ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
གྲྭ་ས་གོང་འོག་ཁག་གི་མཁན་རབས་བླ་བརྒྱུད་ག་འདྲ་བྱུང་ངམ།
[ 2014-04-21 14:04:00 | By: ཨ་ཚེ་རིང་། ]
 
          གྲྭ་ས་གོང་འོག་ཁག་གི་མཁན་རབས་བླ་བརྒྱུད་ག་འདྲ་བྱུང་ངམ།

དུས་ཕྱིས་གཏེར་སྟོན་གཤེན་གྱེར་རྨ་དབྱིལ་ཞེས་པ་ནི་གཏེར་སྟོན་བརྒྱ་རྩའི་གཙོ་བོ་སྤྲུལ་པའི་སྐུ་མཆོག་གཤེན་ཆེན་ཀླུ་དགའ་དང་།   གྱེར་མི་ཉི་འོད།   རྨ་སྟོན་སྲིད་འཛིན།  དབྱིལ་སྟོན་ཁྱུང་རྒོད་རྩལ་བཅས་ཡིན་ལ་ཁོང་རྣམས་ཀྱིས་གཏེར་ཞལ་ཕྱེས་པ་ནས་བཟུང་བསྟན་པ་ཕྱི་དར་གྱི་དབུ་བརྙེས་ཤིང་།  དེ་དག་གི་ནང་ནས་གཏེར་སྟོན་གཤེན་ཆེན་ཀླུ་དགའི་བུ་སློབ་མང་པོ་ཡོད་ཀྱང་།  ཐུགས་སྲས་དམ་པ་བསྟན་པ་ལ་བཀའ་དྲིན་ཆེ་བ་ནི་བྲུ་ཆེན་ནམ་མཁའ་གཡུང་དྲུང་དང་།  བྲུ་ཤ་ཁྱུང་གི་རྒྱལ་མཚན།  དབང་ལྡན་ཞུ་ཡས་ལེགས་པོ།   སྤ་སྟོན་དཔལ་མཆོག་བཟང་པོ་བཅས་ལ་བྲུ་ཞུ་སྤ་གསུམ།   ཁོང་རྣམས་ཀྱི་སློབ་བརྒྱུད་འདུལ་སེམས་གཉིས་ཀའི་སྒོ་ནས་འགྲོ་ལ་བཀའ་དྲིན་ཆེ་བ་རྨེའུ་དགོངས་མཛད་རི་ཁྲོད་ཆེན་པོ་དང་རྨེའུ་ལྷ་རི་གཉེན་པོ།   མཁས་པ་དཔལ་ཆེན་སོགས་བྱོན་ནས་བརྒྱུད་འཛིན་བྲུ་ཞུ་སྤ་རྨེའུ་ཞེས་མཚན་སྙན་ཡོངས་སུ་གྲགས།  དེ་དག་གི་ནང་ནས་རྒྱུད་འཛིན་མཁས་གྲུབ་མང་པོས་རིང་ལུགས་རྨ་མེད་འཛིན་སྐྱོང་སྤེལ་གསུམ་བྱས་པའི་སྒོ་ནས་འགྲོ་དོན་རྒྱ་ཆེ་ཤོས་ནི་རྒྱལ་བ་བྲུའི་རིང་ལུགས་འདི་ཉིད་ཁྱད་པར་འཕགས་པ་ཞིག་བྱུང་།  བྲུའི་རིང་ལུགས་འཛིན་མཁན་ཐོག་མར་གཡས་རུ་དབེན་སའི་སྟོན་པ་བཅོ་བརྒྱད་དམ་མཁས་གྲུབ་བཅོ་བརྒྱད་ནི།

༡   བྲུ་ཆེན་ནམ་མཁའ་གཡུང་དྲུང་།

༢   བྲུ་ཤ་ཁྱུང་གི་རྒྱལ་མཚན།

༣   བྲུ་རྗེ་གཡུང་དྲུང་བླ་མ།

༤   བྲུ་སྟོན་ཉི་མ་རྒྱལ་མཚན།

༥   མཚན་ལྡན་གཡོར་པོ་མེ་དཔལ།

༦   གཉོས་སྟོན་ཚུལ་ཁྲིམས་རྒྱལ་མཚན།

༧  འ་ཞ་བདུད་རྩི་རྒྱལ་མཚན།

༨   འགྲོ་མགོན་བློ་གྲོས་རྒྱལ་མཚན།

༩   མཉམ་མེད་འདུལ་བ་རྒྱལ་མཚན།

༡༠   བྲུ་སྟོན་རྒྱལ་བ་གཡུང་དྲུང་།

༡༡   རྟོགས་ལྡན་ནམ་མཁའ་འོད་ཟེར།

༡༢   མཐའ་བྲལ་བསོད་ནམས་རྒྱལ་མཚན།

༡༣   མཚུངས་མེད་བསོད་ནམས་བློ་གྲོས།

༡༤    མཁས་གྲུབ་ནམ་མཁའ་བསོད་ནམས།

༡༥   སྤྲུལ་སྐུ་ཚེ་དབང་རྒྱལ་མཚན།

༡༦   མཁས་བཙུན་ནམ་ནཁའ་རིན་ཆེན།

༡༧   མཚན་ལྡན་རྣམ་རྒྱལ་ཀ་ར།

༡༨  མཁས་གྲུབ་རིན་ཆེན་བློ་གྲོས་བཅས་སོ།།

༈  དེ་རྗེས་དཔལ་ལྡན་རྒྱལ་བ་སྨན་རིའི་མཁན་རབས་སོ་གསུམ་ནི།

༡   མཉམ་མེད་ཤེས་རབ་རྒྱལ་མཚན།

༢  རྒྱལ་ཚབ་རིན་ཆེན་རྒྱལ་མཚན།

༣   ནམ་མཁའ་ཡེ་ཤེས།

༤   ཀུན་བཟང་རྒྱལ་མཚན།

༥    རིན་ཆེན་རྒྱལ་མཚན།

༦   ཚུལ་ཁྲིམས་རྒྱལ་མཚན།

༧   བསོད་ནམས་ཡེ་ཤེས།

༨   བསོད་ནམས་གཡུང་དྲུང་།

༩   ཤེ་ཙུ་དྲུང་མུ།

༡༠   ཤེས་རབ་འོད་ཟེར།

༡༡   གཡུང་དྲུང་ རྒྱལ་མཚན།

༡༢   ཤེས་རབ་བློ་གྲོས།

༡༣   ཤེས་རབ་འོད་ཟེར།

༡༤   གཙུག་ཕུད་འོད་ཟེར།

༡༥   གཡུང་དྲུང་ཚུལ་ཁྲིམས།

༡༦    རིན་ཆེན་འོད་ཟེར།

༡༧   རིན་ཆེན་ལྷུན་གྲུབ།

༡༨   ཤེས་རབ་བསྟན་འཛིན།

༡༩   ཤེས་རབ་དབང་རྒྱལ།

༢༠   གཡུང་དྲུང་དབང་རྒྱལ།

༢༡   ཕུན་ཚོགས་རྣམ་རྒྱལ།

༢༢   བསོད་ནམས་བློ་གྲོས།

༢༣   ཉི་མ་བསྟན་འཛིན།

༢༤   བསོད་ནམས་ཕུན་ཚོགས།

༢༥   ཤེས་རབ་གཡུང་དྲུང་།

༢༦   སངས་རྒྱས་བསྟན་འཛིན།

༢༧   བསྟན་འཛིན་ཚུལ་ཁྲིམས།

༢༨  ཕུན་ཚོགས་བློ་གྲོས།

༢༩   རྒྱལ་བ་བློ་གྲོས།

༣༠   བསྟན་པ་བློ་གྲོས།

༣༡   ཉི་མ་དབང་རྒྱལ།

༣༢   ཤེས་རབ་བློ་གྲོས།

༣༣   ལུང་རྟོགས་བསྟན་པའི་ཉི་མ་བཅས་སོ།།

དེ་ནས་དཔལ་ལྡན་མཁར་སྣ་བསམ་བརྟན་གླིང་གི་བླ་རབས་ལྔའམ་བདུན་ནི།

༡   འགྲོ་མགོན་ཤེས་རབ་གཡུང་དྲུང་།

༢   རྒྱལ་ཚབ་བསོད་ནམས་སེང་གེ

༣   རྒྱལ་ཚབ་རྒྱལ་བ་གཡུང་དྲུང་།

༤   རྒྱལ་ཚབ་གཡུང་དྲུང་རྒྱལ་མཚན།

༥   རྒྱལ་ཚབ་ཡོན་ཏན་སེང་གེ་དང་ལྔའོ།   དེ་སྟེང་མཁར་སྣའི་དགེ་སློང་རྣམ་གཉིས་ནི་དགེ་སློང་ཉི་མ་གྲགས་པ་དང་།  དྲང་སོང་གཡུང་དྲུང་ཚུལ་ཁྲིམས་གཉིས་བསྣན་ན་བདུན་དེ་གཉིས་རྒྱལ་ཚབ་ནི་མ་ཡིན་ནོ།།

དེ་ནས་རབ་ལེགས་གཡུང་དྲུང་གླིང་གི་མཁན་རབས་བཅུ་ནི།

༡   སྣང་སྟོན་ཟླ་བ་རྒྱལ་མཚན།

༢    གཡུང་དྲུང་བསྟན་འཛིན།

༣    སྐལ་བཟང་ཉི་མ།

༤    ཕུན་ཚོགས་དབང་རྒྱལ།

༥  ཚུལ་ཁྲིམས་དབང་རྒྱལ།

༦  ཤེས་རབ་བློ་ལྡན།

༧   ཤེས་རབ་ཉི་མ།

༨   བློ་གྲོས་རྒྱལ་མཚན།

༩   བློ་གྲོས་ཉི་མ།

༡༠   ཤེས་རབ་བསྟན་པའི་རྒྱལ་མཚན་བཅས་སོ།།

༢༥  སྔར་བོན་བསྟན་དར་ཡུལ་གྱི་ས་ཆ་ཁག་དང་དེང་སྐབས་དར་ཡུལ་གྱི་ས་གནས་ག་འདྲ་ཡོད་དམ།      སྔར་ཞང་ཞུང་གི་ཡུལ་དབུས་ཁྱུང་ལུང་དངུལ་མཁར་དང་།     གངས་ཏི་སེའི་སྐོར་བཅས་ལ་དབུས་སུ་འཛིན་པའི།  ཤར་ཕྱོགས་ལ་རྒྱ་ནག་ལྷོ་བྱང་དང་།   རྒྱལ་རོང་།  ལྡོང་ཡུལ།  སུམ་པ། འཇང་ཡུལ།  རུ་བཞི་བོད་ཀྱི་ས་སྐོར་སོགས་དང་།  བྱང་ཕྱོགས་ལ་ཕྲོམ་གེ་སར་དམག་གི་ཡུལ།   ལི་ཡུལ།  གྲུ་གུ   མི་ཉག   འ་ཞ།  སོག་པོ་ཕྱི་ནང་།   ཡུ་གུར།  ཐོ་གར་སོགས་དང་།  ནུབ་ཕྱོགས་ལ་སྟག་གཟིག    བྲུ་ཤ    ཁ་ཆེ།   ཨོ་རྒྱན།  ཟ་ཧོར།  པ་ཀི་སི་ཐན།  ཨ་རབ་པའི་ལུང་པ་སོགས་དང་།  ལྷོ་ཕྱོགས་ལ་རྒྱ་གར་དང་།  བལ་པོ།  འབྲུག   འབྲས་ལྗོངས།  མོན་ཡུལ།  འཇང་མོ་མིག་དགུའི་ཡུལ་སོགས་སྔར་བོན་བསྟན་དར་ཡུལ་གྱི་ཡུལ་ལུང་ཡིན་ཀྱང་།  དེང་སྐབས་གོང་གི་ཡུལ་གྲུ་ཕལ་ཆེ་བ་དེ་དག་ལ་བོན་བསྟན་དར་ཤུལ་དང་མིང་གི་སྲོལ་རྒྱུན་གནས་པ་ཙམ་མ་གཏོགས་བསྟན་པ་རྣལ་མ་ནི་ཆེར་མེད་པར་གྱུར།

དེང་སྐབས་བོན་བསྟན་དར་ཡུལ་ནི་གཙང་ཕྱོགས་གཞིས་རྩེ་ས་ཁུལ་དང་།  ནག་ཆུ་ས་ཁུལ།  ཆབ་མདོ་ས་ཁུལ།  ཀོང་པོ་ཉི་ཁྲི་ས་ཁུལ།  སྟོད་མངའ་རིས་ས་ཁུལ།   སྨད་སྡེ་དགེ་དང་།  ཉག་རོང་།  རྫ་ཁོག   ཨ་མདོ་ཤར་པ་དང་རྔ་པའི་ཁུལ།  མཛོ་སྒང་།  མཚོ་སྔོན་ས་ཁུལ།  རྒྱལ་རོང་།  རེབ་ཀོང་།  གཞན་ཡང་བལ་ཡུལ་དང་འཇང་ཡུལ།   རྒྱ་ཡུལ།  འབྲས་ལྗོངས།  རྒྱ་གར།   ཕྱི་རྒྱལ་གྱི་ཡུལ་གྲུ་འགའ་ཞིག་བཅས་དེང་གི་བོན་བསྟན་དར་ཡུལ་གྱི་ས་ཆ་ཁག་ཡིན་ནོ།།

འགོ་བ་དགེ་བཤེས་བསྟན་འཛིན་འབྲུག་གྲགས།

 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.