན་པོའི་གཏོ་བཅོས་བྱེད་སྲོལ་དེ་་་་འབྲས་ལྗོངས་་་་ལུང་པར་ཡོད་རེད་གསུངས་པ་ཤིག་ཐོས་མྱོང། འདི་སྐོར་ཁྱེད་ཉེ་གནས་པ་གང་ཞིག་གིས་བཀའ་འདྲི་ཡང་སྐྱར་ཞུས་ནས་ཁ་བསལ་པོ་ཞིག་བཟོ་རོགས་གནང་ཞུ་རྒྱུ་ཡིན། སྐུ་ཚེ་རིང།
 
 
Re:དྲ་གྲོགས་རྣམས་ལ་བཀའ་དྲི་ཞུ་རྒྱུར།
[ 2011/12/14 17:20:57 | By: སྐུ་མགྲོན་typ0SF(སྐུ་མགྲོན) ]
 
སྐུ་མགྲོན་typ0SF(སྐུ་མགྲོན)མཁས་དང་མཁས་མིན་མང་པོས་བདག་འཛིན་དབང་གིས་བདེན་པ་རེ་རེ་ཤོད་རྒྱུ་རེད་དེ་དོན་ངོ་མ་དེ་བདེན་པར་མ་གྲུབ་པ་ཞིག་ཡིན་པས་གང་བཤད་བཤད་འདྲ་པོ་ཡིན་རྒྱུ་རེད། ངས་ས་མིག་གི་སྟོང་ཆ་ཞིག་བཟུང་ནས་རྟེན་འབྲེལ་གྱི་རྟགས་དེ་ཚོར་གོ་དོན་ཞིག་སྟེར་ན་འདི་ལྟར།
བར་ཆད་ཚེ་བདུད་ནག་པོས་མ་བཙེས་ཤིང་། །རྣམ་དཀར་དགེ་བ་བསྐྱེད་པའི་འབྲས་རྟགས་དཀར། །སྐྱིད་ཀྱི་ཉི་མ་ཤར་བའི་གཟའ་སྐར་ལ། །བསོད་ནམས་ཟླ་བའི་འཕེལ་ཁ་རབ་རྒྱས་ཏེ། །ལོངས་སྤྱོད་ནོར་བུའི་མཛོད་ལ་དབང་འབྱོར་ཞིང་། །ཚེ་སྲོག་གཡུང་དྲུང་བརྟན་པའི་བཀྲ་ཤིས་རིས། །བརྒྱད་ཅུའི་ལོ་ལོན་དགའ་བའི་རྟེན་འབྲེལ་རེད།
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.