ལྷ་རྒྱལ་ལོ། །

གཞས་ཚིག  རེབ་སྐྱིད་ཡར་འཕེལ།

འཛམ་གླིང་མཁས་མང་རིག་པའི་རྣམ་དཔྱོད་ལས། །

གཡུང་དྲུང་བོན་གྱི་བསྟན་པ་ཡང་རྒྱལ་ལོ། །

རྒྱལ་བའི་རྒྱས་སྟོན་ཉི་མ་དེ་རིང་རེད། །

དེ་རིང་བཀྲ་ཤིས་རྒྱལ་གླུ་ང་ཡིས་ལེན། །

རྣམ་མཁྱེན་རྒྱལ་པོའི་བསྟན་པ་རིན་པོ་ཆེ། །

མཐའ་ནས་དར་བའི་སྨོན་ལམ་སྨིན་རྒྱལ་ལོ། །

བསམ་དོན་འགྲུབ་པའི་ཉི་མ་དེ་རིང་རེད། །

དེ་རིང་བཀྲ་ཤིས་བསྟོད་གླུ་ང་ཡིས་ལེན། །

གཡུང་དྲུང་སྤུན་གྲོགས་ཚངས་མ་ཡར་ལ་ལོངས། །

རྒྱལ་ཁའི་བོན་དར་ཕྱར་བཞིན་ཡར་ལ་ལོངས། །

བོན་གྱི་བསྟན་པ་དར་བའི་ལྷ་རྒྱལ་ལོ། །

ལྷ་རྒྱའི་གླུ་འདི་གཡུང་དྲུང་བོན་ལ་ལེན། །